جهزتي طفلك للمدرسة او للروضة تعالي افيدينا == ام مستجده

بنات ياليت اتمنى احد يرد علي
الحين بنتي عمرها 5 سنين و6 شهور تدخل ال6 في شهر 3 هل تقبل السنة الجايه المدرسة
يعني اهي مولوده في 21-3-1427 هـ
ماقدرت اوديها هالترم عقب الحوسة والتسجيل الله يهديها عيت تقول ماني رايحه وابوها ماصدق قال موب لازم اصلا بيجي الشتاء لا تقومين بنتي الصبح في هالبرد ارررررررتفع ضغطي منها ومن ابوها
مالي الا الترم الثاني

رفع للفائده

يووووووووه كنك تتكلمين عني انا بنتي بتدرس بروضه لوتشوفين اهلي معاي فرحانين كنها بتدخل الجامعه مو روضه بس البكر وفرحة اهلي واهل زوجي والله مدري وش اسوي حتى الساندوتش مدري وش احط لها

شريت لها من سنتر بوينت شنطه وشنطه للفطور وعلبة الماي كلها لسنوايت جديده توها نازله 180

الله يعينا

هذه يبي لها مقاضي من الى
مريول اشتري اثنين عشان تعرفين الاطفال يوسخون ويلعبون كثير
شنطه الله يعينك عاد وش تبي بس على خبري المدارس الحكومية مايرضون بصور الارواح على الشنط مادري كان تغيروا الحين
مطاره وشنطه لانش بوك
مقلمة واقلام رصاص اشتري درزينين
الوان - خشبيه
دفاتر
مدري يجلدون الكتب الحين ؟؟؟ الله هذيك الايام نقعد يوم كامل نجلد بذيك التجليده الخشبية
بكلات شعر
جزمة مريحه ولو تكون سبور افضل شراريب
ومعقم اهم شي لليدين
والله يبلغك فيها يارب