بنات عنيزه ولا بريده انفعون لاتصرون مثل البدايع والرس

فيه واحد يقرا جنوب في بريده في منطقه اسمها الناصريه

ابدور رقمه اذا لقيته ارسلته لك

و بالنسبه للفلوس اللي تعطينه مايتشرط

سبق لنا تجربته

الله يتمم عليك بالصحه والعافيه

افاااااااااااااااااااااااااااااااااااااااااااا ياريم الفلاااااااااااااااااااااااااااااااااا
ماهقيتهااااااااااااااااااااا
اجل بنات البدايع ماينفعوووووون؟؟

ريم الفلا :

شوفي يالغالية ..

عندك شيخ يقرأ اسمه البطي .. روحي له العصر أو الظهر ,, ومدي المقسوم وقولي أبي لحالي وما يقصر ..
هو في حي الخليج .. امتداد شارع المياه ( شارع كبير ومنور وكله نخيل على الجوانب ) .. تجيك استراحة ( النخيل ) على يدك اليمين وانتي متجهة جنوب .. أول مدخل بعدها على اليمين ادخلوا معه , فجأة تلقون انفسكم وسط مزرعة وتلاقونه فيها ..

وفيه الي بالطرفية يمدحونه .. أبحاول أحط لك رقمه ان لقيته , ميزته يقرأ جماعي , ثم يشوف الي محتاج تركيز في القراءة ويمسكه على جنب ويقوله ارجع أنت تحتاج أكثر ..

وفيه العايد , لكن قليل ما يتواجد في بريدة .. لكن الله يعافيه ويزيه كل خير ما انسى معروفه .. مرة اتصلت عليه وأنا تعبانه مرررة وجاني بنفسه للبيت وقرأ علي وقرا لي بماء وزيت ..
ابحط لك رقمه ان شاء الله لكنه مو معي الحين .

حبيبتي : عندي زيت زيتون وماء زمزم مقري فيهن من مشايخ كثيرين .. قولي لي وين تبين أحطهم لك وأنا أحطهم .. وأسأل الله أن يشفيك ويعافيك ..
ودي أخدمك يالغالية ولا تنسيني من دعائك ..

فيه الشيخ الطليحي بالمذنب يدخل الحريم كل ثنتين جميع ولازم تكلمين عليه قبل تروحين لانه ما يجلس كل يوم ...
والشيخ العضيبي بالمذنب بعد واسمع عنه مدح كثير .. الله ينفع بهم المسلمين
والله يشافي كل مريض..

مني مصدقه الردود

ام رودي
الله يجزاك كل خير

دايم ضايق صدري
منهي ام الرشودي
ياليت تدوريلي رقمه

نجمة سهيل
غلا
والله مو قصدي بس نزلت موضوعين ابي اسئل عن قريين وسهجا
ماحد رد علي
طقت سبدي

ام فهد
لايكزن حي الخليج الناصريه
الي اسمه العوس
الله يهديه احس ماهمه الا الفلوس
وفيه اخطاء بالقراءه
وبصراحه مااعلم عن نيته بس احس ماخذ القرايه تجاره
رحت لمه مرتين المره الثانيه كل شوي يرد على الجوال قاطع القراءه
ماادري مااعجبني

ابداع
يابعد عمري
والله كلك ذوق
الله يوفقك ويستر عليك ويرفع قدرك ويفرج همك
مشكلتي يابعد عمري انو منب من بريده رحت هالمرتين اقراء وجاني طلوق ادعيلي تروح
لانو مسويه ربط
مجرد احصل رقم شيخ واجزم اروحله ماتقصرين اعلمك
الله يوفقك