تجمع المحسنات الظن بالله (خبرات متبادله حول مراكز العقم في مصر )

الف الف سلامة علي زوجك يا توت .. الاعراض الجانبيه للحقن بتختلف من شخص للتانى فا يمكن هو الاعراض جايه معاه كده .. ربنا يشفيه وان شاء الله يومين بالكتير وهيبقى زى الفل خليكى معاه وربنا يابنتى يكتب لكوا الخير وتسافرى تحجى وترجعى مجبورة من هناك ياجميلة ..
وبالنسبه للحجامه مش مشكله لما زوجك يشد حيله ابقى روحى اعمليها وياريت لو تقنعى ماما بيها هى كمان وتروحوا سوا تعملوها يابناتيت

اولا مش عارفه اشكرك ازاى يابوبا والله بجد ربنا يكرمك انا هشوف الدكتور ده بأمر الله لاحسن ماما رجليها تعبت على الاخر وانا خايفه عليها علشان بدأت حاجات تحصل كده مخليانى خايفه عليها موووووت

ثانيا .. بالنسبه لموضوع الولادة ..
طبعا الاسعار مبالغ فيها الى حد كبييييييييييييير جدا ويبقى اسراف لو ولدتى ودفعتى كل الفلوس دى يابنتى ..
بصى الاقتراح الاول ..
انك طبعا قبل الولاده تنزلى فى اخر الشهر الثامن مصر وتولدى هنا وتبقى وفرتى على نفسك عناء الولادة بدون بنج وتحت ايد ممرضات الله اعلم بيهم كويسين ولا لا وهيراعوا انك تعبتى فى الحمل ده ولا لا .. يعنى الكلام اللى حكيتيه يخلينى اعمل حساب اللحظة دى الف مليون مرة مش علشان الالم وبس لا علشان البيبى نفسه وعلشان احافظ عليه ده غالى اوى ..
وكمان تبقى وفرتى تكلفه انك تجيبى ماما قبل ولادتك ووفرتى تكلفه الولاده نفسها عندك وكمان ولدتى وسط اخواتك وحبايبك وده هيبقى افضل فى حاله طبعا ظروف شغل زوجك تسمح .. انتى طبعا هتاخدى اجازة من اخر الثامن اكيد فا المشكله هتبقى فى ظروف جوزو ياريت لو تترتب كده هتكون فرحه اهلك بيكى احلى وليها طعم اجمل وكمان علشان بابا يفرح بيكى وبالنونو اول ما يتولد ده اول نونو ليكى يابوبا وفرحته بتكون كبيرة اوى ..
الاقتراح الثانى ..
لو هتولدى عندك يبقى تشوفى الحكومى طالما مستواه كويس وتولدى يابنت الحلال فيه قيصرى مش طبيعى .. اولا هتتجبنى مشاكل كتير بتحصل فى وقت الولادة الطبيعى لان هتكون الدنيا منظمة اكتر ومترتبه وخاليه من عوامل الخطر بإذن الله طبعا يعنى عامله كل الاحتياطات مش سايبه حاجه للظروف ولا المفاجآت واللى ممكن تحصل وتلاقى الاهتمام مش قوى ولا الدكتور متأخر ولا الكلام ده ..
وطالما التكلفه مش اوى للقيصرى فى الحكومى يبقى خليكى فى المضمون وده تحسبا للظروف ..مش محتاجة افكرك حملك عزيز يابوبا مينفعش تعرضى نفسك لكل القلق ده اللى حكيتى عنه انا بطنى وجعتنى يابنتى عليكى من مجرد كلامك اومال الحقيقه تبقى ايه ..

وفى الاخر هقوللك كلمة فى ودنك بس .. لو نزولك مصر علشان تولدى مش فى الامكان
ولو انتى تقدرى تولدى مع دكتورك فى الخاص يابوبا عندك وتدفعى التكلفه الباهظة دى ..
اوعىىىىىىىىى اوعىىىىىىىىى تترددى يابوبا والله انا بقوللك نصيحه من قلبى لو كنت مكانك كنت هعملها وفعلا عملتها ..عارفه ساعتها التكلفه اللى هتدفعيها مش هتندمى عليها لما تشوفى البيبى بتاعك قصادك سليم معافى بأمر الله .. لكن لو لاقدر الله لا قدر الله حصل اى مشكله فى ولادتك فى اى مكان تانى هتقولى لنفسك ياريتنى دفعت كل ما املك علشان افدى ابنى وحملى اللى عملت علشانه كتير واللى مصدقت ربنا كرمنى بيه .. الفلوس هتروح وهتيجى يابوبا الف مرة لو معاكى اوعى اوعى تستخسرى ابدا ابدا قصاد حياتك وحياة البيبى بتاعك ولا تقولى الفلوس ممكن اديها لحد محتاجها لا بصى لنفسك الاول وقبل اى حد هتلاقى نفسك محتاجها اكتر من اى حد وابنك محتاجها اكتر منك كمان علشان تخليه ييجى بامان ..
بس الكلام ده فى حالة ان وضع المستشفى الخاص تمااااام وعملياتها كويسه ومجهزة وده تعرفيه من دكتورك كويس يابوبا ولو طلعت الخاص مش تمام وزى ما بتقولى احيانا بيحولوا الحالات على الحكومى يبقى خليكى فى الخيار التانى وهو الحل الوسط بين كل الهيصه دى
انا عرضت لك كل الخيارات المتاحه انتى استخيرى كويس وربنا يكرمك باللى فيه الخير ويهديكى للصواب

اه بالنسبه لحقنة الظهر انا قرات عنها كتير واتناقشت مع دكتورتى وقالت لى انها كويسه جدا وبتساعد ف الولاده الطبيعى علشان الواحده بتيجى فى الاخر وتجيب جاز بعد الطلق وكنت ناويه عليها فعلا علشان كده روحت المستشفى فى اخر لحظة لانها بتتاخد وقت الولادة بس ربنا ما ارادش انى اخدها ولا اراد انى اولد طبيعى بالرغم ان الامور كانت تمام وفضلت يومين فى الطلق بس انتى عارفه المفاجأت بقه ربنا ما يكتبها عليكى ابدا ..
بالنسبه للقيصرى ولا الطبيعى انى افضل .. ده متروك للشهر الثامن وضع البيبى ومقاييس الحوض هتتاخد طول الثامن وهى اللى هتحدد وهتعرفى ساعتها من الدكتور ان كان عندك استعداد للطبيعى ولا القيصرى يعنى دى مش هتقدرى تحدديها من دلوقتى سيبيها لساعتها نشوف راى الدكتور ايه .. لو قاللك طبيعى او قيصرى استخيرى على اى خيار فيهم
وسبحان الله لما سالتك على العصفورة كنت عايزة اقوللك ساعتها انك تبدأى من الشهر الجاى بالكتير تخلصى احتياجاتك كلها علشان تفوقى لموضوع الولادة وعلشان كمان فى الشهر الثامن هتحسى بتقل هيخليكى تتعبى مع اى مشوار فا ياريت تلملمى كل طلباتك كده فى الخفيف الفترة الجاية دى ده احسن وافضل ليكى كتيييييييييييير

وبا يا قمر: اول ما اروح الشغل النهاردة حعملهولك ان شاء الله.
ماما: تقدري نقوليلي الكلام ده ترجمته ايه؟ لاني مهندسة فمش بفهم في المصطلحات الطبية اوي
multiple schmorl's nodes of the vertebral end-plates انا اللي فهمته ان فيه عقد شمورل في نهاية العمود الفقري, صح؟؟