نصيحة اختي طنشي كلامها حتى لو قالت لاتناقشينها لان النقاش يجيب العصبية والصوت العالي ويضيع التفاهم بينكم ... صحيح انك بتنقهرين لكن لو راددتيها راح تحقد عليك اكثر هي مقتنعة بكلامها ممكن سمعته وفهمته غلط ....انا مرة قالي ابوي انه قرا حديث ان اللي ماترضع ولدها عليها ذنب تصوري وانا واثقة ان ابوي قرا الحديث بس يمكن تفسيره فيه التباس ...يعني لاتناقشينها بهالمسألة لين تمل وتنساها لكن لما تزعلين وتحاولين تفهمينها وانت منقهرة راح تستانس انها اوجعتك بكلامها وراح تزيد وتعيد ....
وممكن معاملتها لاولادك وصراخها عليهم من باب ان الاطفال حركيين ويصرخون او من باب انهم يذكرونها فيك يمكن او.......حطي الف سبب ...
وبالنسبة لمعاملتها لك لما جت بنتها لان هي متأثرة من مشكلة بنتها وتكرة ان بنتها تتطلق علشان كذا نفسيتها تعبانة ويمكن انها تقارن وضعك مع وضع بنتها وتنقهر علشان كذا تغيرت معاملتها لك الله اعلم بالنوايا ....
ويمكن انت لما تناقشينها ويعلى صوتك تحس انك ماتحترمينها ويمكن هي تقول انك تغيرتي عليها من جبت ولدك الثاني ....يعني لو هديتي نفسك وتذكرتي مواقفكم مع بعض وشفتيها بنظرة حيادية راح تتفهمين ....
انا مااحط اللوم عليك لكن كثرة الشد بهالمسالة تشد الاعصاب وتأزم الوضع بينكم وتخلي زوجك مهما كان بصفك اكيد ماراح ينصرك على امه حتى لو هي غلطانه ...
وبالنسبة لتغير زوجك عليك هذا شي طبيعي بظل هذي المشكلة لانه يشوفك منقهرة وتتكلمين وتشتكين من قهر امه ويمكن طول الوقت متكدرة او تشتكين من معاملة امه لك ولعيالك فشي طبيعي انه راح يقلل قعدته معك وينزل عندهم يتونس لانهم اكيد ماراح يذكرونه بهالمشكلة بالعكس بيعيشون حياتهم ويضحكون ويستانسون ...
والرجال بطبيعته مايحب المشاكل دايم يحب يهرب منها ولا يحب المرة اللي تشتكي امك سوت امك قالت .......فيروح يدور سعة صدره وراحة باله ولا عليه حتى من زوجته اللي يحبها ........
ويمكن لان اولادك اعمارهم صغيرة مرة يحس انك دايم وراهم ومنتبهة لهم علشان كذا هو يحس بانشغالك عنه عكس لما كان عندك بس ولد واحد ..ومعروف ان الرجال اذا جابت مرته ولد واحد حس بانها تغيرت عليه وماعاد تعطيه نفس الاهتمام قبل ماتصير ام وبعض الرجال يغيرون منن اولادهم لان اهتمام الزوجة قل فيه وصار اكثرة مركز على هالطفل ...
بتلاحظين من كلامي ان الرجال دايم اناني ومايتحمل المشاكل خصوصا اذا صارت مع اهله بيترك زوجته تصارع وتواجه لحالها حتى لو كان الحق معها ويشوف غلطهم عليها لكن بيصف يتفرج عليها ويمكن بتتغير نفسيته عليها على حسب نفسية اهله ..
وبجميع الحالات الزوجة راح تخسر كثير خصوصا لو كان سكنها في بيت واحد من اهل الزوج عكس لو هي مستقلة عنهم بعيد ....
علشان كذا نصحتك بالتطنيش ولاتشيلين بقلبك بتتعبين وحاولي انك تغيرين معاملتك معهم حتى لو ناقشوك قولي الله الهادي وغيري السالفة وحاولي ترجعين علاقتك مع ام زوجك وسوي اللي كنتي تسوينه لها قبل لاتجي بنتها ..حتى لو ماعطتك وجه عامليها بما يرضي الله .....
هذي نصيحتي لك لانك ساكنة فوقهم لكن لو كنت ببيت لحالك ممكن تختلف هالنصيحة ..لكن طبيعة القرب بينكم تحتم ان يكون بينكم سلام وهدنة وشوية لين ...
مشكلتي في تضخم لا اله الا الله
متابعة النقاش، صفحة 10