تجمع المحسنات الظن بالله (خبرات متبادله حول مراكز العقم في مصر )

ريمو

حبيبة فلبى

الحمد لله يا ريمو بابا بقى احسن دلوقتى والجرح بدأ يتحسن ويلم الحمد لله بس لسة مش بيقدر يدوس على رجله بس تعرفى ياريمو احنا بسبب الموضوع ده عرفنا دكتور كويس جدا لعلاج القدم السكرى ياريت بابا كان راح له من الاول اختى عرفت عنه عن طريق النت برضه بس طلع فعلا ممتاز وبابا استريح على العلاج معاه جدا
انا قولت اقول لكم عليه هنا عشان لو بعد الشر فى حد هنا عنده قريب او حد معرفة بيعانى من مرض السكر او القدم السكرية او اى جرح فى القدم يروح له وكشفه مش غالى خالص وبيهتم جدا بالمريض بتاعه
هو اسمه دكتور شريف السيركى وعنده مؤسسة علاجية فى المقطم لو اتصلت على اختى هجيب منها العنوان بالظبط وارقام التليفونات

توتا

انا لسة قارية مشاركتك بتاعة التطعيم اللى اخدتيه

انا بصراحة معنديش فكرة عن الموضوع ده واول مرة اسمع انه بيأثر على الخصوبة وربما ياحبيبتى تبقى اشاعة وتداولت على النت
انتى عشان تتاكدى ياتوتا ياريت تكلمى دكتور عادل او دكتور حسام وتسأليهم بدل ما تتعبى نفسك بالتفكير على الفاضى وان شاء الله مايكونش ليه اى سلبيات خاصة بالموضوع ده او حتى اى حاجة تانى

وان شاء الله يا توت تبقى الجرعة اللى اخدتيها انتى وزوجك مش مؤثرة قوى لدرجة انها تأثر على الخصوبة ولو ليها تأثير يبقى ممكن ليوم ولا اتنين بعد الحقنة وخلاص مش بيستمر فترة طويلة

وادعى ربنا برضه وانتى على عرفات انه يكرمك بالحمل مهما كانت الاسباب ياتوتا وان شاء الله ربنا كرمه اكبر مما نتخيل

نيفو

والله احنا كنا محتاجين دلعك اللى انتى بتدلعيه للمشاركات ده

والصور الحلوة اللى انتى بتحطيها بتبقى معبرة جدا


انابجد كنت عاوزةاساعدك فى موضوع انى اجيبلك المشاركات فى النفترة اللى كنتى تعبانة فيها بس والله معرفتش قعدت ادور شوية لقيت نفسى احوليت

مصرية

ارمى حمولك على ربنا وان شاء الله ربنا يكرمك بالحمل قريب جدا


ماما

الحمد لله ان دكتور حسام استجاب بسرعة كده وانا حاسة ان دى نتيجة الاستخارة بتاعتك

اتوكلى على ربنا وان شاء الله خير


ام اياد

سلامة نفسيتك ياقمر
طمنينى عليكى وعلى البيبى وقوليلى هى نيفو اختارت له اسم ولا لسة
؟

طيب يامامتى طالما انتى استخرتى ورد فعل د حسام جه بالصورة دى يبقى الخيرة فيما اختارة الله ياحبيبتى ..وبصراحة رد د حسام ريحنى جدا وموافقته دى ليها معنى كبير انه مش من النوع اللى معتد بذاته اكتر من اللازم وانه لما بيشوف حاجه محتاجه تتصلح بيصلحها مش بيصر على قناعته وخلاص
وانا كده اطمئنيت عليكى .. واهى المحاولة الجاية هتبقى زى ما احنا عاوزين وكمان هنستفاد بمميزات المعمل اللى فى جنين يعنى جمعنا بين كل احتياجاتنا .. ربنا يتم اللى جاى على خير يارب اللهم آمين وبالتوفيق ياحبيبتى