تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 409
شاركي في النقاش
سجلي الدخول لإضافة تعليق.
التعليقات
2,165mahaadham نيفو يا حبيبة قلبي واحشاني اويييييييييييييييييي انا في الصفحات اللي قريتها عرفت انك خسيتي كتير وانا مش قلقانه خالص من الموضوع ده انا بالعكس مبسوطة جدااااااااااااااااااااااااااااا اخيرا الحمد لله بداتي تعملي خطوة قوية وسبب اني مش قلقانه اني…
يا حبيبي و الله انت اللي واحشاني مووووووووووووووت
اخباراتك ايه و نفسوياتك بقت كام نظام
يارب تكون مالتي سيستم و نسمع منك خبر حلو قريب جدا جدا جدا ان شاء الله تعالى- رسالة من شوشو الى كل البنات
شوشو الحمد الله بخير وقربت تخلص توضيب فى الشقة الجديدة بس هى لسه مش عندها نت علشان كدة قالت لى ابلغكم انكم واحشتوها اوى وهى مفتقيداكم وكمان بتقول لزوزو وام انس الف مبروك ربنا يكمل لهم على خير
على فكرة يا نيفو هى كانت قلقانة عليكى وبتتصل بيكى وتليفونك مغلق بس انا طمنتها عليكى لانها كانت خايفة انك تكونى دخلتى فى دوخة البريود تانى - كدة برضو يا نيفو انتى بتفكرنى وانا كنت نسيت ....هو دلوقتى مش بيكلها بيلبسها رايح جى بيها وكمان بيرتبها فى مكانها حبه القديم بقه
Neevooo نادو حبيبي سمحيلي اديكي الروشتة لاني ماشية على خطة التنشيط دي دلوقتي او بمعنى اصح خلصتها امبارح و ربنا يكرم يارب بصي يا حبيبي تاني يوم البيريود كلوميد 2 قرص صباحا و مساءا ثالث يوم كلوميد 2 قرص ص & م رابع يوم كلوميد 2 قرص ص & م خامس يوم كلو…
انا خطة التنشيط بتاعتي كانت غير كده
بدل 2 كان 1
في الحقن والكلوميد
ده تاني خطة تنشيط ولا ايه؟؟ماما1983 انا كنت حاسه من اول يوم بديت فيه الستروتيد ان حيحصلي كده وحتي اتكلمت مع رمال في التلفون انا مش عارفه بجد مع دكتور محمد كانت اجنه ممتازه ماشاء الله تبارك الرحمن انا والله الي جابني لحسام الاستخاره ودلوقتي استخرت تاني بس انا محتاجه اقابل دك…
ماما حبيبتى اسفه انى مدخلتش بعد ما اتكلمنا فعلا منعنى عنك ظروف خارجة عن إرادتى ارجو تسامحينى انا كان نفسى اتواجد معاكى فى الوقت العصيب ده معلش سامحينى ياحبيبة قلبى ..
تعليقا على كلامك واللى حصل النهاردة ..
فعلا انتى كنتى متوقعه الكلام ده وقولتيه لى فى الاول خالص وساعتها رميتى الشك جوة قلبى وبقيت اتابعك ومستنيه اللحظة الصعبه دى وسبحان الله اللى حسبناه لقيناه
دلوقتى د حسام مقتنع تماما بالفكرة دى ومش عايز اطلاقا يغيرها بالرغم من انك قولتى له فى اول مقابله انك عملتى فى السودان حقن ووصلتى لمرحلة ترجيع الاجنة وانها كانت محاولة ناجحه لكن خطأة انه لم يحاول الاستفادة من التجربة الناجحه دى ومش حتى حاول يكمل عليها بالرغم من انى بحترم الراجل ده جدا وبقدره علميا الا انى بعتبر الخطوة دى كانت غلط منه لكن اكيد هو مش عملها وهى ملهاش علاقه بالطب اكيد فى رأي فى الطب بيعبر عن الفكرة دى هو مقتنع بيه علشان بس منبقاش بنشكك فى كفاءة الطبيب ده وهو على درجه عاليه من الكفاءة لازم نحفظ المراكز برده ..
ونصيحتى ليكى بقه علشان نبقى بنمسك العصايه من النص يبقى لازم نفكر فى النقط التاليه ..
اولا
احنا كنا ليه جايين مصر ؟؟؟ علشان كنا نامل ان د حسام يتبع معاكى اسلوب جديد ينفعك والاسلوب ده غير متوافر فى السودان وده كان املنا وتوقعنا لكن اللى حصل غير ده فا نفكر كويس قبل ما نعيد معاه تجارب مش معروف نتيجتها ايه
ثانيا ..
لو د حسام اقتنع بتفكيرك المرة دى وجرب معاكى البروتوكول اللى نجح معاكى سابقا يبقى كده هيعمل نفس اللى هيعمله دكتورك فى السودان ولو ده حصل يبقى نقول سلام ونلم العزال وعلى بيت العز يابيتنا لان اللى هيتعمل هنا وهناك واحد ولو فعلا ده هيحصل يبقى ايه اللى هيخلينا نفكر نعيد معاه تجربة ممكن تعيديها فى السودان ؟
...لا انتى توفرى فلوسك وتسافرى واى ادوية هتحتاجيها هناك وهى فى السودان اغلى من مصر هاتيها قبل ما تسافرى وتبقى كده وفرتى فلوسك وعملتى العمليه فى بلدك مع دكتور برده شااااطر جدا وتقدرى تتناقشى معاه وتلاقيه متبقاش مقابلته مستحيلة زى د حسام
ثالثا .. انتى عارفه كويس ان د حسام مبيحبش الفشل وانه قاللك تيجى له الدورة الجديدة علشان يجرب معاكى نظام تانى .. يبقى دلوقتى وقبل الدورة الجديدة كل اللى عليكى تعمليه انك تستخيرى كويس الايام الجاية دى وكمان تروحى له وتشوفى اللى هيجربه ده ايييييييييييييييه وهينفعنا ولا لا و ازاااااااااى علشان يبقى زى ما قلتى دى هتبقى الفرصه الاخيرة بحيث لو هيعمل معاكى حاجه مفيدة ومش موجوده فى السودان يبقى خليكى وربنا يكرمك فيه لكن لو طلع عكس ذلك انتى عارفه الحل البديل ايه ..
يعنى الخلاصه كله هيبان فى مقابله د حسام .. وفى حاله ان تعذر مقابلته ياماما يبقى تعتبرى ده نتيجة الاستخارة وتسافرى والدورة الجاية كمان تلات اسابيع مثلا تبقى بتعملى المحاولة الجديدة مع د محمد وبالنظام اللى شايفاه ناجح معاكى ودى الخلاصه دون الخوض فى تفاصيل اكثر عن هرمون ال ال اتش انتى عارفاها اكثر منى .. وبكرة بامر الله هدخل لك علشان اشوف هتعملى ايه فى مقابله د حسام وهتحدديها ازاى
مواضيع مشابهة
تابعي تجارب أخرى من هذا القسم.