السلام عليكم ورحمة الله وبركاته
كيف احوالكم يا امهات؟؟؟؟
ابيكم الله يعافيكم تعلموني كيف اخلي ولدي الصغير ( سنه و11 شهر ) يخف تعلقه بالشغاله؟؟؟؟
طبعا للمعلوميه
جبته في فترة شتاء وتغير جو وكان خداج ( مولود في الثامن ) مما سبب له ازمات التهاب رئه متكرر
كان تقريبا كل اسبوعين يتنوم
والمصيبه ان اخته الكبيره ( الله يشفيها ) معها ربو مزمن وهذيك الشتويه كانت متأزمه حالتها مرررره
لاننا وقفنا العلاج وانتكست واضطرينا نرجعه من جديد بأكبر كميه
تخيلو يتنومون الاثنين سوا
واللي ذبحني انهم متفرقين
البنت في مستشفى ارامكو بالظهران
والولد بالمواساة في الدمام
وحاولنا المستحيل عشان ننقل اخوها معها ولا قدرنا
وقالو بكل سهوله نقدر ننقل البنت للمواساة
بس حنا رفضنا لان طبيبها اللي متابع حالتها من الولاده هناك ولا ناسبها علاج احد غيره ومستشفى ارامكو افضل من المقبره المواساة بمليون مره
فتوكلنا على الله وصرت اتنوم مع بنتي واخلي امي الله يخليها لي مع ولدي
وزوجي رافض فكرة الشغاله
لين شافني وصلت لهالمرحله
ورحم امي التعبانه من التعب في المستشفى
وقدم على اندونيسيه وجات وصار كل شغلها الشاغل ولدي الصغير
وانا مع بنتي واخوها الثاني لانهم متعلقين فيني مرررره واستمرت الايام وفطمت ولدي وعمره ست شهور لظروف معينه
والحين عمره قرب يخلص السنتين وهو في يد الشغاله يحب الشيل ولا تنزله في الارض ابد مع اني حاولت بس هي ماتسمع الكلام اذا شافتني صديت او انشغلت في المطبخ او مع ضيوف شالته عشان مايزعجها بالبكاء
والحين لو تغيب شوي عن عيونه يدور عليها
مدري وش بسوي اذا سافرت؟؟؟
تتوقعون بيفقدها وبيجنني بالبكاء؟؟؟؟
مع اني سافرت للاردن بدونها وكان عمره سبع شهور او ثمان ولا سأل عنها
وعقبها سافرت للامارات وعمره اكثر من سنه ولا فقدها
مع اني اطول في سفراتي وكان الكل يقول اخذيها ليجننك عبود ولا صار شيء من اللي توقعوه
بس الحين هو كبر وصار يفهم واخاف يتعب بعدها
احس هذرتي واجد
ولا خليت شيء من قصة حياتي ماقلته
الله يعينكم علي
اتمنى تساعدوني
وش اسوي عشان اخفف تعلقه فيها؟؟؟؟
شاركي في النقاش
سجلي الدخول لإضافة تعليق.
التعليقات
20- اولا الحمد لله على سلامة عيالج والله يحفظهم لج ويبارك فيهم
ما عندي خلفيه في كيفيه التعامل مع هالموضوع
بس اللي اقدر اقوله
خلج حازمه مع الشغاله وقولي لها لا تشيله
اذا في مجال تبعدينه عنها
واتمنى الاخوات اللي عندهم فكره لا يقصرون
- جزاك الله خير ياغاليه
والله يعطيك ألف عافيه - (لا إله إلا الله العظيم الحليم لا إله إلا الله رب العرش
العظيم لا إله إلا الله رب السماوات والارض ورب
العرش الكريم)
(يا حى يا قيوم برحمتك أستغيث) - شوفي ترا انتي مكبرة الموضوع من الحين حاولي انك تقضين معه اكبر وقت ممكن..غيري ملابسه اكليه حمميه العبي معاه وصدقيني بمجرد ما تسافر بينساها...
كلي طفولة (لا إله إلا الله العظيم الحليم لا إله إلا الله رب العرش العظيم لا إله إلا الله رب السماوات والارض ورب العرش الكريم) (يا حى يا قيوم برحمتك أستغيث)
الله يجزاك خير
مواضيع مشابهة
تابعي تجارب أخرى من هذا القسم.