شاركي في النقاش

سجلي الدخول لإضافة تعليق.

التعليقات

2,134
  1. @ghyr_4

    hr5
    الله يثبت حملكم وتولدون بالسلامة يا رب بنات ان شاء الله يوم الخميس بروح العمرة عمرة سريعة عاد برد الاحد الفجر علشان اروح الدوام صح بتكون متعبة نوعا ما لان بروح بالباص لكن محتاجة اريح روحي واغير جو واكيد بتتعدل النفسية
    السلام عليكم

    هلو صبايـا :39:

    يعني يوم انا مادخل يصير التجمع زحمه و تتفاعلون :mad: ..

    ما علينا

    منورينا لين و واااو و ضحكت بنتي

    من زمان عنكم ..!

    شخباركم ؟

    ضحكت بنتي

    فديتها بنتج صغيره ماشاء الله تو الناس عليها وشي طبيعي انها اذا شافت اليهال اللي معاها يسوون هالشي بتقلدهم وانتي ما تقدرين تتحكمين في عيال الناس وهاللي يبط الجبد
    بس بقولج طريقه قريتها واتبعناها مع بنت اختي حبيبتي
    كانت لما تسب ولا تتفل ولا من هالحركات
    نحط يدنا على خشمنا ونقول وععععع شميتوا الريحه تطلع من حلجها , اخيييه وخري عنا مانبي نكلمج ريحتج مب حلوة
    عاد البنت وسواسيه نظافه هههههههه ف عقدناها شوي
    ما اظن هالطريقه بتنفع مع بنتج احسها وايد صغيره بنت اختي كان عمرها 3 سنين
    بس جربي سبحان الله

    \\

    لين


    كل الاشياء الاعراض اللي تحسين فيها عاديه جداً ويا مالج من الخير بعد :44:
    يحليل امي كل ماشكيت لها قالتلي ( وهنٌ على وهن )
    وهي الصادقه
    انا من حملت وانا ماسك عليّ الم ظهر بس فالجهه اليمين اذا فيني خير انقلب ولا اتحرك وانا منسدحه
    بس الحمدلله خف علي الحين مع الفيتامينات اللي يعطيني اياها عمر
    بس يضرب عليّ بين فتره والثانيه ما يقصر
    وبطنج و الغازات ..
    نصيحه من دكتور عمر
    ابتعدي عن العيووووووش و اكلي الاشياء المشويه نفس الستيك اكلي خذار مسلوقه كثري فوواااااكه و عصاااير طازجة و سوائل و ابتعدي عن الفاست فود و البيبسي و اخوانه
    وخافي من الامساك هالحزة لان الله يسلمج يسبب البواسير لا سمح الله
    انا يوم سمعت كلامه والله وايد ارتحت بس الحين للامانه رديت من خلص رمضان عالفاست فوود والبيبسي :35:
    ما اتأدب ..!
    و عن المشيمه النازله رفعي ريلج ولا لما تنسدحين حطي مخده تحت مقعدتج
    لانج جي تخففين الضغط على تحت

    وان شاء الله خير


    \\


    اج ار

    لا تنسينا من صالح الدعاء , يا بختج والله
    والله يتقبل منج صالح الاعمال


    \\


    نونه

    ما قصروا معاج البنات
    واي سؤال فخاطرح ترانا نعين ونعاون
    وحياج الله من بيننا :)


    \\


    بعد شكنت بقول امممم
    والله مادري بس ان شاءالله لي عودة وبقولكم شصارلي فالموعد اليوم :)

    برب
  2. @rod24

    { غير ~
    السلام عليكم هلو صبايـا :39: يعني يوم انا مادخل يصير التجمع زحمه و تتفاعلون :mad: .. ما علينا منورينا لين و واااو و ضحكت بنتي من زمان عنكم ..! شخباركم ؟ ضحكت بنتي فديتها بنتج صغيره ماشاء الله تو الناس عليها وشي طبيعي ان…
    غير

