شاركي في النقاش

سجلي الدخول لإضافة تعليق.

التعليقات

2,134
  1. @ghyr_4

    N

    ماعندي فكرة بس انا كانوا يلزمون علي اني ما اخرها
    بس اخر يوم اخرتها نص ساعه
    خذتها في مركز صحي ونقعوني :\

    ان شاء الله البنات يفيدونج اكثر
  2. @byt_saayd

    صاحبة الموضوع
    التفاصيل

    غيــــــــر
    تسلمين ياعسل ..وربي يتمم عليج ..ماعليج منهم
    واهنيج على قوة تحمل كلام الدكتورة الاستفزازية الصراحة .. وربي يتمم عليج يارب ويسهل عليج ورتبي شنطتك بهدوء عشان ماتنسين شي


    N
    هلا فيج معانا في الملف وربي يتمم مشوارج بحمل سليم يارب بالنسبة لابر التنشيط مافي مشكلة لو اخرتيها ..ساعتين ..انا اتذكر الممرضة تنصحني ان انضبط بوقت معين عشان النتيجة افضل بس يومين ماعتقد يأثر انا كنت الخميس والجمعه يتغير موعد الابر عندي بس الابرة التفجيرية هاي لاااااازم اتكون نفس الوقت اللي بيحددونه لج عقب ماتنتهين من التنشيط
    ماعليج شــــــــــــــر ان شاء الله توكلي على الله

    وااااااااااااااو
    ماعليج شر وربي يتمم عليج شهور حمالج ..وقبضي ارضج ومالج حاجة في السفر ..عقب لين قمتي بالسلامة ..روحي شهر عسل جديد وخلي ( القمــــــــــــــر ) عندي :04: طمنينا عليج دائما

    ضحكة بنتي
    الله يسهل عليج ويهون عليج ....يحليلها بنتج طلعت مثلي ( تحب شيبس عمان ) جيبي تاكل وياي
    الله يحفظهاا ويبلغج فيها وفي اخوها او اختها يارب

    ليـــــــــن

    الله يعينج ويخفف عيج ..ان شاء الله اتشوفين اليهال وترد عافيتج ويستاهل التعب ..بس حاولي اتغيرين روتينج واتدخلين المشي شوي عشان يتحرك الدم شوي ويكون عندج لياقة ترى حالتج نفس حالة اختي ونصحها الدكتور بهالشي ..وماعليج شر ان شاء الله

    أم اسمى
    تسال عنج العافية وربي ييسر دربج واتردين بالسلامة ونساندج في مشوار الانابيب على خير ..ويعل ايامج كلها افراح ..يارب

    البنفسج
    الله يهون عليج يارب..الله يعينج ..ويطمنكم على الوالد يلا هانت ان شاء الله جهزي كل شي قبل لاتثقلين


    ات ار 5
    ربي يتقبل عمرتكم يارب ويتمم عليج ويحفظج ياارب واكيد ماراح تنسينا بالدعاء وخوووووش ماسويتي الصراحة

    كـــــــــود

    ربي يكون في عونج ..البيت وهالنتاتيف تهد الحيل
    ويكون في عونج على دخول الروووووضة والصيااح مأساة ..
    وخير بعد الموعد اللي خذتيه ربي يتمم مشوارج بحمل بتوأم ياارب ولا تغيبين عنااا

    مهاوووو
    ربي يعوضج بكل خيـــر والله يآجرج ..الله يكون في عونج ..على اللي شفتيه وريحي حالج شوي وعقب توكلي على الله ربي يوفقج

    ميمي
    وينج طلي علينا وحشتينا ربي يحفظج وين ماكنتي

    روضة
    ربي يتمم عليج وينقلج اياه لتمامه يارب

    بنت الظهران
    ربي يتمم عليج ويعطيج باللي في بالج يارب

    باقي البنات تحياتي للجميع واسمحولي لو نسيت حد
























  3. @am_asm

    يا هلا يا كــــود .. ربي يعينج بتمين سنة و انتي ترتبين في البيت ..و كل شوي تشوفين شي ناقص بس قولي ماتنهل عليج الزيارات وانتي ما خلصتي ... توكلي الله الله و ردي عيالج و ان شاء الله نفرح فيج ...
    بيت سعيد فديتج .. عن الكلاام طنشي و انسى .. عيل انا امس بالصدفة سمعت ريلي يقوله عمه روح اكتب اللي تملكة لا بنتك يمكن ما يرزقكم شي لو يصير شي فيك بتورث مرتك ... انا بققت عيوني قلت في خاطري .. الاعمار بيد الله و الارزاق بيد الله ...
    ياختي استمتعي بدوامج ووقتج وفرفشي ..
    غير .. يا ختي اشيعي ارقاااااااااااااد بتييج ايام تقولين وين الرقاد ووين الوقت ...
    وبس ..
  4. ام اسمى
    يا هلا يا كــــود .. ربي يعينج بتمين سنة و انتي ترتبين في البيت ..و كل شوي تشوفين شي ناقص بس قولي ماتنهل عليج الزيارات وانتي ما خلصتي ... توكلي الله الله و ردي عيالج و ان شاء الله نفرح فيج ... بيت سعيد فديتج .. عن الكلاام طنشي و انسى .…
    فديتكم و الله توني اشوف نداء الاستغاثة ما شفته الظهريه يوم ارد ..:35: احرجتوني ..الله يخليلكم كل غالي ..


