لكل من تريد أن تغامر بشعرها بعمل اليوكو

مشكوره حبيبتي على الموضوع الحلو:26:

السلام عليكم اهى طريقه حلوة وايد انا اعرف وحدة تسويه حلو ورخيص

اذا احد يبغى العنوان يراسلانى على الخاص

السلام عليكم

بس حبيت اقولكم عن تجربتي مع اليوكو

بالبدايه ماراح اقول هو زين ولا شين ولا راح ادعي على اللي سوتلي ياه لأني أنا اللي تلقفت ومحد ضربني علي يدي

بقول انه ابدا ماناسبني بس يمكن يناسب غيري

انا سويته من سنه ونص تقريبا وكانو واضحين معاي قالولي راح ينزل مثل الصبغه ويجلس سنتين بعدين تجين تسوين الجذور

وسألتهم عن اضراره قالو مايسبب تساقط إلا اذا كنتي بالأساس تعانين من التساقط وانا فعلا كان عندي

سويته ب 3400 وشعري كان تحت الأكتاف بشبر والعمليه اخذت خمس ساعات بالظبط

طبعا انا شعري ابدا ماينقال عليه خشن بس شتقولون باللقافه والطفاقه كان زواجي قريب وكنت اقول بيريحني من السشوار

الي ماعجبني فيه انه يخلي الشعر ناعم ومسبسب زياد عن اللزوم كاني فلبينيه وهذا المنظر مايعجبني لأني دايم احب الفلف شعري وأسويله شكل

طبعا مع اليوكو مستحيل شعرك ينلف واذا صار يهبط قعد فتره حتى لو حاطه عشرين مثبت

يعني منظري كل يوم زي اللي قبله مافي تغيير كأني قاصته بموس

وبعد فتره صار يتشابك وبعد الموت يتمشط يعني المنظر من برا ناعم ومن جوه متشابك بشكل مرعب

للأمانه هم قالولي ارجعي عشان نسويلك ماسك للشعر بعد اليوكو بثلاث ايام بس مارجعت لأني فكرتها عملية استغلال فيمكن هذا سبب التشابك

طبعا بدا ينزل ويطلع الشعر الأصلي بعد 3 شهور تقريبا ومن شهر تقريبا افتكيت منه لأنه نزل بنسبه كبيره وقصيت شعري فإختفى كليا

زوجي كان يعجبه شعري مع اليوكو بس لما شاف شعري الأصلي قالي لا عاد تسوين اليوكو واصلا انا حرممممممممت

سوري طولت عليكم بس كل مانصحت وحده عنه خاصة اذا كان شعرها مقبول تقول مالك دخل الناس يمدحونه

قلت اكتبلكم سالفتي بالتفصيل وكل وحده تقرر بنفسها

على فكره الصالون عندهم شهاده ووروني ياها

شكرا على التحذير..

أنا مستحيل اسوي هالأشياء.

مشكوره عزيزتي على النقل
لكن اذا لاحظتي ان كثير سوو عند هنادي ويفشل بالذات عندها
وكثير سوو عند غيرها والان رجعو يعيدون عليه مره ثانيه بعد 6 او 8 اشهر
وعــــــــــــــــــــــــــــــــــــاجبهم
المشكله عزيزتي والخلل في الي تسويه
هذا الي عرفته
والي تبغى الخبر الاكيد تبحث عن اليوكو وتاخد كلام الي سوو اليوكو في اماكن ثانيه
مثلا عند مشغل يبرين عند اميره او عند ندى الردادي في صالونها غارنيه