شاركي في النقاش

سجلي الدخول لإضافة تعليق.

التعليقات

45
  1. @makan_akhtyary

    طيب بكل امنه وش رايكم وظيفه مشرفه باص ومطعم في احدي الروضات ان خريجه جامعه ومالقيت وظيفه الا هذي اوفق ولا لا علما ان راتبها 1200 حق مصروفي وغراضاتي وحابه اسالكم حقون الاستقبال وش يطلبون من شهادات بذمتكم تردون على لا تطنشون
  2. @la_llkhltat

    [QUOTEلمشاركة الأصلية كتبت بواسطة مرسى الأحبه
    كل الشكروالتقدير : لصاحبة الموضوع أولا ...

    ثانيا: صاحبة الموضوع طالبة رائي الجميع بموظفة الاستقبال صح ... يعني ماله داعي كل وحدة تعمم رايها ع الجميع كل انسان له وجهة نظر .......

    ثااالثا : أنا وحدة أدور على وظيفة خلاص وحاليا جالسة بالبيت ... وسبق أن عرضت علي وظائف كثير بالبنك أو بالمستشفيات أو بأماكن متعددة مثل الاستقبال ...
    لكن أنا أقول مهما كانت الوحدة محتشمة ومحترمة ومحافظه على نفسها لابد وأنها تتعرض للشر من قبل عملها بالمكان هذا
    ويمكن يجي واحد من المراجعين أو حتى الموظفين ويبلاك بنفسه والشباب المراهقين كثير واستهبالاتهم أكثررر والله الدنيااا هذي الأياام تخوووف الواحد مو سالم على نفسه وهو ببيته ....(((وبعدين وش تتوقعون من مكااان فيه اختلاط للجنسين ...)))
    أنا أشوف بعيوني كل اللي يصير بمثل هالأماكن شوي تضحك شوي يستهبل عليها شوي عيونه طايره فيها ...وإلى أخره من المظاهر للي أتوقع أن الكل يعرف وش يصير فيها ....
    غير مخالفات اللباس والزينه وغيرها وكلنا مايخفى علينا هالأشياء ...
    وكلنا نعرف قاااعدة (( الشر يعم والخير يخص ))) يعني أغلب اللي نشوفهم من أهل الخراب اللي بمثل هالموواااقع ...عشان كذا مانتوقع أنو فيه صلاح بمثل هالأماكن ...(( النظرة العاااامة للمجتمع تقول كذا ))) ....
    مثااال بسيط ((((وتخيلي معاااي أن عنك كرتون تفاااح كله حلوو وطعمه روووعة بس فيه تفاااحة وحدة خربااانه وخليتيهاااا كم يوم في الكرتون مع التفاح الصالح ..... وش تتوقعين النتيجة أكيد أنك بتلقين نصف الكرتون صاار خربان ومع طول المدة بيكون كل الكرتون فاااسد ))) ........

    بالفعل أنا ما أحس أن هذا المكان يليق بالمرأة المسلمة المحافظة على دينها ونفسهااا ....

    وأرجع أكرررر هذه وجهة نظري ... لا تجي وحدة تناقشني فيها ... لأني أنا أول وحدة تبحث عن وظيفة بس بشررررووووط مو كل شي يناسب ديني وعقيتي .........
    والموضوع كله أبداء رأي لا أكثر ولا أقل ..... بس حبيت أنصحك باللي أشوفه صح ويناسبنا وهذا من منطلق ((( أحب لأخيك المسلم ماتحب لنفسك )))) ....
    دمتم في حفظ الرحمن ......]

    عزيزتي اللي يده بالنار مو مثل اللي يده بالماء
    جالسة ببيتكم وتطقطقي على النت ومو حاسة في غيرك اللي محتاجات.

    وبعدين يا قلبي بعلق على نقطة .. اوكي ممكن الوحدة تتعرض لمضايقة في اي مكان ..بس اذا انتي ماعرفتي تصديها فالمشكلة في شخصيتك انتي في الاول والاخير

    ولعلمك جهات العمل فيها قوانين وشديدة جدا ماهي غابة زي ما تتخيل عقول البعض. فاللي مالها تجربة رجاء لا تجلس تهرف بما لا تعرف.

    اذا على مقياسك.. فالسوق برضو بلاش منه والخروج من البيت بالاساس المفروض نلغيه ..دام المرأة ممكن تتعرض فيه لمضايقة.

