وش الي صاير بالدراسه وكتب الدراسه (( الي عندها عيال يدرسون تدخل )) والي تبي تدخل حياه

متابعة النقاش، صفحة 10

شاركي في النقاش

سجلي الدخول لإضافة تعليق.

التعليقات

168
  1. @aafaf_mhmd

    صراحه كل شي يهون عندي الا وزن الكتب وربي بنتي تجر فيها مو قادره عليها

    هذا اللي كاسر خاطري والله

    المنهج صح صعب وانا وش كبري متنحه فما بالكم بالصغار هههههههه بس ماعليش خليهم يتعلمون

    والنت موجود وقوقل ياحبيله مايقصر سهل علينا المهمه
  2. @aathaaby

    صاحبة الموضوع
    من الي قال موب طالبين دفاتر ال والله طالبين من ولدي دفاتر غير الكتب
    ماقول الي الله يعينهم بس
    ليت اذ تعبو في الدراسه انهم يلاقون وظايف في لاخير موب تعب وفي لاخير مافيه شي ابد
    الي نسبهم 95 مادخلو الله يعين بس
  3. حبيباتي المشكلة مو في المناهج ...خلاص اعتمدوها وانتهينا .....

    المشكلة في الرسائل السلبية اللي قاعدين توصلونها للعيال بأنها صعبة ومو قد سنهم ومن هالكلام يخلي الطالب خلاص يقفل مخة ويتوقع انه مستحيل فهم المادة
    والعكس صحيح ...انا ولدي بأول متوسط جلست امدح في الكتب وانها سلسة ومعلوماتها حلوة ومطورة ..واقول له اقراء واطلع على الكتاب كأنك شاريه من المكتبه مو منهج ملزم فيه لأن فيها معلومات حلوة ومعروضة بطريقة مطورة ...

    بس انتقادي هو كنت اتمنى نعتمد التعليم الالكتروني ويصير الطالب بس شايل لاب توبه ومناهجة بسيدهات مو هالشنط اللي كأن الواحد جندي كوماندوز

    والسلبية الثانية كان المفروض قبل اعتماد المناهج يتم اعداد المعلمين والمعلمات اعداد جديد ويكثروا عددهم يرحمونهم من الضغط اللي هم فيه واللي يخلهم يفشون خلقهم في الطلاب

    كتيت بالأخضر عشان تتفألون ...خخخخخ

    والتجليد خلوهم يجلدون كتبهم بنفسهم ...
  4. @bnt_tbok2009

    حبيبتي كاتبة الموضوع وحبيباتي عضوات حواء

    اول شي كل عام وانتم وعيالكم بخير يااارب وعسى كل عام ان شاء الله تجلدون لهم كتبهم ودفاترهم بعد

    والله المنهج مو صعب بالعكس حلو وتغيير عن مناهج السنوات الماضية القديمة اللي تعل القلب بلونها الازرق

    بس المشكلة باللي يدرسوون وطريقة توصيلهم للمعلوومة هل هي صعبة او سهله

    المناهج خلاص وتعممت والدروس وبدينا نعطيها وطفلك او طفلتك مجبورين يذاكروون لذا انتم حاولوا قد ما تقدرون لا تسبون

    المناهج قدامهم وتكبرون السالفة وتعبوون عليهم الموضوع

    انا لي 12 سنة ادرس رياضيات صفوف اولية والسنة هذي سلموني علوم مطور اول وثاني وشوفوا الصعوبة اللي اواجهها من

    كتابة ارقام واعداد تغير وصار شرح وعطاء وكتابه وكتابه ومعلومات

    بس حاولت جاهدة قد ما اقدر اني ابذل جهدي واقلل الصعوبات اللي واجهتني في بداية الامر ومديرة مدرستي ما قصرت الله

    يحفظها ويطول بعمرها وكذلك مشرفتي مشرفة العلوم الاستاذة فوزية زارتني اليوم وغيرت نظرتي للعلوم ومن كره صرت احب

    وبديت افكر وابتكر


    العلوم كله دش ودش بس انتي حاولي قبله بيوم انك تراجعين لابنك الدرس السابق واعطيه نبذة مبسطة عن الدرس الجديد

    ما اقول اجباري لا بس نبذة بحيث يوم المعلم او المعلمة تشرح يكون الطالب عنده خلفية عن الموضوع وتخيلي ابتسامة الطفله

    لما ترفع اصبعها وتجاوب ع الدرس الجديد !!

    انا فكرت اني الخص لهم المهم واضعه في بداية كل درس الشيء المهم اللي تحفظه الطالبة يكون موجود باول صفحة

    وكتاب النشاط ليست المعلمة مجبرة انها تحل كل اسئلته

    والدفاتر في الصفوف الاولية ليست مطلوبة خصوصا صف اول ابتدائي ورابع حددوا لنا بتعميم عدد الدفاتر وعدد صفحات كل دفتر

    لذا تفائلوا يا امهاااااات واستعينوا بالله وادعوا ان الله يكتب مافيه الخير

    واللي ما سلموا بنتها جدول الحصص لا تسكتين عن مدرستها مو من حقهم ان الطالبة تشيل شنطتها كلها وتجلس تجرها معاها

    لازم جدول للحصص ومن اول يوم

    تم تسليم طالباتنا الجدول مع مواعيد الحضور والانصراف في اول يوم وما تعبت معنا الطالبة ولا حتى اهلها

    اي استفسار عن الصفوف الاولية انا تحت امركم

    ولدي سنه خامس الله يحفظه وعندي كتاب المعلم للصفين رابع وخامس اللي يواجهها سؤال صعب تبحث بقوقل او ترسل لي

    مسج انا تحت امركم فقط دعواتكم ان يكفيني الله شر من اراد بي وباهلي وباولادي وبيتي شر وان يرد كيدهم في نحرهم ويجعل

    تدبيرهم تدميراً لهم وينصرني عليهم عاجلاً غير آجلاً

    عام دراسي سعيد تفائلووووووووووووووووا :)

تابعي تجارب أخرى من هذا القسم.