    :D :D :D :D :D

    انا اعرف شعور نفحة الحزن.. انا كانت و ما زالت تمر علي ..المهم ان الشعور ما يدوم ..يعني تمر عليج لحظات تحسين نفسج واقفة و الكل يدور و يمشي :time: و تقولين الناس تحركت وانا مثل ما انا ... انا على طول استغفر و استعيذ بالله من الشيطان و الحمد لله يروح هالشعور السخيف ..صدقيني حتى انا اللي عندي عيال الحمد لله سعات اشوف اللي تزوجوا معاي و عندهم ٤ و ٥ او اللي احملوا معاي اخر مرة سقطت و عيالهم معاه و اقول انا كنت المفروض معاهم .. فعادي مثل ما قلت اهم شي انا الواحد ما يوصل لمرحلة السخط و ما يدوم هالشعور .
    ياربي ان شاء الله يعوضج خير يارب و يزرقج الحمل الصحيح السليم عاجل غير اجل .


    عادي انا سعات احرك الموعد ساعة او ساعتين و ممكن اكثر هو بس يفضل بس ما اجباري نفس الموعد على حسب الظروف الله يرزقج يارب و يعوض تعب الابر بحمل .


    الله يسمع منج .. احس اني ضايعة عندي وايد اشياء اسويها احوس في البيت و ما اسوي شي بس البيت مرتب و خلصت الكراتين بس كل كم يوم اطلع اشتري اغراض ناقصتني و بعد ارجع يكون في اشيا خاصة ادوات المطبخ و التنظيف . و الزيارات خلصت القراب خواتي و اخواني و اخوان ريلي خلصنا بس مب زيارة رسمية زيارة على السريع للحين البيت فاضي .
  5. @alktoh_mymy

    هلا بناااااااااااااااات

    شخبااااااااااااركم
    والله والله كنت مسااااااااااافره رحت اغير جو مع زوجي المسكين اللي ظاق صدره من اخر عمليه
    بس والله ما نسيتكم على باااااااااااالي واول ما رجعت مددت اجازتي اسبوع عشاااااان ميمي بنتي دخلت الروضه يوم الاحد اول يوم لها

    الله يحفظها تقبلت الروضه بسعة صدر وما لعوزتني يعني بداوم يوم الاحد وانا متطمنه ... مع اني خذت اجازه بس عشاانها
    قلت يمكن يتصلون فيني تصيح او حد يضربها .. يعني احتياطات .. عاااد ابوها يمو ت عليها بنته الوحيده يعني انجبرت اخذ اجازه واتفرغلها ..الله يحفظها

    اموري كلها تمام كلي امل بالعمليه المقبله ..والله يعوض علي خير مع اني لما قريت قصه شرايين زوجها الي طرشته غير خفت شوي
    بس ما في شي على الله بعيد..
    حبيت اقولكم اني توهقت ما قدرت ادخل المنتدى والسبب... الباس وورد غير مقبول تميت اقرا مسجاااتكم لي ما سويتلي باس وورد وقدرت احل المشكله مع المنتدى

    بالنسبه حق الجدد .. اقولهم يا هلا ومسهلا
    بالنسبه حق كل اللي سؤولوا علي ..انا قايلتلكم بروح اغير جو .. بس الظاهر اشتقتولي :)
    مشكوريين يا حبايبي .. انا هالحين صدق حسيت اني قريبه منكم وصرت منكم ...

    حواملنا الاعزاااء .. الله يتمم عليكم

    القابلات على الانابيب .. اهم شي الاراده والتوكل على الله

    تحيه حاااااااااااره جد ا .. الى

    غير .. القصه والله العظيم صيحتني
    واااااو .. حبيبتي لا تهلكين عمرج لاحقه ع السفر والخرابيط
    بيت سعيد .. مشكوره ع السؤال انا بخير ياقلبي
    بنت الظهران.. اخيار حملج عساااه توأم يا رب

    ضحكت بنتي .. الله يقومج بالسلامه
    مهاووو.. الف حمدلله على السلامه والله يعوضج
    عزيزتي ام اسمى ... راح نبتدي مشاوير الانابيب مع بعض ****لله
    لين .. ما تشوفين شر
    كووود .. حعله منزل مبارك
    اج ار 5.. عمره مقبوله تكفين تدعينلي بالاسم امانه امنتج ايااااااااااها
    البنفسج... الله يقومج بالسلامه يا قلبي

    والله يردج بالخير يالواااااااله

    والباقيات الصالحات .. من غير ذكر اسماااء اتمنى لكم التوفيق جميعا

    واللي نسيتها لا تزعل مني .. تدرون صرت ام ..لطالبه في الروضه :)

    احبكم جميعا ولنا لقاء غدا ****لله .. وياويلها اللي ما تتحمدلي بالسلااامه :)

تابعي تجارب أخرى من هذا القسم.