تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

رمال
بسم الله ماشاء الله عليكي
ربنا يباركلك ويرزقك من الخير كله عاجله وآجله يارب
هي الخطة كده برده تخلص في اليوم السابع؟
يعني حقعد التامن والتاسع والعاشر ماخدش حاجة صح؟
انتي عملتي كده؟
وخصوصا اني حروح علي المغرب اعمل السونار
والله انا برده كنت ناوية ابدا بخطة مش مكثفة عل وعسي الاستجابة تكون اتحسنت المرة دي عن النوم بتاع المرة اللي فاتت
　

بصى يادودو .. الخطة كده هتخلص اليوم السابع فعلا ويوم المتابعه هيبقى فى اليوم العاشر وتنزلى فى اى وقت فى اليوم العاشر انا مفكرتش ساعتها انزل الساعه كام هههه .. انا اساسا كنت محتاسه وبدور على مركز يكون فى واحده ست وفضلت ادور يومين اصلى مكنش فى حد يفيدنى وكنت لسه مستجده فى الموضوع وفضلت لحد اليوم الحادى عشر عقبال ماعرفت اروح اعمل المتابعه ..
ودى فعلا نفس خطة التنشيط اللى اخدتها ياجميل وفعلا الافضل انك تبدأى بتنشيط متوسط مش زايد علشان البداية دى انا بعتبرها زى العربيه لما بتيجى تشغليها بيحتاج الموتور شويه علشان يسخن ويقوم فا كده هتبدأى بأمر الله من تانى يوم البيريود وتخلصى على السابع .. ومتنسيش يوم ما تنزلى تعملى المتابعه فى اليوم العاشر تعملى التحاليل المطلوبه ودى كويسه علشان هتدى فرصة للدكتور يتابع حالتك من بعيد ويشوف هرموناتك بعد التنشيط وايه اخبار الاستجابة وكمان هيطمن على البرولاكتين اثناء الشهر ولو كان عالى هيقدر يلحقك بالعلاج فا دى حاجه مهمه اوعى تنسى تعمليها ياجميلة
وزى ما نيفو الجميلة نبهت على تثبيت معاد العلاج والحقن شئ ضرورى ومهم يعنى تانى يوم الدورة هتاخدى اول قرصين ثبتى معادهم على الخمس ايام كل يوم هتاخدى القرصين فى نفس المعاد
ونفس الكلام بالنسبه للحقن طبعاااااااااااااا والله المستعان ياحبيبى

وداع يا حبيبتى أخبارك ايه دلوقت ؟؟ ... يارب تكون نفسيتك احسن وتكون الوساوس السوداء رحلت عنك على غير رجعة

ربنا يهدى سرك يارب ويبعد عنك شرار الناس ويقر عينك بذرية نافعة للاسلام