    وين رحتي

    اخبار موعدج

    شكلج مبسوطة

    حلاتين على اللي دشت الاسبوع 30 ما شاء الله
  3. @am_asm

    مرحبا بنات ..
    مهااو ربي يعوض عليج يارب و يعطيج الله اجر تعبج اللهماكتب لجبس تاكدي ان الله ما يبتلى لا المؤمن و يقيس حجم صبرة على البلاء .. والحمد الله انج احتسبتي و صبرتي ..
    حواملنا ربي يعينكم على تعب الاشهر و يتمم عليكم ان شاء الله ..
    و ابشركم ميمي تاقلمت مع الحضانة واليوم استانست انها طالعه تضحكت و كافئتها وديتها من الحضانة لالعاب ..
    واااو تبين الصدق مب لاقيه حد يروح معاي مرافق ... ماشاء الله خواتي اللي مربي واللي توها حامل .. و هالشهر بداية مدارس واستحي اطلب ان يرافقوني ..ابو مريوم ربي يحفظة بيروح وياي ... يالله حياج الله معاي وانتي البيبي زي العسل على قلبي والله ...اليوم كنت بلمستشفى اشوف اخبار اللجنة قالولي خلال 10 ايام يوصل الموعد و بيخبروني متى السفر .. والله شاله هم الله يعلم فيه .. اريد اروح واخلص و ارد بسوي تجربة انابيب ثانية ..
    اج ار .. تروحين و تردين بالسلامة و عمرة مقبولة ان شاء الله .. و كثر من الدعاء و يارب يتقبل طاعتج ..
    كـــود سرقج البيت عنا يالله عاد دشي طلي علينا بس شوووووووووية طمنوينا ..
    بيت سعيد اشتقنالج
    و بس
  4. @am_asm

    اوة نسيت ... على سالفه اكتساب الاطفال العادات اللي مب مقبوله حدث ولا حرج .. انا احس ان البنت تلقط اكثر من الولد ...انا عندي ميمي ماشاء الله كل شي تلقطة ها اليومين متعلمة تقرض ظفورها باسنانها ,, سالت الشغاله قالت انها شافت ولد اخوي و على طول سوت مثله ..ماحبيت اسوي سالفه و انبها قمت حطيت مرة بماي و حطيت على ظفورها و شوي شوي تركت هالعاده ..
    اللي اشوفه ان ما تقعد نقولهم لا الا لا و نعصب اكثر يعاندون و يصرون على اللي يسوونة ..وعادة التفل.. عصب عليها لاني كل مرة اقولها لا لال لا و تحرجني اذا حد موجود حطيت فلفل العادي مب حر بس علىها تحس فيه حار مرة وحده الها و صاحت و طنشتها و تركتهاو نستها ..ها العادة
  5. @ghyr_4

    روضة24
    غير وين رحتي اخبار موعدج شكلج مبسوطة حلاتين على اللي دشت الاسبوع 30 ما شاء الله
    هلا روضه

    شخبارج ؟

    امس لاني واصلت لين الساعه 2 الظهر ما صدقت احط راسي ع المخده ورقدت على طووول من التعب

    قمت الفير و رقدت عقبها بساعه عالساسعه 6 وبس هذي قعدتي :time:

    الحمدلله زين الحين ما بنام بحاول اعدّل رقادي شوي بصراحه زهق احس اني عايشه عكس النـاس

    ههههههه وشدراج اني مبسوطة .. لاني اكتب ردود طويله خخخخ ..!

    لا والله حس امس غيرت جو عقب الموعد قعدت عند فـ بيت امي و عقب رحت اشوف لي اثاث جديد لغرفتي هناك بس ما لقيت شي

    وعقب كملنا القعده في بيتي يعني تونست شوي عكس كل يوم الحمدلله

    :35:

    والحمدلله وصلت لـ 30 ان شاء الله عقبال ما اوصل لـ 38 يا رب

    الحمدلله والشكر

    مب مصدقه ان مرت الايام ذي كلها واني وصلت لهالمرحله وعديت مرحله الخطر

    اللهم لك الحمد :39:

تابعي تجارب أخرى من هذا القسم.