شاركي في النقاش

سجلي الدخول لإضافة تعليق.

التعليقات

2,134
  1. @ryg_albnfsg

    هلا بنات


    شخباركم ؟ ان شاء الله بخير


    بيت السعيد

    الوالد الحمد الله أحسن من قبل ورجع الدوام
    تملل من قعدت البيت
    والحين طالب تقرير علشان يسافر برع


    أنت شخبارج مع الدوام ؟
    والله يفرح قلبج بالذرية الصالحة يارب
    وان شاء الله كم شهر تجين تبشرينا بحملج حبيبتي


    /
    غيررر

    سبحان الله داخلة بقولج رحت كشخة ههههه
    أخذ اللى فيهم شفون مع الحرير حسيتهم ناااعمين
    فتقريبا نفسج خذت من كشخة ثلاثة ومن بناتين 2 وعندي من قبل ثنين يعني سبعة اعتقد يكفون
    أمي قالت بروح أخذ لج قمصان نوم ناعيم حق النوم اقول لها ماابي باخذ لى بيجامات أحسن لى وقت النوم
    ورحت لايف ستايل حق خذت لى مفرش حق الطاولة وصحن حق الكافي ومزهرية حق الورد
    اخترت اللون البنفسجي القامج وذهبي

    ودخلت دبنهامز عجبني مفرش عندهم بنفسجي وذهبي بس ماخذته قلت بشوف لأن أمي ماكانت معاي قالت بروح كارفور وحبيت أحد يناظرني فية وأختى مب مفتكرة تحوط بروحها


    قلت هالأسبوع أبي اخلص اغراض الصغيرة
    فبروح مذركير والراشدي

    بخصوص الفوط الصحية أنا ارتاح على فام البنفسجي
    أولويز احسها تحرق

    /
    بنت الظهران
    مبرووووك سماع النبض والله يتمم لج على خير حبيبتي

    /
    أم اسمي
    الله يحفظج وترجعين لنا بالسلامة حبيبتي
    ومبشرتنا بحملج طبيعي يارب

    /
    hr5
    عمره مقبولة حبيبتي
    والله يسهل لكم ان شاء الله
    وعقبال كم شهر وتبشرينا بحملج

    /
    واااااو
    الله يتمم لج على خير
    ويطمن قلبج حبيبتي
    ويفرحج بشوفت ضناج

    /
    ضحكت بنتي
    شخبارج ان شاء الله أحسن الحين
    يمكن فيج نقص فيتامينات

    /
    لين
    شخبارج حبيبتي
    ها عرفتي جنس البيبي
    الله يتمم لج على خير ياقلبي

    /
    كود
    الله يفرح قلبج بالحمل السليم الثابت يارب
    والله يعطيج على قد نيتج الطيبة
    ساعدتينا كلنا واعطيتينا أمل
    والله لين الحين اتذكر كلامج لى أول ماحملت
  2. لين 1980
    بنات الصراحة حابة افضض شوي لكم ..........نفسيتي تعبانة وااايد ودائما احس بضيق وصايرة عصبية حدي ومش طايقة كلمة وحدة من زوجي مسكين ودائما اتنرفز عليه مع اني مستغربة من نفسي وانا طبعا عديت الشهر الثالث يعني مرحلة الوحام بس ماادري ليش ؟؟ يصير …
    فديتج و الله ما تقصرين تذكرتيني .. انا سمعت من فترة عن هالمشروع بس بالنسبة لي الجامعية سمعت ان الراتب كلش مب مجدي و انا اشتغل من البيت عندي شغلي الخاص بس ودي في شغل اشوف فيه الناس خاطري اتواصل مع الناس و اسمع السوالف و العقار خخخ . في مكان مواعديني ينادوني و ان شاء الله خير .


    عادي لا تحسن ان شي غريب اصلا الوحام يستمر لاخر الرابع احيانا الخامس و حمل الانابيب يكون فيه اكتئاب اصلا لان وضع الحمل يخوف و بعدين المثبتات و الادوية اللي تاخذينها تاثر عليج انا كنت طول حملي معصبة و مكتئبة و مخنوقة اطلع اقعد على الدجة في الحوش و اصيح بدون سبب و كنت وايد حساسة بس ربي يسرها و الحمد لله عدت على خير . انتي اصبري شوي الامور بتصير احسن و رددي ربي اعوض لك من همزات الشياطين و اعوذ بك ربي و ان يحضرون .. وايد راح يخفف علج .الله يتمم لج يارب على خير .
  3. @ryg_albnfsg

