تجمع المحسنات الظن بالله (خبرات متبادله حول مراكز العقم في مصر )

صباح الخير ياحلوين.مبروك الجزء الجديد ربنا يجعل وشه حلو علينا يارب.
ماما اخبارك ياقمر تسلم ايدك علي فتح الملف والمقدمه الجميله ديه ربنا يرضيكي ويرزقك من حيث لا تحتسبي.
انا بقا يابنات الحمد لله عملت الترجيع امبارح وفي الانتظار وربنا يكرمنا كلنا يارب

بندقة: ربنا يكرمك و يوفقك.
ازيكم يا احلي بنوتات في الدنيا.

ماما الجميلة: بصي يا قمر انا لخبطت في اسم الدواء هوا فيه dentinox و dostinex واحد ليا و التاني للانسة مايا بس انا لخبطت في الاسامي. فيه واحد منهم اللي هوا بتاعي انا كنت اخدته فعلا, علبة فيها قرصين بس مش فاكرة هوا مين في الاسمين وكان الدكتور مديهوني فعلا علشان الهرمون. انا المفروض اخده فعلا بما اني وقفت رضاعة علشان الهرمون مايعلاش تاني و اخده ازاي و لا لازم اكلم الدكتور؟

مبروك التجمع الجديد يا بنانيت
ماما سلمت يداكي يا قمر بس مقلتليش عملتي إيه ورحتي للدكتور حسام ولا لسه؟؟؟

أوكسي ونيفو منورين يا حلوين ويارب ربنا يطمنا عليكم يارب

بندقه ربنا يا حبيبتي يتمملك على خير يا رب إستودعي أجنتك عند الله
والله يكرمك بلاش حركه كتير ومجهود الله يخليكي

توتا يا جميله بصي يا قمر
أنا سألتلك هنا واحده صحبتي على موضوع التلقيح ده وهيه قالتلي إنه عادي جدا وملهوش أي تأثير وإن كل اللي إتقال عليه في مصر ده كلام ملهوش أساس من الصحه وقالتلي إنه هنا الشتاء اللي فات كانوا بيعملو حملات تطعيم في كل حته وكانوا الناس يقفوا عليها طوابير وكانو بيعمللهم توعيه في التلفزيون كمان وهيه نفسها إتطعمت هيها وولادها الإتنين والحمد لله محصلهاش أي حاجه وقالتلي الناس هنا بتخاف على نفسها جدا والأدويه والحاجات ده بيبقى عليها رقابه شديده قوي ولو كان المصل ده له أي أخطار عمرهم ما كانو هيدوه للناس بالشكل ده
والله ده كلامها ليه أنا قلت اقولهولك زي ما سمعته بالظبط
فإنت متقلقيش وإن شاء الله ربنا هيعملك كل خير توكلي إنت بس على الله وسيبيها لله

باقي البنات الحلوات يارب ربنا يسعدكم كلكم يارب ونفرح بيكم دفعه واحده بإذن الله

ماما: ربنا يكرمك واصري علي الكلام مع دكتور حسام.
ام انس و زينب: الف مبروك يا قمرات.
ازيك يا اوكسي.