    يعني المرأة ممكن تتعرض لمضايقة اذن خلاص نعاقبها بحرمانها من العمل ؟ ايش التفكير هذا. فيه حلول كثيرة غير هالحل

    وزي ما ذكرت ترا الوضع في المستشفيات مو مثل ماهو مصور لكم في الاعلام وغيره ..الاوضاع جدا عادية وطبيعية لا تتوقعي انه زميلك راح يتحيز اي فرصة عشان يتحرش فيك جنسياً .. هذا مكان عمل كل اللي فيه معروفين واسماءهم معروفة والامن مراقبته وكل شي.

    فبلاش مبالغات مالها داعي تحط من قدر اخواتنا اللي في هذي الوظايف.

    تهاجمون البنات الموظفات وبكرا تدورون عليهم دوااارة اذا حدتكم الحاجة لهم ..

    صاحبة الاقتباس كلامي مو موجه لك شخصياً موجه للجميع.


    ونقطة اخيرة حبيت اقولها لك ..
    ترا مافي وظيفة راح تنعرض عليك اذا انتي ما قدمتي عليها بنفسك ..ومااظن فيه احد يقدم على وظيفة مايعرف طبيعة العمل تبعها .. اما اذا شخص تعرفينه كلمك وقال لك فيه وظيفة هذا ما يعتبر عرض رسمي ..لذلك بلاش صيغة المبالغات هذي :) احترموا عقولنا.
  3. @la_llkhltat

    ماكان اختياري
    طيب بكل امنه وش رايكم وظيفه مشرفه باص ومطعم في احدي الروضات ان خريجه جامعه ومالقيت وظيفه الا هذي اوفق ولا لا علما ان راتبها 1200 حق مصروفي وغراضاتي وحابه اسالكم حقون الاستقبال وش يطلبون من شهادات بذمتكم تردون على لا تطنشون
    شوفي عزيزتي اي وظيفه شريفه اقبليها.. اذا ماتعرفي كثير عنها ممكن تتصلي وتستفسري عن طبيعة الوظيفة ..ممكن تروحي زيارة تشوفي كيف طريقة العمل

    اذا حسيتي انك ارتحتي لها توكلي على الله وقطي كلام الناس وراك
    الناس ماراح تدفع لك راتب

    وبعدين تستفيدين انك تضيفين جهة عملك لسيرتك الذاتيه ..هذا يبين للي راح يوظفك انك انسانه طموحة وما جلستي بالبيت
    يعني تنفعك كخبرة .. وان ماهي في مجالك يضل اسمك اشتغلتي وتنحسب كنقطة ايجابية ..عكس اللي تجلس بالبيت اي وظيفة تقدم عليها بيكون فيه عائق وجود فترة فراغ طويلة بعد التخرج بدون عمل او اي نشاط ..وهذي تردد اي مسئول توظيف.


    وانتي خلال شغلك في الوظيفة تكوني مستمرة في البحث عن الافضل.
    وان شالله هذي تكون نقطة البدايـــــة فقط .. وشوي شوي بيتحسن الوضع.
    الزمن الان تغير ماعاد في شي يجي بسهولة لازم الخريج يتعب في بداية حياته الى ما يبني سيرته الذاتية اللي تؤهله للافضل

    واحتسبي الاجر في عملك حطي ببالك انك اخترتي هالعمل لأنك امينة على اطفال الناس ..والله بيرزقك على قدر نيتك


    بالنسبة للاستقبال المستشفيات الحكومية تطلب بكالوريوس ..بس الخاص عادي ثانوي ..بالاضافة للغة انجليزية واستخدام للحاسب الالي

    موفقة
  4. @rymo_366

    جي جي-
    يا اخت ريمو 366انتي قذفتي بكلمه دشير وانا وحدة من موظفات الرسبشن ماراح اسمحك على الكلمه ابدا الان البنات مش سواء وانتي لوحصللك كان تةظفتي
    عفواً اختي , انا قلت (اغلبهن ) وقلت ( اللي اشوفهن ) , يعني ماعممت ولا جبت طاريك

    وصدقيني لو حصلت لي هالوظيفه ماراح اتوظف بها مو لأنها عيب لا بس هذا رأي شخصي , اقري كلامي زين بعدين ردي علي

تابعي تجارب أخرى من هذا القسم.