انتي موظفه او طالبه تكفين ساعديني جعلك حوريه زوجك في الجنه

انا طالبة بس مو متزوجة << ماتحس بمسأولية

اناكنت زيك طالبه- جهزي اغراض بنتك فالليل رتبي البيت قبل لاتنامين
غسيل المواعين اول باول الغرف الي ماتدخلونها نظفيها وسكريها فالاسبوع مره لاتقيدين نفسك بنظام احسه متعب كل ماجتك فرصه امسحي نظفي لان الدراسه مع الاطفال تعب اسال مجرب بس العون من الله

وبالنسبه لطبخ قطعي دجاجك من الليل واحمسي البصل وكل شي والرز اغسليه واذا رجعتي على طول ماعليك الا
تحطين عالنار ساعه بالكثير والا الغداءجاهز

شوفي أنا راح أعطيك بعض الأفكار :
- الغداء لازم تجهزيه من الليل ، عشان تجي من الدوام وتبدي في التحضير مباشرة ، ما تجلسي تفكري وش أطبخ .
- الخضار لما تجيبونها غسليها كلها ونشفيها وحطيها في علب محكمة وعلى الثلاجة ، واذا جيتي تستخدمينها تكون جاهزة ونظيفة بدال حوسة الأكياس ، خاصة الخضار الورقية .
- اللحوم بأنواعها لا تدخلينها للفريزر الا منظفة ومقطعة ، بس تذوبيها في الميكرويف شوي وعلى طول استخدميها ، يعني مثال : صدور الدجاج تجيبيها طازجة ، وبعدين شي تقطعيه صغار وتكيسيه ، هذا للحشوات والكبسات والشوربات ، وشي تخلينه كامل وهذا يكون للطاجن في الفرن ، وشي تقطعيه أصابع مع بيض وبقسماط وهذا للقلي مثل البروستد ، وشي تشرحينه رقيق وتحطي عليه تتبيلة الزبادي والليمون وهذا للشواية ......وهكذا ،،وحطيهم في اكياس محكمة الاغلاق وفي الفريزر .
- تذكري : الفريزر صديق الطالبة والموظفة ،استغلي أوقات فراغك صلحي لك كم حاجة وحطيها في الفريزر لوقت الزنقات (سمبوسه ، سبرنغ رول ، كفتات ، كبة ....)
-قدر الضغط مررررة يختصر الوقت خاصة للحوم الحمراء .
- أغراض بنتك وملابسها ووجبتها جهزيها من الليل .
-صحون وكاسات وملاعق البلاستك مررة مفيدة لاستخدامها كمساعد في المطبخ ، أو لأكل بنتك .
- مناشف التمسيح ، استخدمي أقمشة اللي تكون رخيصة وقطنية ، قصصيها مربعات ، وامسحي وارمي ، بلا تغسيل مناشف بلا حوسة .
- الأكل اللي تحبه بنتك وفريه دايم ، لأنها هي أهم شي ، اذا جاعت ما تنتظر زي الكبار .
- بالنسبة للملابس : غسالة الأتوماتيك والمجفف شي ضروري جدا جدا .
- بحوثك وأي شي يطلب منك ابدي فيه من بدري ، عشان ما تنضغط نفسيتك ، وبالتالي راح ينعكس هالشي على بيتك .
- النصيحة الأهممممم: ابدي بشغلك من بدري ، عشان تقدري تنامي بدري ، وبالتالي يصير لك خلق للدراسة وللبيت .
وصدقيني مع العزيمة راح يكون كل شي سهل ، ولا تفكرين تعدين الأيام ومتى أخلص ، لأن هذا الشي اللي يجيب الاحباط .
وموكل شي قلته معناه اني اطبقه ، (بعض المرات الظروف ما تساعد ، ولا النفسية ماش ، والاعظم منهم العجز والكسل الله يكفينا شره ) بس هذي خلاصة تجربتي .
اذا استفدتي مني ادعي لي بالتوفيق في الدنيا والاخرة .