ماتطيق زوجها مع انه طيب ايش الحل

السلام عليكم

بنات هاذي رسالة جاتني من وحدة ماتبغى تنعرف في المنتدى وطلبت اني احط الموضوع بالاسرية وهي بتشوف الردود وراح احطها نسخ لصق وهاذي الرسالة:

انا اتزوجت صغيرة ومرينا بمشاكل انا وزوجي بداية حياتنا وحبيته وجبت منه 3 الله يحفظهم ولي الحين متزوجة

11 سنة واحنا للحين صغار لان اتزوجنا صغار هو اكبر مني ب3 سنوات وكبرنا مع بعض بس عندي مشكلة

والله اني خاشتها بقلبي ولاحتى احب اصارح نفسي فيها كثيييييير من اهلي يستغربون من حبي له على قولهم

لانه موحلو حتى وحدة الله يسامحها تقول انه يشبه السواقين تحسبه سواق تخيلو :44: وعلى قولهم انا

جميييييييلة جدا ولااحب امدح نفسي بس صار في قلبي غرور وصرت احس انه فعلا موحلو بس وماتتقبله

نفسي مع انه مدللني ويحبني واشياء كثير يعملها مايسويها اي زوج لزوجته بس ماادري تجيني احيانا احس

نفسي عايفته اييييي احد يحسبه فعلا سواق حتى في السوبر ماركت حتى في المستشفيات وفي اي

مكان حتى عند نقاط التفتيش بس طبعا اعمل نفسي ماانتبه للي قالوه , هي المشكلة ماهي ظاهرة

المشكلة في نفسيتي انا احس حتى اهلي ابدا مايفتخرون فيه طبعا الوالد والوالدة الله يحفظهم يحبونه مره

لانه جدا محترم معاهم ولا قد اشتكيتلهم منه بس اهلي من جهة اعمامي وخيلاني يستعرون منه ويعاملونه

كانه من كوكب ثاني ماكأنه رحيمهم حتى مره خالي سئلني قللي زوجك لمن يشم ريحتك طبخ ويشوفك

محتاسة وكشتك طايرة ايش يقول وجاوبت بصدق وبصفا نية قلتله والله عمره ماانتقدني في شي قللي

خصبن عنه اصلا يحمد ربه انك زوجته :44: تخيلو انا احزن عليه مره وفي نفس الوقت والله حرام عليهم الكل

يتكلم فيه حتى وحدة قريبتهم اول مرة شافتني فيها قالت واااااااااي الجميلة والوحش :mad: وانا سكتت

ومااحب احكي زوجي كيف يعاملني صراحة اخاف يحسدوني واخاف من عيونهم وللا ودي اقلهم هو ايش يسوي

عشاني بس مااقدر ايكون جوابي السكوت والله العظيم تعبانة نفسيا واعوذبالله احيانا افكر اقول ودي احس

اللي متزوجة واحد وسيم ايش تحس فيه بس اتعوذ من الشيطان واستغفر ربي واحمد ربي والله كثيييييير

بس هاذي احاسيسي اللي مثل ماقلتلكم مااقدر حتى اتعمق فيها مع نفسي لدرجة حتى تئثر عليا في

واجباتي الزوجية اللي فاهمينها انتم , ايش الحل افيدوني ولاتستهونون في المشكلة تخيلي صديقتك او اختك

تكون جميلة وفجاءة تشوفي زوجها تتفاجئي انه زوجها ايش تكون ردة فعلك يابنات حتى امي اللي تحبه لاااااازم

من فترة لفترة تقول والله كان ودي ازوجك واحد وسييييييم حليوة واكيد بيحطك بعيونه بس يللا الحمدلله ع النصيب

:icon33:انقهر واقللها الوسيم مابيسويلي كذا وكذا وكذا وعاد اقلها كل شي عن زوجي وهي تقللي خلاص

اذكري الله ولاتقولي لاحد باللي زوجك يعملك هوا ياااااااااااارب طيب ايش السواة ساعدوني الله يسعدكم .












انتهت رسالتها وصراحة انقهرت من الناس اللي يتدخلو يااخي اذا هو موعاجبكم هي سعيدة ماللأهلكم صلاح بينهم اعوذبالله وانا انصحها بانها تسيب كلام الناس وتحافظ على زوجها يكفي ان عندها منه 3 الله يخليهم
لهم يارب يللا يابنات تنتظر رأيكم وكالعاااااادة اللي عندها تجريح تطلع من غير مطرود :27:

110 تعليق 9,429 مشاهدة

شاركي في النقاش

سجلي الدخول لإضافة تعليق.

التعليقات

107
  1. @hh_10

    الوسيم مع تقدم السن ممكن تتغير ملامحه


    خليها تحمد ربها لايبلاها بشي لعظم

    وهي اصلا متاثره بكلام الناس

    الله يهديها ويجمله بعينها
  2. @shfaayf_foshyh

    ياقلبي حرام عليك الرجال عازك وحاشمك ومدلعك وش عليك من كلام الناس ماقالو كذا الاغيرانين منك يبون يهدمون حياتك

    والشكل مو كل شيي يااما حلوين مافيهم ذرت رجولهوالحين بعد 3 اطفال ما عاد تتقبلينه عشان كلام عذال خافي ربك فيه

    الشكل مو بيده الله خلقه كذا وحمدي ربك مو مفقوعهى عينه ولا مافيه يد ولا مافيه رجل بجد غريبين الحريم عيشه بعيشه هنيه

    وتجيب النكد لنفسها لاحول ولا قوة الا بالله
  3. @am_trky_2030

    تطنشهم

    هي لها 11 سنه يعني عاشت معاه عمر مو سنه او سنيتن

    وهو طيب ومايبخل عليها بشئ

    خليها تطنش الكلام وتقطه ورى ظهرها وتعيش مع زوجها


    قولي لها تتخيل انها مأخذه واحد وسيم ويجلس يشوف نفسه عليها بكل مكان

    حتى بالسوق بيكون عله

    لان البنات بتكون عيونهم فيه

    وتتخيل بعد ان هذا الوسيم يصبحها بكف ويمسيها بكف

    والا يبخل عليها ويهينها

    ترى الرجل الوسيم يشوف نفسه على زوجته حتى لو كانت حلوه

    ويصيبه الغرور

    الله يسخره لها ويخلي لها عيالها

تابعي تجارب أخرى من هذا القسم.