تجمع المحسنات الظن بالله (خبرات متبادله حول مراكز العقم في مصر )

صباح الحير يا نيفو

نيفو حمدالله على سلامتك يا قمر
ومتزعليش على البيضتين المسخسخسين يتوعك
إن شاء الله ربنا يبدلك عنهم بثلاله كلابيظ كده ويملو عين السونار بإذن الله
والله إنت شربات خالص ربنا يباركلك يارب

بوبا بصي بقى يا ستوته أنا هجيبلك من الآخر
أخر حاجه تفكري فيها في الولاده موضوع الماديات ماشي
بعد كده
أولا:لو عايزه تولدي في الحكومه ماشي بس بشرط يكون ليكي واسطه فيها يعني لو تعرفي دكتور أو ممرضه لو ليكي واسطه هتدلعي آخر دلع وتتعاملي معامله خمس نجوم وأحسن من الخاص كمان أما لو ملكيش واسطه يبقى تنسي موضوع الحكومه ده خالص وسيبك من كل اللي بيتقال إحنا وضعنا مختلف فاهماني
ثانيا : مستشفى السلام فوق الممتازه والإمكانيات فيها ممتازه هيه صحيح غاليه بس أرؤر يستاهل وإنت الحمد لله ربنا رزقك بالحمل طبيعي يبقى اللي كنا هنصرفه في العمليات علشان نجيب أرؤر نصرفه على ولادته في مكان نطمن عليه فيه
أنا بقولك كده ليه
أنا كنت في نفس وضعك بالظبط
وصعب عليه المبلغ بتاع الولاده وقررت أدور على واسطه علشان أولد في الحكومه وصليت غستخاره ولله الحمد إتقفلت في وشي من كل ناحيه
وولدت في السلام وشوفي بقى اللي حصل جنة إتولدت ضعيفه ودخلت الحضانه بس بصراحه هما بعد ربنا طبعا كان ليهم الفضل في إن البنت ده عاشت كانت بتحصل على رعايه ممتازه ومخرجوهاش غير لما إطمنوا عليها كويس
طبعا مخبيش عليكي مصارف الحضانه نار نار وزوجي فكر ساعتها ننقلها في حضانه في مستشفى حكومي وجاب واسطه فعلا وانا قلقت قوي وصليت إستخاره ساعتها ولما جينا ننقلها قالولنا غن الحكومه الحضانات كومبليت وإن ملهاش مكان فقلت يا سبحان الله أمال لو كنت ولدت هناك كانو هيعملو إيه ولا كنت هبقى أنا في مستشفى وبنتي في مستشفى تانيه
فالحمد لله صحيح دفعنا مبلغ وهمي في الولاده والحضانه بس بصراحه يستاهلو أنا حصلت على رعايه ممتازه جداااااااا وبنتي كانت معايا في نفس المستشفى كل ما أحب أنزلها بنزل وكل شويه أجيب دكاتره الأطفال وأقعد اعرف حالتها وهكذا وكمان بنتي حصلت على رعايه فوق الممتازه وربنا جعلهم سبب في حياتها
فنصيحه مني يا بنتي زي ما قلتلك خلى الفلوس آخر حاجه تفكري فيها ماشي
وبرده صلي إستخاره كتييييييييييييييييير
وأي إستفسار نحن في الخدمه يا جميل