اختي يارا ..
راح اساعدك باللي اعرفه .. واعذريني عالقصور
اول شي رقمت لك في الصوره ووضحت كل نقطه برقمها :
1. انتي حاطه الوضع عالمؤقت .. يعني التدفيه تشتغل اتوماتيك اوقات وتطفي اوقات بدون تدخلكم .. راح اوضح لك كيف خلال النقاط الجايه
2. وضع ايقاف تشغيل التدفيه
3. وضع التشغيل الدائم للتدفيه .. يعني مراح توقف الا لما تطفيها انتي يدويا
4.هذا مؤقت التدفيه..
5.الارقام هذي هي عباره عن ساعات اليوم .. يبدأ الوقت من 1 وينتهي ب24 .. طبعا 24 هو الساعه 12 بالليل .. هذا تضبطيه عالتوقيت الصحيح ..
انتي تلاحظي موجود سهم طويل يعلمك ان الساعه تدور على اتجاه واحد.. وسهم صغير .. هذا اللي تحطي رقم الوقت عليه .. يارب فهمتي علي
فيه زوائد صغيره لاحظت في الصوره انه فيه مجموعه من الساعه 10 الى 12 مو زي الباقي.. حاولي تحركيها كأنك تفتحي غطا علبه او تضغطي عليها .. راح تتحرك معك .. يارب فهمتي علي .. هذي الزوائد اذا ضغطتي عليها يصير المؤقت يشتغل عالوقت اللي هي مضغوطه عليه واذا رفعتيها ما تشتغل التدفيه في الوقت اللي انتي رافعتها
6. عباره عن درجة الحراره اللي تبينها تبدأ من رمز الثلجه يعني بارد .. وتنتهي برقم 6 اللي هو اعلى درجه حراره
7. تختاري قوة التدفيه اما عليه عند النقطتين او عاديه عند النقطه الواحده
اي مساعده ثانيه انا حاضره ...