بأذبح عمري ...لحقو علي ياناس

بنات مالي الا الله ثم انتم
ماادري ليش لجاءت لكم
حالتي حاله
والله اكتب الموضوع وانا مااشوف من الصياح
مكتئبه ومتألمه اقوى شي بالحياه
كنت ادور الولاده ابي ارتاح
ماادري ان روحي بتطلع ومابترد مره ثانيه
من دخلت المستشفى من الكشف وانا تحسر بي
وولدت وتخيطت
ويوم فك البنج من الخياطه شفت الموت
وكل يوم يزيد الالم
مااقوى انام ولا اقوم ولا امشي ولا اقعد
الم بمكان الخياطه وبواسير مااقوى اتبرز وانتم بكرامه

اقول لامي ابي افرح بوليدي عجزت افرح من الالم
ليتني ماولدت
اصيح كأني بزر وافتر بالبيت
ولدت بالعسكري الله لايعيدهم
ولا عطوني للخياطه ولا شي والمر الي كنت جايبته معي من البيت رموه بالزباله
ولا احد رحمني وانا يومين ماتبرزت
وحالتي حاله

امس ماقويت اقعد اتغدى وامي قالت لازم تروحين دكتوره تشوف خياطتك يمكن شمم
رحت للدكتوره قالت ماوصفولك مطهر كريم غسول مضاد للخياطه
قلت ولاشي
حتى ادوية البواسير امي شرتهم من الصيدليه
كتبتلي ملينات وغسول ومرهم
بس متألمه للحين
ياربي بس اصيح شسوي ياناس احد يريحني
امي تقول اكتئاب الولاده جاك مبكر
لا والي مزود الطين بله ماابي اشوف احد
لاني مااقوى اجلس ماابي احد يجيني
وعطوني ابرة الطلق الصناعي بالورك توني اتحسسها متورمه كانها حصى تحت الجلد

شسوي بالم الخياطه ابي مسكن اي شي
والم البواسير ذبحني
ساعدوني والله انهبلت بأسوي بنفسي شي

102 تعليق 32,433 مشاهدة

شاركي في النقاش

سجلي الدخول لإضافة تعليق.

التعليقات

102
  1. @ghrshob_raabob

    حبيبتي الله يشفيك ويعافيك ويفرحك بولدك

    في تحاميل للالم ممكن تحطينها تخفف الالم وبعد خذي اي مسكن من الصيدليه واستعملي الادوية اللي صرفتهم لك الدكتوره الظاهر عندك التهاب مكان الخياطه
    بالنسبه للبواسير استعملي العلاج وشربي سوائل بكثره ولا تروحين الحمام وانتي بكرانه كل شوي عشان لا تضغطين على المنطقه يعني لما تحسين خلاااااااص مو قادره تبين الحمام روحي بس
  2. @dmoaa_abyh

    صاحبة الموضوع
    غرشوب رعبوب
    حبيبتي الله يشفيك ويعافيك ويفرحك بولدك في تحاميل للالم ممكن تحطينها تخفف الالم وبعد خذي اي مسكن من الصيدليه واستعملي الادوية اللي صرفتهم لك الدكتوره الظاهر عندك التهاب مكان الخياطه بالنسبه للبواسير استعملي العلاج وشربي سوائل بكثره ولا …
    احس اني باموت كانها سكين تنغز من تحت
    الدكتوره امس قالت طبيعي لازم الم
    بس الم لايحتمل

    من حملت وانا اتالم حسربي الوحام وبعدين تعب واملاح وزلال وقلت خلاص اولد وارتاح
    الم ولاده وخياط وبواسير وقهر
    ياربي شسوي

تابعي تجارب أخرى من هذا القسم.