شاركي في النقاش

سجلي الدخول لإضافة تعليق.

التعليقات

71

  2. @kmr_halkoon

    ابعدي عن كل شي يضيق صدرك واصبري واحتسبي اي شي واشغلي وقتك بالاستغفار والدعاء بالشفاء

    وكل يوم اقري على نفسك وانفثي وخليك على وضوء على طول وسوي تخفيف اكل يعني

    لاتاكلين زيوت لاتشربين بيبسي او اي شي غازي لاتشربين شاهي كثير كثري مويه

    انا مثلك بالقولون بس لاجاني احرم نفسي اسبوع احاول بقد مااقدر مااقرب اللي قلت لك والحمدلله يروح ويرجع طبعا لاعصبت

    بس احاول اجاهد نفسي اني مااعصب او اتنرفز من اي شي واخذ الامور ببساطه واعيش اللحظه بقد مااقدر

    اسعدي نفسك وتحملو الالم واحستبوه عند الله اجر ولاتكثرون المستشفيات صدقوني احسن لك

    وانتي احسك موسوسه بعد جاهدي نفسك وادعي الله سبحانه وتعالى انه ياجرك على كل الم او اي شي يصيرلك
    بس انتي تذكري كيف الرسول صلى الله عليه وسلم يتحمل الضرب والتعب والجروح والسحر وصبر واحتسب
    يعني حنا ماراح نصبر واقتنعي ان الانسان في كبد ومذكور بالقران الكريم

    يعني بعد هالاشياء ابضيق صدري ليش وتذكري من هم اكثر منك الم وامراض وقولي الحمدلله انا مرتاحه وكلها الام بالبطن والحلق
    اجل لو اكبر

    صدقيني جت اوقات علي اكثر منك :44::44:والحمدلله على كل حال عسا يكتب ربي عنده اجر لنا ويكفر سياتنا فيها

  4. @odaaany_2009

    **تالا**..~
    اااااااااهـــــ يارب اعاني من بعض الاشياء الله يشفيناا
    طيب وبعدين ...كل شي سويتيه وطلع سليم..معليش بكون معك قاسية لأني أعتبرك أخت لي في الله وأللي يصيبك يصيبني ولو ما أحب لك الخير ما قسيت..
    ليش عافسه حياتك بالوسواس؟؟؟ فيه ناس يتمنون يمشون مثلك وناس يتمنون يتكلمون مثلك وناس تتمنى تتنفس مثلك..أشكري ربك وأحمديه وأدفعي وسواسك بالحمد والشكر"وأما بنعمة ربك فحدث"
    خايفه من الموت؟؟
    الموت يجي للصحيح ويجي للمريض..الكبير والصغير..مايفرق ولايميز إذا جت ساعته نفذ أمر ربه..
    خايفه من الأمراض و السرطانات؟؟
    أبوي كان مريض قلب وفي أي وقت نتوقع يجي خبره وأمي أللي قايمه به وفوتت حجها خايفه عليه ..قمنا الصباح ولقيناها ميته وأبوي عاش بعدها عشر سنوات وسوى فيها عمليتين للقلب خطيره وتشافى ومات بسرطان في البطن يعني صدره شقوه مرتين وعاش عشر سنين ومات من مرض ثاني ماأمهله شهور.."الله يرزقهم فردوسه الأعلى من الجنه ووالديهم"
    خايفه على عيالك يتيتمون؟؟
    ربك مايخلق أحد ويضيعه ويارب مايتكلهم علينا..كم من يتيم عاش أفضل ممن تربى وكبر تحت نظر والديه..
    وش أللي يخليك توسوسين وتدمرين حياتك مافيه شي يستاهل ..أتركي الهم وعيشي حياتك ..كثرة الأحزان تحدث العلل
    موفقة..

تابعي تجارب أخرى من هذا القسم.