تجمع المحسنات الظن بالله (خبرات متبادله حول مراكز العقم في مصر )

ماما اقري الموضوع دا

http://forum.hawaaworld.com/showthread.php?t=2534395

مساء الخير على كل البنات
مبروك علينا الجزء ال 18وعقبال ما يتقفل بأجمل وأسعد الاخبار على الكل يارب
ماما ..
مشكورة ياحبيبتى تسلم ايديكى بارك الله فيكى ولمستك فى اول الملف واضحه جدا كلماتك اكثر من راااااائعه طالعه من جوة قلبك حقيقى ..
يارب يارب الملف ده يكون فيه خبر حملك ياحبيبة قلبى ويبقى فتحه خير عليكى وعلي الكل
:26:

وداع ..
حاولى ياحبيبتى تشوفى اى مركز تعملى فيه التحليل حتى لو بعيد عن البيت ده اول شهر هننشط فيه وهنحتاج التحاليل دى علشان الدكتور يقول لنا رأيه فيها ايه حتى لو هتسافرى تعمليه فى معمل بعيد وتبقى تاخدى النتيجه على الانترنت لو ده امكن او حتى تتفقوا مع موظف المعمل يبعتها لكوا على الميل .. المهم ياقلبى انك تعملى التحاليل دى بقدر الامكان .. اتعبوا شويه ياوداع معلش التعب كله يهون وعلشان نبقى ماشيين الامور واضحه لينا من جميع الجوانب طالما انتى مش تحت ملاحظة د عادل المباشرة .. وربنا يقدم اللى فيه الخير ياقمر

مصرية ..
بتقولى نفسيتك تعبانه ليه بس تعالى قولى لنا ايه مزعلك .. شكله كده اللون الجديد :35:

اوكسى ..
طبعا مش عارفه اقوللك ايه كالعادة معرفناش نتقابل .. المهم كفايه دخولك الملف ده انجاز فى حد ذاته ربنا يكرمك يارب

توتا ..
طبعا موضوع التطعيم ده يحير جدا لان ناس كتير قالوا ده مش مظبوط وناس تانيه قالت لا ناخده عادى .. لكن سواء كده او كده انتى اخدتيه فا ان شاء الله مش هيجرى لنا اى حاجه توكلى على الله وانسى الموضوع والاعراض اللى حاسه بيها طبيعيه المفروض انها مصاحبة للتطعيم يعنى هتاخد وقتها وتمشى .. بس انتى ركزى فى الحج بس والمناسك حاولى تقرأى فيها شويه الفتره دى وكل الامور هتعدى على خير

نادوو ..
ها ايه الاخبار عندك الجو عامل ايه لسه حار جاف صيفا ولا بقى دفئ ممطر شتاءاّ .. التوتر راح لحالة ورسينا على بر ولا لسه ؟؟ طمنينى

الف مبروك التجمع الجديد
سبحان الله الايام بتعدي لسه فاتحه القديم اللي كان جديد
هههه هبله صح
تسلم ايدك ياماما وجزاكي الله خيرا
وداع
ممكن يكون اللون ليه دخل؟
ههههههههههههه
انا مضيقه ياوداع لاني قاعده محلك سر والعمر بيعدي انا عارفه ان كل شئ بقدر وبموعد بس الواحد بيضعف وحماتي كل شويه تسال وانا اعتبر مش بعمل اي حاجه غير اني بدعي ربنا ومستنيه الفوس تتوفر علشان العمليه
وزوجي اكيد مضايق بس اهو علي الاقل بيخرج ويشوف ناس تنسيه شويه وانا اللي قعده بين اربع خطان والبيت بقي ميت مفيهوش صوت
عرفتي نفسيتي تعبانه من ايه؟

توتا
انا اخدت التطعيمات دي الحج اللي فات
يابنتي توكلي علي الله واعتقد ان تحليل زوجي متغيرشي بعد التطعيمات دي
يابنتي انتي رايحه للملك اللي بايده كل شئ خايفه من ايه؟ ركزي بس جلوقتي انت تثقفي نفسك في فقه الحج عشان متقعيش في اي مخالفات دون قصد
بس اوعي تنسي تدعلنا