    لين

    تعوذي من ابليس
    حاولى تشعلين سورة البقرة يوميا وان شاء الله بتحسن الأوضاع
    أنا ياتني فترة كل يوم صياح بس بدون مايدري ريلي ضغط جامعة وامتحانات وحمل غير الدم اللى ينزل والمشي اللى كنت امشية في الجامعة
    بس تعرفين شنو غيرت تفكيري
    قلت الله بدى على بهالنعمة ان شاء الله بيتمهها علي وتأكدي من هاي الشئ وحتى وأنتى تدعين ربج
    وخلج كل اجابية ان هالشئ ماصار الا خير لى
    ولاتضايقين على عمرج ولا على ريلج تراهي فترة حلوووه لاتضايقين على عمرج هي كلها تسع شهور
    اظهري غير جووو
    تعشوا في مطعم احجزوا لكم في فندق ولاشاليهات
    اظهري جهزي لبيبي

    روحي سوي تلفزيون واخذي ولدج معاج شوفي شلون ردت فعلة لين يشوف البيبي
  4. بنات رحت الموعد اليوم .. اول ما دخلت العيادات الخارجية صرت جذي :o المكان صاير لوبي فندق .. الصبغ تعتيق و كراسي الانتظار قعدات حلوة كانها فندق و الزرع و الستاير و الكاونتر كله خشب حلو .. و المكان هدوء مافي زحمة حسيت اني في مكان ثاني شي شي صراحة خاطري يكون عندي موعد في العيادات الخارجية .. صج الويوه هي هي ما تغيرت بس المكان شي ثاني صراحة روووووووعة بس دخلت قسم الانابيب رجعت لارض الواقع مساكين ما جاهم القص خخخ للحين مغبرين المهم مافي زحمة دخلت تقريبا على طول اصلا المستشفى كلها مافيها ذيك الزحمة. دخلت على الدكتورة قالتلي ها ما حملتي ؟ قلتلها بعد اللي صار ذاك اليوم كنت تتوقعين احمل ؟ اضحكت :35: ..اكتبتلي المعتاد الابرة التحضيرية بكرة الفوليك اسد اللي عندي منه وايد و نسيت اقولها لا تعطيني و حبوب نزول الدورة قالت ابدأ من يوم ٣٠ لاني قلتلها ان ما اضمن دورتي . عطيتها ورقة تصوير التلفزيون من مريم سلمان و ان رحمي متحرك قالتلي عادي ما يأثر .. قلتها ايش بتسون هالمرة قالت المكان اللي نوصله بنحط الاجنة فيه و خلاص ما راح نهتم بالتصوير .

    و سألتها الاجنة عمر ٣ او ٥ ايام قالت ٣ قلتلها اذا ابيهم يكونون عمر ٥ ايام قبل الارجاع قالتلي ممكن يفكونهم و يخلونهم بس قالت يمكن تخسرين وايد بس وقت الارجاع الفرصة أكبر فقلت باستخير و اشوف زوجي يقول لا تضيعنهم بس انا احس ان اللي راح يروحون اصلا ما يكونون وايد فيهم قوه فخلني اعرف الزين من الشين بره احسن مع ان في آراء تقول ان احيانا الاجنة في بيئتها الطبيعية الرحم تتطور أحسن من المختبر بس بعد للحين مترددة و بشوف لذيك الحزة الله كريم .

    و بس الغريب ان يقولون مافي مواعيد المكان هادي مافيه حد غريبة طبعا انا لان عندي مجمد على طول عطوني موعد من كم يوم بس الفرش اشوف يقطون الناس اربع و خمس شهور.

    و بس هذي قصة اليوم ..
  5. @rod24

    code
    بنات رحت الموعد اليوم .. اول ما دخلت العيادات الخارجية صرت جذي :o المكان صاير لوبي فندق .. الصبغ تعتيق و كراسي الانتظار قعدات حلوة كانها فندق و الزرع و الستاير و الكاونتر كله خشب حلو .. و المكان هدوء مافي زحمة حسيت اني في مكان ثاني شي شي ص…
    شفتي شلون تغيرت العيادات الخارجية سالت الممرضة هل سوو تغيير للغرف فوق قالت لا

    بس حتى الموظفات والاطباء كلهم تغيروا للافضل انا في حملي هذا متابعة معاهم من البداية وما شاء الله وايد مرتاحة حتى التلفزيون بس سويته مرتين برا والباقي عندهم مافيه تاخير كلش بس لازم تجين بالضبط على وقت الموعد وان تاخرتي خلاص يروح عليج عشان هالشكل الكل يدخل على وقته

تابعي تجارب أخرى من هذا القسم.