تزوجت صغيره
واول من تزوج بالعائله انا
اجهل اشياء كثييييره
وع بالي زوجي هو المرسى الاخير لحياتي
تعرضت لازمات
ومشاكل
وصرت اشتكي لكل واحد اشوفه
سوا بي وسوا بي
وانا اللي مضحيه ومسويه
لـــــكن للاسف
مالقيت العز من الناس
لان الشكوى لغير الله مذله
وصرت اتخبط بكل اراء الناس
مره اقول فلانه صادقه
ومره اقول لا راي المنتدى اصدق
ورجعت مثل مابديت

بعد ماحسيت ان الناس تنضرلي نضرة الشفقه
والكل صار يتدخل بأدق تفاصيل حياتي
تعلمت درس
وأخذت عهد ع نفسي
ماعاد اتكلم عند الناس بمشاكلي
ولا انشرها بالمنتديات
اكتفيت بواحد من اخواني
وغصب عني
لاني اذا شفته او سمعت صوته
وانا بهم او ضيقه
غصب عني تفضحني دموعي

وقلت زوجي له نصيب من اسراري
دارت بي الايام
وللاسف اللي كنت احسبه
صديق
وامين ع اسراري
صار يعايرني بمشاكلي مع اللي تهاوشت معهم
زوجي اقصد اللي كان زوجي
الان طليقي وبكل فخر
للاسف خليتني اكره كل جنسك
ولكن اصابع يديني مو سوا
جلست بيني وبين نفسي
وبوحده قاتله
وضيق رهيب
وبهموم ضاقت علي واحكمت حلقاته

قلت الناس صدق خففو علي بكلامهم
وعطوني استشارات يمكن استفدت منها
لكن ماحلو مشاكلي
ولا حسسوني بالراحه النفسيه
بالعكس صرت وين ماروح معروفه عند ماهب ودب ادق تفاصيل حياتي
طيب ليه
فيه شي انا غافله عنه
وماسويته
اللي هو

ومن بعد قيام الليل والدعااااء
حياتي تغيرت
اذكاري خلتني ارضى بالمقسوم لي
وماأشتكي لاحد
خلتني اشوف الاشياء الحلوه بحياتي
والاستغفار فرج همي
وعلمني ان مع العسر يسر
وفرجت حلقاتها وكنتت اضن انها لاتفرج
لما يصير لي اي شي
اعرف ان ربي مجيب الدعاء
وان الله يعلم سري وعلانيتي
وسوف يعطيني مطلبي
اصبحت قنوعه
واعرف ان كل شي مكتوب
وماتتخيلو انشراح صدري في اكبر مشاكلي
ماأعضمك ربي
ماأصبرك على عبادك
وماأرحمك ياالله
ولكني لا أخفيكم
ان اخي مازال الشخص الذي لاأستطيع اخفاء دموعي عنه