شاركي في النقاش

سجلي الدخول لإضافة تعليق.

التعليقات

24
  1. شكلك ما تستخدمين مقشرات للبشره !!!

    وهالشي خلى طبقات وتراكمات فوق الزيوان و ترى المسامات بتتوسع كوني واثقه لو ما نظفتيها باسرع وقت

    ريتن ايه كويس و ممتاز و ما يسمر لكن الاستخدام الغلط هو اللي يخلي الوحده فتره العلاج تصير وحش (( و الطريقه الغلط هذي كل اطبائنا نصحوني فيها!! ))

    كانوا يقولون لي يوميا حطيه على وجهك و ظهرك و يعطوني صابونه وكريمات ترطيب و واقي شمس

    و هالشي غلط بقوه

    شي ريتن ايه قوي حيل حيل حيل يعني اذا بشرتك رقيقه او حساسه لا تستعملينه
    انا بشرتي سميكه كعادة كل البشرات الدهنيه
    لما تستخدمينه ليليا لازم تخففينه بكريم ثاني يعني تحطين نقطتين ريتن ايه + نقطه اليكوم او افالون
    لكن اكريتين لا ما يحتاج تخفيف
    و تستعملين الجل لو بشرتك تزيت والكريم لو بشرتك مختلطه او جافه

    نجي للاستخدام : الصباح اقترح انك تستعملين غسول خفيف رغوي للوجه ثم الديتول كاتونيك صباحي لوجهك و رقبتك للتعقيم و بعده تحطي واقي شمس خالي من الزيوت بدرجة اس بي اف 30 و اكثر ((الواقي لو كنتي بتطلعين طبعا)) وبعدين مرطب وجهك وعينك ويفضل انه يكون طبي وغير معطر و ارشح كلينيك و غيرلان و كلارنس و شيسيدو .. لا تحطي كريم معطر ولا كريم من البقالات (( لوريال و جارنييه و اولاي و نيفيا و دوف و جونسون .. )) انسيهم خلاص لانهم مو زينين للوجه

    بالليل اغسلي وجهك بغسول معقم للروس السودا و افركيه مع فرشاه خاصه لتنظيف الوجه وبتلاقينها بالصيدليات و شكلها يشبه مشط الاطفال نايلون و لها مقبض (( او تشبه مفراكة الظهر النايلون بس حجم صغير )) وبعدين حطي مسحه من مغلي قشور البرتقال والليمون وهو بيساعدك كثير في التخلص من الروس السودا وينعش بشرتك ويشدها ويصقلها وبعده حطي اكريتين او ريتن ايه مخفف و نامي

    ** بالنسبه لفرشة تقشير الوجه انا استثمرت في جهاز جبته من برا المملكه لانه مو موجود هنا للاسف وهو فرشاه تعمل بالبطاريه و تدور بسرعه وتنظف الوجه كويس و فعلا فرقت بشرتي كثير بفضل الله مع هالجهاز

    اسبوعيا : اعملي لك فيشال سريع وهو عباره عن ضغطه وحده من غسولك المعتاد (( انا احط نيوتورجينا)) معه كربونات الصودا و اقشر وجهي فيه بعدين اشطفه
    وبعده قناع مكون من ملعقة زبادي وملعقة طين البحر الميت ((يكون طين خالص مو مخلوط وهو الافضل ولو ما لقيتي اكتفي بالزبادي و تقدرين تحطين اضافاتك مثلا نيدو او تانج بس التانج بكميه قليله لانه يلسع ))
    بعد ما ينشف شيليه بفوطه مبلله او اسفنجه مبلله .. المهم شي خشن مبلل

    جربي اسبوعين و ردي لي خبر
  2. @drro3a

    الرتن A هومقشر للبشرة حبيبتي وهو حلو خصوصا للبشرة الدهنية لانه ينشفها

    لكن قبل ما تبدين باستخدامه سوي تست على بشرتك وادهني منه منطقة صغيرة واذا كل شي تمام وما صار اي تحسس استخدميه على كامل الوجه

    نصيحة لاتحاولي تستخدمي الابرة لتنظيف المسام لان هالطريقة ممكن تخلي أثر على البشرة ويكون صعب ازالته

    انصحك تستخدمي صابونة نتروجينا للبشرة الدهنية او حتى نتروجينا لحب الشباب (صابونة عادية مو غسول)

    استخدميه 3 مرات يوميا بدون اي كريم او اي ماسك او اي شيئ ثاني بس الصابونة لمدة اسبوع

    صدقيني باذن الله رح تتغير بشرتك 180 درجة وتتحسن كثير ان شاءالله
  3. @alghadh_almtrfh

    صاحبة الموضوع
    نجمه الخليج123
    تبين المسام تخف استخدمي منقوع المره على البشره وغسلي وجهك بصابونه البابايا ورشي على وجهك ماي ورد مخفف بالماي بارد حطي قناع مكون من نشاء وليمون او نشاء وزبادي وليمون مرتين بالاسبوع ولما تنامين استخدمي لوشن جونسون للأطفال اللي لوونة زهـري…
    عندي منقوع المره مسويته من رمضان بالثلاجه ولااستخدمته شكلي بروح استخدمه الحين :04:

    يعطيكي العافيه يارب :39:

تابعي تجارب أخرى من هذا القسم.