انتي موظفه او طالبه تكفين ساعديني جعلك حوريه زوجك في الجنه
متابعة النقاش، صفحة 9
شاركي في النقاش
سجلي الدخول لإضافة تعليق.
التعليقات
50- رفع
لووني عسل انا موظفه لكن ماعندي اطفال فماراح اقدر افيدك بشي غير رفع موضوعك وربي معك ان شا الله
السلام عليكم
أنا طالبه بس مو متزوجه :27
الحين قبل ما تبدأ دراسه دجاج قطعيه على حسب الي تاكلونه في اليوم ربع / نص وحطيه في أكياس نايلون
قطعي بصل حق الجمعه الين الأربعاء والخميس قطعي من جديد حق الأيام
حااولي إذا بنتك كبيره تفهم علميها أن القراطيس تحطها في زباله منها تساعدك وتعلمينها
وإذا هي كبيره في روضه علميها ترتب سريرها وتكنس غرفتها حبيبها في هذا شي منها تعتمد على نفسها وتتعود على نظافه
وهذا ينمي من شخصيتها وبعدين ليش ماتخلين زوجك يساعدك يعني حاولي معاه بالأسلوب زين ويصير وقت تنظيف
أحسن الأوقاات عندك وعند زوجك وبنتك أو يساعدك في تقطيع الفلفل وطماطم لا تقولين مستحيل بس أنتي حاولي وفي مواضيع عن تنظيم الوقت وإدارة الوقت يمكن تستفيدين منها
وأنتي قسمي أمورك الأول الأهم ثم المهم ومع تنظيف والجامعه ومطبخ لا تنسين نفسك وتهملينها
وياااارب يسر عليك وعلى المسلمين والمسلمات آجمعين
معليش أكتب وأنا مستعجله أتمنى أنك تستفيدين وإذا مقصره أعتذر- بسم الله الرحمن الرحيم
ماشاءالله تبارك الله
اول شي تجهزين لك شنطه للبيبي فيها غيارات وملابس ورضاعه وكيس حفايظ وعلبة حليب وتحطينها دوم عند جدتها اذا كانت بس ترضع يعني ماتاكل اذا كانت تاكل اشتري شنطه صغيره اللي تتعلق على الظهر وحطي فيها وجبه لها من الطبخات الخاصه بالاطفال هذي يوميا معاها وحطي لها عصير فريش وحطي لها شي تحبه زي الكريمه مثلا طبعا غياراتها اللي تتغير اذا جيتي بتاخذينها يحطونها لها بكيس جوا شنطتها لحد هنا اوكي
ثانيا: اللحمه او الدجاج حق الغداء اطبخيها من الليل ونقعي رز وصفيه من المويه قبل تدخليه الثلاجه واذا جيتي الظهر ع طول تسويه او خلي عندك قدر الضغط دقيقتين وكل شي خااالص سوي ايدام حق يومين سوي مهلبيه حلى كريمه كاسترد وخليه عندك بالثلاجه ع حسب فضوتك بالليل مو شرط يوميا لا سوي سلطه قطعيها قبل بليله وكل نوع لوحده بعلبه وقفليها وبالثلاجه وسوي الصوص حقها وحطيه بعلبه اذا جيتي اخلطيهم مع بعض العشاء راح يكون اي شي خفيف شوربات سلطاات سندوتشات افضل لك واريح وسوي لك عصيرات وحطيها بالثلاجه
ثالثا: اكل البيبي سوي لها خضار مسلوقه واطحنيها وحطيها بالثلاجه يعني قد يومين (قرع-بطاطس- جبن كيري) شوفي الاشياء اللي تحبها بنوتتك سويها عشان لما تجوع تعطيها ع طول
رابعا: الغسيل خليه يوم في الاسبوع طبعا ليت تكون غسالتك فل اتوماتيك ويكون عندك مجفف اريح لك لانو ع طول من الغساله للمجفف وبعد مايخلص ع طول تطرقيها او تسفطيها او تعلقيها وع طول بالدولاب يعني ماراح تحتاجي كوي ملابس ابو الشباب غسليها والكوي خليها برا اريح لك واشتري المكوى الي تكوي ع الواقف اسرع لك او اللي زي اللي عند المغاسل خوذي اللي بالبخار وانتي جالسه اسرع المكوى العادي حطيه ع جنب
رابعا: غسيل الصحون غسليها اول باول حقات الغداء بوقتها والعشاء بوقتها فقط والمفروض يكون عندك غلايه للمويه ويكون عندك براده تريحي نفسك والفرن زي ماقلتي حطي عليه قصدير تنظيف المطبخ خليه بعد ماتخلصي العشاء ع طول سريع سريع نظفيه
الدواليب وغيرها حددي لك يوم في الاسبوع غرفة النوم برضو يوم وباقي الغرف الغرف اللي ماتحتاجينها خليها يوم بالاسبوع والحمام برضو يومين في الاسبوع بس خلي عندك مطهر واشطفيه يوميا فقط تنظيفه حددي مثل ماقلت يومين بالاسبوع وانا افضل يوم الجمعه مايكون عندك شغل نهاااااااااااااااااااااااااااااااائي
اخر حاجه : خلي عندك مسجل بالمطبخ وافتحي ع اذاعة القراءن وخليها تشتغل يوميا لاتفكرين تسكرينه ابدا وخلي عندك بخور وفحم ومبخره واذا خلصتي مغسله صحون العشاء ع طول الحمام خوذي لك شاور والبسي قميصك وشعلي ع الفحم وحطي البخور ودوري ع البيت كله واخر شي حطيه في المطبخ خليها عاااااده عندك لانها تطرد الشياطين من البيت وع راحتك تبغين مبثوث بخور اللي تبين واتمنى اني افدتك
ادعيلي ربي يسهل ولادتي واولد طبيعي - اختي انا معلمة وكنت مثلك بالليل اجهز اغراض بنتي ونومها بدري وانظف البيت كله واجهز الغداء نص طبخة والغسيل اول باول والملابس كنت محددة يوم الثلاثاء لان الاربعاء كان دائم اجتماع للعائلة الخميس راحة والجمعة كباقي الايام استعداد ليوم السبت والله كان شي متعب جدا بوجود العائلة الكبيرة اللي كل شوي احد يطب ولكن الله يعينك ويساعدك ومالك الا الصبر اذا تبين السعادة بالاخير
- رفع جزاكم الله الفردوس الاعلى انتن ومن احببتن :39:
بس ما رديتوا وش رايكم نسوي تجمع :39:
مواضيع مشابهة
تابعي تجارب أخرى من هذا القسم.