شاركي في النقاش

سجلي الدخول لإضافة تعليق.

التعليقات

13
  1. @shyhanh_1

    اذا احد تعرفينه ثقه من قرايبك عامليه
    والا ترى مشاكلهم مشاكل
    اقولها من خبره طويله فالسوق
    ابلشوا الحريم وابتلوهم
    معهم ارقامهم وعناوين بيوتهم وام فلان او فلانه
    وهات ياكذب وادعاء ان له علاقه بفلانه وعلتانه
    او يمسكون من قبل الهيئه في قضيه اخلاقيه
    وتطلع الارقام من جوالاتهم وتتهم نساء مالهم ذنب
    البيوت امانه وحنا مؤتمنين
    كم من وحده ارسلت لي تقولي وش اسوي
    هد بيتي
    الي يوصل طلبات
    وطبعا انا دائم انصح النساء تبلغ محارمها والهيئه
    ولا ترضخ لاي ابتزاز كان
    ........
    اما المندوب
    خلي في وجه رجل اذا انتي مضطره
    غير كذا شئ ثاني انبه التاجرات عليه :
    سبق احدى التاجرات في الفراشه تعرض
    بيتها للسطو ولما شافوا الكميرات حقت البيت فالشرطه
    ووروهم الصور كان واحد من الي داخلين البيت الي يجيها يأخذ الطلبات
    طبعا عرف ان عندها تجاره وعارف داخلها وطالعها من تردده عليها
    وماقصر
    احذروا المناديب الا من رحم الله وقليل ماهم
    والتاجرات لا تحطين مندوب الا من شخص من اقرب قرايبك
    لو تسمعون القصص التي تضبطها الهيئات من جرائم المناديب كرهتوهم
    موب كلهم لكن نسبه منهم كبيره
    تقولون وش الحل :
    تجربتي انا :
    كل الحريم يروحون للسوق شوفي اقرب سوق لها وجمعي الطلبات المتشابهه
    وطلعي وحده من الي يوزعون تسلمهم
    عندك بنات الجامعه وعندك حريم مالهم دخل
    عينوهم على الرزق عينوهم موزعات لكم
    واشرطوا عليهم مايروحون لبيوت
    لانك ماتدرين المرسل حرمه او رجل
    وان رااحت لشقه او بيت وفتح لها رجل !!!!!
    تراها حسبة بنتك واختك ..
    انتبهوا لانفسكم حبيباتي
    حتى انتم يالتاجرات منهم
    تراني قديمه فالتجاره وسمعت وسمعت
    ولولا اني احبكم مانصحتكم
    اذا مضطره لمندوب خلي في وجهه رجل
    ترى النفوس ضعيفه والدين ماحرم شئ الا فيه ضرر علينا في ديننا ودنيانا
    وربي يوفق الجميع ويجنبهم كل طريق شر
  2. عندى رقم مندوب ثقة اتعامل معه من سنوات امين جدااااااااااا مشكلته مو فاضى دائما
    اذا تبين رقمه برسله لك على الخاص
  3. انا بقولك سالفتي مع المندوب
    طبعا انااتعامل مع الشحن يعني مهمته يوصل الطلبات لشركات الشحن والزبونه هي اللي تاخذ طلبها ترسل مندوب سواق زوج اخ بكيفها

    المندوب اخترته باص اللي يوصل الطالبات للجامعه ومعروف بالمنطقه اللي انا فيها وكبير بالسن دقيت عليه واتفاهمت معاه انه اعطيه 300 ريال بالشهر حالي حال اي طالبه جامعيه ويمر علي كل يوم اذا فيه شحنات مره في اليوم بعد ما يخلص من توصيل الطالبات ويستلم الشحنات اللي عندي كلها ويروح يسلمها لشركات الشحن والايام اللي ما يكون عندي فيها طلبات ابلغه برساله لا تمرني اليوم واذا ومن بكره يجي يسلمني كل الوصولات تبع الشحن وارقام البوليصه واللي بدوري ارسلها للبنات وقت ما يطلبونها

    والحمدلله يارب ما وجهت اي مشكله لكن كلام الاخت شيهانه لازم ينحط في عين الاعتبار لان الشباب ما عاد صار عندهم ذمه وضمير

    للامانه انا كان السائق سوداني الجنسيه واحسهم هم اكثر امانه ومخافة لله بصراحه

تابعي تجارب أخرى من هذا القسم.