شاركي في النقاش

سجلي الدخول لإضافة تعليق.

التعليقات

3,330
  1. *إشراقة فجر*
    نصيحة اللي ماتبغى تحس في الريجيم وتطفش وتمل وتمر الأيام بسرعة وبدون ماتحس فيها تشغل نفسها بأي شيء مفيد ترى الفراااااااغ دمااااااااار للحالة النفسية...... وكثرة الفراغ بتخليك تفكرين في نفسك كثير والشيطان يساعد وياحرام ماعندك أطفال وياحر…
    والله كلامك ميه ميه ياعثل

    الله يعطيك كل ما تتمني ..
  2. عندي ملاحظة يااا شروووقه

    ليه كل وحده ما تكتب ايش الاصناف الي تاكل والله احس اني مليت من تكرار الاكل ..

    نبغى تنويع في الاكل تكفووون بنات لا تبخلون علينا

    استناكم
  3. وهذي هي الحمية الغذائية:
    النظام الغذائي خالي تماما من كل أنواع النشويات والسكريات لأنها السبب الأساسي في تكون التكيسات وبالتالي لخبطة الهرمونات وضعف التبويض....

    المواد الغذائية المسموحه:
    اللحوم بجميع أنواعها (لحم - دجاج - سمك ) وابتعدي عن القلي في الزيت وعن جلود الدجاج لأنها مليانه هرمونات......

    مافي مشكلة لو حطيتي شوية زيت مع شربة الخضار او مع الدجاج لكن مايزيد عن ملعقه واحده ويفضل لو تستخدمين زيت الزيتون......

    البيض والحليب ومشتقاته مثل اللبن والزبادي والجبنة والقشطة واللبنة .....الخ وخذيها كاملة الدسم مافي أي مشكلة.....

    الخضار بجميع أنواعها مثل الخس والجرجير والملفوف والفلفل والفاصوليا والكوسا والبقدونس ......الخ ماعدا الجزر والطماطم لأنها تحتوي على نسبة من السكر.....



    الفواكه مسموح لك بالبرتقال والتفاح فقط لاغير وتاكلين حبة تفاحه وحبة برتقالة في اليوم وماتزيدين عنها أبدا لأن الهدف من النظام المحافظة على الجسم مايدخله أي نسبة زيادة من السكر...


    المواد الغذائية الممنوعه:

    النشويات بجميع أنواعها مثل الرز والمكرونه والخبز والمعجنات وكل مايصنع من الدقيق الأبيض.....
    البطاطس...والنشا والشوفان....
    البقوليات مثل العدس والفول والحمص والذرة...
    السكريات بجميع أنواعها وأولها السكر الأبيض والحلويات....
    الشاي والقهوة والمشروبات الغازية....
    العنب والتين والمانجو وكل الفواكه ممنوعه ماعدا التفاح والبرتقال....
    العصيرات بجميع أنواعها وخاصة المعلبه لأنها تحتوي على نسبة عاليه من السكر وممكن تشربين عصير برتقال أو تفاح فقط وتعصرينه في البيت وممنوع إضافة السكر.....
    العسل والتمر....

    الخبز البر ممنوع لكن الدكتور قال مافي مانع لو تاخذين شريحه وحده من التوست البر كل صباح فقط وبعدها تعملين رياضة علشان تحرقين اللي أكلتيه.....


    يمكن يكون النظام قاسي شوية ومتعب لكن والله والله وفي هذا اليوم الفضيل من هذا الشهر الفضيل إن قريبتنا حملت بعد استخدامها للنظام بسبع شهور وهذا لأنها كانت سمينة جدا فكانت استجابة جسمها للنظام بطيئة حتى نحفت وبعدها حملت على طول.....
    وبعدها خالتي استمرت عليه شهرين فقط والله العظيم ماكملت الشهر الثاني إلا وهي حامل.....

    خالتي مدرسة ولما سألت المدرسات عن هذا الدكتور كلهم مدحوه وقالوا إن كثير حريم يعرفونهم حملوا بسبب نظامه الغذائي بعد الله.....

    وأنا كمان لي ثلاث سنوات ماحملت وبدأت في هذا النظام شهر ثمانية كامل لكن بعدين جا رمضان وبديت أخربط في النظام لأنه صعب جدا مع الصيام لكن إن شاء الله إني أبدأ فيه بعد العيد مباشرة واستمر عليه لحد ما أحمل بإذن الله.....

    ومستعده اتحمله لو ياخذ مني سنه كامله لأني تحملت الإبر والعلاجات سنين والحين ما اتحمل نظام غذائي والله العظيم انه أسهل علينا من المنشطات وبلاويها إللي ضررها أكبر من نفعها....

    لكن أنا ناوية أروح للدكتور في الطايف إن شاء الله علشان أسوي عنده تحاليل للهرمونات من جديد لأنها ضرورية واللي تروح عنده لآزم يطلب منها تحاليل للهرمونات وراح أراجع عنده لحد ما أحمل بإذن الله......


    واللي ماتقدر تروح للدكتور تستخدم بس الحمية الغذائية وتتوكل على الله لأن الدكتور مايعطي مع الحمية أي علاجات ثانية غير الجلوكوفاج حبة وحدة بقوة 500 يوميا مع حمض الفوليك فقط لاغير....وتتابع التبويض عند دكتورتها.....


    أنا كنت مترددة إني أكتب هذا الموضوع لأني ماحبيت أقولكم شي إلا بعد ما أحمل علشان تتحمسون أكثر وتصدقوني لكن والله العظيم إني ماقدرت أصبر وحبيت إنكم تستفيدون مثلي يمكن وحده تستخدمه وتحمل قبلي علشان كذا ماحبيت أسكت وقلت لازم أقولكم علشان تستفيدون وماتستنوني الين احمل......


    أنا راح أبدأ جديا بعد العيد إن شاء الله وراح أفتح موضوع ونتجمع فيه أنا وكل من راح يستخدم هذا النظام ونشجع بعض ونوقف مع بعض لحد مانحمل ان شاء الله.....
    اللي حابة تبدأ معاية بعد العيد تسجل إسمها هنا في هذا الموضوع وبعد العيد إن شاء الله أول ما أفتح الموضوع أبرسل لكل من سجل معاية رابط الموضوع ونبدأ مع بعض إن شاء الله....


    وأنا بروح للدكتور إن شاء الله وراح أكتب لكم كل شي يقوله لي وبالتفصيل الممل وماراح أبخل عليكم بشيء إن شاء الله.....
  4. @aathm_anth

    مرحبآ اختي

    جزاك الله كل خير ونفعك بهالنظام

    والله يعطيك على نيتك الطيبه

    حبيت اعرف المكسرات ممنوعه او لا

تابعي تجارب أخرى من هذا القسم.