شاركي في النقاش

سجلي الدخول لإضافة تعليق.

التعليقات

2,134
  1. @ghyr_4

    { غير ~
    هلا روضه شخبارج ؟ امس لاني واصلت لين الساعه 2 الظهر ما صدقت احط راسي ع المخده ورقدت على طووول من التعب قمت الفير و رقدت عقبها بساعه عالساسعه 6 وبس هذي قعدتي :time: الحمدلله زين الحين ما بنام بحاول اعدّل رقادي شوي بصراحه زهق احس ان…
    خلوني اقولكم شصارلي امس في موعدي

    كان عندي تحليل سكر

    رحت وعطوني المحلول جني اشرب ميرندا بالضبط .. بس اللي يلوع الجبد في الموضوع اني مب ماكله شي و الدنيا حرررر فحسيت انه يطبخ في بطني و راسي تم يدور شوي
    و توهقت عقب ما شربت المحلول .. قلت اعادي اكل الحين ولالا
    بس عقب قررت ما اجازف و نطرت تخلص الساعه عقب ما سحبوا مني دم
    رحت موعدي فالسونار - وحده الام والاجنه -
    عاد دكتورتي هناك وآيد تبط جبدي .. تحب تحطمني او حاطتني في بالها مادري شسالفتها والله
    المهم اول ما شافتني قالت .. ( اوووه انتي للحين .. احييج والله على هالصمود ) ..
    قلت فخاطري قل اعوذ برب الفلق , جان ماولد من عينها اليوم ..!
    تقولي تاخذين المثبتات ؟
    قلتها ايه مع اني ماخذها استغفر الله بس عشان مب فاضيه تتفلسف وتخيس النفس علي
    تقولي شفتي علاجي شلون ..
    اناق لتلج ما يبيلج الا راحه ومثبتات
    قلت فخاطري اي خير ان شاء الله , الله يخلي عمر بو زينب بس
    تمت تشوف البيبيات .. والحمدلله كل شي اوكي
    بس استغربت وزنهم اقل من الوزن اللي قالوا لي عليه يوم سويت عند عمر ..
    شسالفه ؟ حد عنده فكره البلا في اجـهزتهم ولا فيني ؟؟
    المهم قالت لي انا ما بقيس عنق الرحم عشان خلاص وصلتي 30 اسبوع .. ما يهمني
    قلتلها لا ابي اعرف شصاير
    قالت لي كيفج وكشفت قالت لي البيبي وايد نازل ويضغط على تحت براسه
    اتوقع انتي لو كحيتي بتولدين .. :44:
    عادي هي جي اسلوبها تحب تصرقعني ..
    قلتلها بس انا ماحس بشي لا بعوار ولا نزل علي شي شلون تقولي لي ولاده !
    قالتلي اي صح ..!
    و ردينا على طير ياللي .. تعالي ترقدي عندنا
    قلتلها مابي وراحت تبي تشتكي عند امي بس امي ماعبرتها .. ههههههههههههههههه
    مب علشان شي بس لان ندري ان ماراح يسوون لي شي بس رقده عالفاضي
    وانا مريحه فالبيت ف ما يحتاج ان شاء الله
    عاد جملتها فالنهايه بطططت جبدي ( اذا تميتي حامل عقب 3 اسابيع تعالي الموعد , هذا اذا تميتي )

    وبس ..!

    ان شاء الله اليوم بسوي شنطة المستشفى ..
    just in case
    والله يكتب لي الخير وين ما كان ..

    :)
    وتوته توته خلصت الحتوته
  2. @dhkt_bnty

    nonaa
    جزاك الله كل خير تقصدي ان الكشف الصباحي يكون ارخص ومواعيد الكشف الصباحى من كام لكام والجمعه اجازة ولا لآ ولو زوجي عايز يحلل السائل المنوى ممكن يحلل هناك من غير مايكشف ولا لازم دكتور يحوله لان عمل عمليه الدوالي من 6 شهور ولسه محللش ومش عار…
    يوم الجمعة والسبت اجازة واذا عندج بطاقة صحية الكشف يكون بلاش في الصبح بس الادوية تكون مش مجانية بس الاسعار اسعار رمزية

    شوفي الافضل لج بدو خساير كبيرة من الباداية تتابعين في مستشفى حمد ارخص لج من العيادة من ناحية العملية و ابر العلاج و التحاليل تكون مجانية لج ولزوج اما برع التحيل غالي يعني لا يقل عن 200 ريال وهم لازم يشوفون حالتج وتقاريرج الطبية عشان يقررون بس دام انج سويتي انابيب مرتين وفشلوا الدكتور بيدأ معاج علاج بس لازم يشوف جميع التحاليل لج وزوج وتكون من حمد

    وعادي حبيبتي سئلي على راحتج البيت بيتج
  3. @dhkt_bnty

    اج ار
    عمرة مقبولة وتقبل منا ومنج صالح الاعمال وان شاء الله تتحققج كل دعواتج ولا تنسين خواتج في الدعوة ترانا كلنا محتاجينها

    ام اسمى
    بنتي تموت على الاشياء الحارة تاكل شبس عمان وكشب فلفل يعني عادي وهي اصغيرة وما تفهم يالله بتكبر وبتتعلم
    ان شاء الله تكون سفرة خير عليج والله يحفظ لج مررومة

    غير
    حشى مب دكتورة هذي قبسه الله يعينج وان شاء الله بتوصلين 40 اسبوع عشان تموت من القهر والله يهون عليج
  4. @lyn_1980

    وااااااااو
    مرحبا اشلونكم جميعاً مهاو حبيبتي الله يعوضج خير انتي وخشف قريب قادر ياكريم ضحكتي الله يعين ع الالم مافي شي بالساهل وانا موعد ولادتي قبلج بيومين:35: وعن الخياطه لاتحاتين يخيطون لي 3 :35: لين ان شاءالله ماعليج شر ريحي نفسج والله يفرحج بالب…

    طمنينا عنج ان شاء الله امورج كلها اوكى .......

تابعي تجارب أخرى من هذا القسم.