يمكن في بنات يقولوك ما تخليه كل همك و خليه يركض وراكي
يمكن هالشي صح لو كنتوا بأول زواجكم بس هلأ لازم بالعكس تورجيه انه كل دنيتك مشان يخاف عليكي اذا تركك بيوم من الايام و يقول شو حتعمل من دوني و أنا كل شي بحياتها؟
حانصحك بالاشياء يللي بساويها مع زوجي
كل يوم الصبح قومي ساويلو فطور و اقعدي افطري معه و افتحي معه مواضيع فرفشة.. ابعدي عن الغم..
و لبسيه ملابسه بايدك و انتي تمدحيه..مثلا, ما شاء الله عليك طالع وسيم كتير بهالملابس
و ودعيه لعند الباب مع بوسة و دعوات من القلب بالتوفيق و نبهيه يسوق شوي شوي لأن لو صار معه حادث بتموتي من الخوف عليه
بعدين في خلال النهار, اتصلي فيه مرة أو مرتين.. ما تزوديهم مشان ما يقول عنك حنانة
لو سألك ليش متصلة, قولي انك اشتقتي تسمعي صوته الحلو و اتدلعي عليه شوي مع كم كلمة احبك
ابعثي له مسجات حب و غرام من وقت للتاني..
لما يجي من الشغل قوليله كلام مثل( تقبرني هالطلة, دخيل الشبوبية..) طبعا احكيها بلهجتك.. بس أنا هيك بحكي لجوزي
طعميه بايدك و شربيه بايدك.. عامليه طفل صغير.. الرجال بيموتو على هيك حركات و لأنهم بيغاروا من أطفالهم لأن الام تهتم فيهم كتير, بيتمنو ان زوجتهم تدلعهم
بيوم من الايام عملي حالك فايقة مرعوبة من النوم و قوليلو شفت كابوس اني متت (بعيد الشر) و اولادي اتشردوا من بعدي.. و ابكي بين ايديه و قوليلو أنا دائما ادعي ان اموت قبلك لأني ما اقدر اعيش من دونك بس خايفة على اولادي من بعدي.. و اطلبي منه يوعدك ما يتزوج بعد ما تموتين و يجيب لأولادك مرت أب..
صدقيني هالخطة تنفع.. أنا بس احكي هيك لزوجي, طبعا مع شوية دموع, بحس الدمعة حتطلع من عينه و يحلفلي انه مستحيل يتزوج بعدي
حاولي من فترة للتانية انك تشكيله من ظلم الدنيا لك و انك مالك في الدنيا كلها غيره, و لولاه كنتي من زمان جنيتي و دخلتي مستشفى امراض عقلية
كل يوم جمعة حضري برنامج للعائلة. مثلا تروحون كلكم الملاهي و تلعبوا سوا, و اختاري العاب تخوف و تمسكي فيه و حسسيه انه حاميكي
خليه يركب مع الاولاد بالالعاب و ينبسطوا سوا
و مرة روحوا البحر و خليه يسبح الاولاد و اقعدي ساويلهم ساندويشات و طعميه معهم كأنه طفل مثلهم
في أفكار كثير لالعاب ممكن تلعبوها سوا مع الاولاد مشان يحس انه جزء من حياتهم
ممكن تطلبي منه مثلا يعلم ابنك يلعب كرة, أو يركب عجلة.. بيحس انه مهم و ان الاولاد محتاجينه ليعلمهم و بيحس انه مكانه جنب اولاده
هذا كل شي قدرت فكر فيه..
لو خطر على بالي شي كمان بكتبلك بكرة
المهم انك تحسسيه بأهميته و انكم من دونه ولا شي
و الله يرجعه لك و يبعده عن باقي النساء
ساعدوني - انا على حافة الجنون ومحد يدري عني
متابعة النقاش، صفحة 4