السلام عليكم
ابدخل بالموضووع طوالي ,,
انا وقت ما انخطبت لزوجي ذكروا لي اخواني وابووي ان اللي خاطبني شخصية انا فرحت مررة
وبالفعل وقت النظرة الشرعية شفته شخصية ووسيم ماشاء الله عليه وبدت معاناتي معاه من ليلة زواجنا هو كاان راافض انه يطلع على الكوشه معايه وماكان يبغى ينتص بس انا اصريت واخواته اصروا واقتنع . المهم من وقت ما طلعنا على الكوشه وانا احس ان الوضع مريب شوي وربي ان فيه بناات رقصوا قدامنا لاهم من قرايبي ولا من قرايبه بس يستعرضون قدامه وبعد يومين من زواجنا وانا تجيني الاخباار من امي واخوااتي ان الحريم انهبلوا واللي تسال امي من فين تعرفونهم وكيف تمت الخطبه وهو وش يشتغل واسئلة كثيرة .
انا بقولكم معاناتي معاه شخصيا هو ما عمره ذكر لي انه وسيم او انه شخصية واصلا مايدقق بالاشياء ذي هو من ناحية النظافة نظيف بس اللي يقهرني انه اذا خرج يحب يتكشخ مو دايم بس غالبا يحب يتكشخ .
انا كنت اخااف من الحسد بسبب مشااكل بيننا لانه مايعطيني وجه يعني كيف اقوول هو غريب يعني مرة يمدحني ومرة ينتقدني ومرة كذا ومرة كذا يعني شقول يعني غريب مرة ما قدرت افهمه مرة وعندي مشكله انه مايبي عيااال الا بعد خمس سنوات .
انا اللي خلاني افكر بالحسد لانه وسيم رغم انه وربي ما يشوف نفسه علي عشانه وسيم بس انا انقهر يووم انزل السوق واشووف البناات يبحلقووون فيه واذا زعلت هو يقول عادي هذولا مراهقاات وصاار ياخذها فرصه عشاان ماينزلي السوووق اذا قلت ابي السوق قاااال لا وبعدين يقوول السوق فيه بناات وانا انقهر .
انا احترت لانه في الغالب ينتقدني بس ماينتقدني بشكلي او لبسي لاني انا برضه حلوه بس ينتقدني بطريقة كلامي واسلوبي وهو ما يضحك بوجهي يعني اوقاات افكره زعلان وفجأه تتصل اخته او اخوه والاقيه يضحك ويسمع الجيران ضحكته وانا لو اجيب نكته قال قديمه ولو مدحته قاال ادري .
مرة صاار موقف كنت انا عند اهله وهو راح مشوار ويوم جاء , اخواته استنفروا رغم انه اصغر منهم وبدوا يسولفون الاربعة وانا صفوني واول ماجاء وحدة من اخواته بدت تتغزل فيه وتقول اش الحلاوه ذي وتحط يدها على صدره وتقرا عليه . انا انقهرت ووقت ما رجعنا البيت قلت حركه اختك مالها داااعي هو سمع مني هالكلام وزعل زعل كبير ويقول انتي متخلفه . انا كنت بعامله بنفس التعامل لانه هو بعد يقولي لاتلبسين قدام اخوانك بناطيل ولا قصير .
في رمضاان كاان يحط ام بي سي عشاان حليمه وانا اسوي السحوور وهو يعرف اني ازعل بس يحب يكايدني يعني يسالني تعالي شوفي حليمه تعالي شوفي حليمه وش لابسه واذا شافني انقهرت قاال هي ماهي حلوة بس دلوعة .
الحين الاحظ شي غريب مرة من بعد العيد وهو مهتم بنفسه بشكل كبير يعني يتعطر كثير وصاار كل يومين يحلق ويخفف شنبه .
وفيه موقف قهرني اكثر شي هو يحكيه لي يقول اول يوم بالدوام سلمت على كل الموظفين وواحد منهم قالي اعرست انا سكت بعدها صاار يقول شكل الموظف هذا بيزوجني اخته .
انا مرة مقهورة وكل يوم تتجدد بحياتي مشكله .
الموضوع مغلق