شاركي في النقاش

سجلي الدخول لإضافة تعليق.

التعليقات

2,134
  1. @ghyr_4

    ام اسمى


    اي والله متملله , مع اني من شوي جيت من برع ..!

    بسالج سؤال :

    انا سايزي قبل لا احمل سمول << الله يرحم :(
    والحين مع الحمل صار ميديم عشان صدري و الدبّه ..
    بس يعني اذا ولدت دايركت بتخف الكرشه ولا شسالفه ..!
    لاني متوهقه
    جلابيات الولاده خذتهم ميديم
    واخاف يطلعون علي مبهدلين حزة الحزة ..!
  2. @ghyr_4

    هاي الرد اللي انمسح

    كنت كاتبته حق ريـوج ..

    اليوم رحت كشخه بلازا اللي في الستي وتذكرتج لانج قلتيلي قوليلي ان لقيتي شي عدل

    بصراحه حبيت بضاعته اكثر من اللي في بانتين

    حسيت الشغل ارقى و احلى شوي .. وتقريبا كلهم نفس الاسعار

    ولاني اللي خذتهم من الجبر قطنيات فـ اللي شريتهم اليوم خام غير ..!

    وفي اشكال و انواع و موديلات وايد

    وفيه الدفش وفيه الناعم

    ان رحتي بتطلعين لج عالاقل بـ 4 !!

    انا خذت من عندهم اليوم 3 .. ومن بانتين 4 .. و 2 كنت شاريتهم قبل بس مافيهم فتحه للرضاعه من قدام

    ف المجموع كله 9 .. يكفي وزياده ان شاء الله :)

    روحي شوفي وان شاء الله يعجبج ..!

    وبعد مريت كارفور وشريت اغراض البيبي

    حبيييييييييييييييييييييييت السالفه حسيت باحساس الامومه وانا اشتري البامبرز :"")

    يعني تقريبا الحين خلصت اغلب الاشياء بس فيه اشياء لحين

    كان عندي دفتر صغير كاتبه فيه بس شكلي ضيعته للاسف

    وفيه اشياء نسيت اخذها .. مثل الزمزميه للماي الحار

    و الفوط الصحيه لي .. تفشلت وتوهقت لان الاخوان حاطينها في مكان غلط مجابل الشامبو وكان زحمه ذاك الصوب فتوهقت وماعرفت شاخذت , فخليتها ..!

    يعني يبيلي بعد طلعه ..

    وبـس :)
  3. @am_asm

    { غير ~
    ام اسمى اي والله متملله , مع اني من شوي جيت من برع ..! بسالج سؤال : انا سايزي قبل لا احمل سمول << الله يرحم :( والحين مع الحمل صار ميديم عشان صدري و الدبّه .. بس يعني اذا ولدت دايركت بتخف الكرشه ولا شسالفه ..! لاني متوهقه جلابيات…
    ج جواب..
    كل وحده تختلف مقاساتها بعد الولاده .. بعد ست شهور يرد الجسم طبيعي اذا حافظت على جسمها و بعض الحريم يزيدن بالوزن بحجة الاكل حتى ترضع
    عني انا نزل وزني بالحمل وولدت و نزل وزني لاني ماكنت اكل و قلبي مشغول على بنتي لانها تمت بالحضانة 12 يوم من رديت البيت بطلت حلجي كل شي اكلة حتى اسوي حليب لبنتي و عقب 8 شهور قدرت اسيطر على نفسي و نزلت وزني وايد و الحمد الله عندي تقريبا الحين 6 الى 7 كيلو وزن بس لاني طولي 161 مايبين عليه وايد ..
    فعتقد انتي لانج سمول بيرد جسمج
  4. ام اسمى
    ج جواب.. كل وحده تختلف مقاساتها بعد الولاده .. بعد ست شهور يرد الجسم طبيعي اذا حافظت على جسمها و بعض الحريم يزيدن بالوزن بحجة الاكل حتى ترضع عني انا نزل وزني بالحمل وولدت و نزل وزني لاني ماكنت اكل و قلبي مشغول على بنتي لانها تمت بالحضانة …
    الله يوفقج يارب انا بعد اشوف السادس احسن وقت الوحدة تبدأ و على الثامن تكون الوحدة تقريبا خلصت احسن و لان التاسع بروحه تسع شهور :27:


    احلام الطفل ادمجوه مع شيكو في السيتي سنتر و انا و خواتي ما ناخذ إلا منهم اسرة ايطاليه و ما شاء الله تعيش سنين انا اغيرهم لاني اتملل منهم بس .

    ان شاء الله يارب ..


    ان شاء الله يارب الله يسمع منج .


    لا اصلا حطي في بالج اول فترة بعد الولادة ممكن تطرين تلبسين ملابس الحمل انا كنت البسها فترة .. و انا مره قريت ان شكل الوحدة بعد الولادة يكون تقريبا شكلها في السادس يعني انتي شوفي اشلون كان السايز وقت السادس و على اساسه اشتري و خليه واسع النفاس حوسه تبين كل شي واسع . و هرمون الحمل ما يطلع من الجسم الا بعد ٦ شهور فانتي حطي في بالج ان الجسم اللي تمدد في تسع شهور محتاج على الاقل ٦ شهور . و عليج بالرياضة و المشي علشان يشد الجسم بعد النفاس طبعا و خلي الاكل في النفاس اكل صحي احنا عندنا الوحدة يأكلونها دهون ان علشان تتقوى ما يدرون انهم يضرونها .
    بس انا في النفاس ما اشتهي الاكل وايد و نزلت اذكر ٩ كيلو طرت من الفرح و كان باقيلي ٧ لاني زدت ١٦ و لما صار عمر ولدي شهرين بديت رجيم لاني ما قدرت ارضعه مافيني حليب كلش و اعتمدت على الصناعي سبحان الله ارزاق في ياهل رزقه انه يرضع طبيعي و ياهل لا .
    بس و طولت عليج .. بس ذكريات حلوة :04: . الله يعيدها يارب على صحة وعافية .
  5. @ghyr_4

    ام اسمى و كود


    ان شاء الله انا ناوية اذا ولدت طبيعي باذن الله راح اربط بطني و ابدا امشي واسوي رياضه
    انا لحد الحين زايده 12 كيلو
    ان شاء الله اقدر ارد وزني القبلي ..
    مابي وزن قبل الزواج ابي بس الي قبل الحمل
    مـب طماعه خخخخ

تابعي تجارب أخرى من هذا القسم.