اخيرا وافق ابوي استقدم خياطة تكفون همتكم ..

اول شي استخيري ثم اعزمي
على ذلك لان برايي فكره ممتازه
الا انه تطلع للناس ترى مشكله وصعبه جدا جدا جدا
لانه مو بالساهل المراه تطلع الدنيا صح بخير لكن اهل الشر موجودين
يعني خليها في البيت عندك وحطي اعلانات بكل مكان على وصف البيت
وعلى الخدمات اللي عندك انما تطلع اختي اصعب من صعبه وانا احذرك من العواقب لانها مهما كان ولو كانت المراه امينه
وثقه وكبيره مثلا مهما كان هي مراه ولازم تخافين عليها
وهي بذمتك

واعرف لك خياطه ممتازه لكن كوفيره بنفس الوقت لا
هي عندها خبره بسيطه جدا بالتسريحات مدري عن اكثر من انها خياطه وبس
لوتبين رقمها بعطيك على الخاص

والله يوفقك دنيا واخره

هلا يا حبيبتي احبك الله الذي احببتينا فيها ..
يكفيني مرورك يالغالية .. والظاهر حتى انا بتصير هالفكرة فكرة وتمر بيوم من الايام مثلك :(

شكرا لمرورك

يا عمري يا منى تسلمين يارب .. بس انت خوفتيني من ناحية انها ما تطلع ..
طيب انا واهلي الي بنوصلها .. لأن بيتنا ما يأهل ان الناس يجونه لأنه صغير مرة وبعدين ما عندنا مكان مفصول للزباين ..
والاهم من هذا كله اني ما ابغى اقاربنا يعرفوا بالموضوع على الاقل الايام الاولى لأنهم حسودين وملاقيف بيحوسون الدنيا علينا

ارسلي رقم هذي الخياطة بس ما ادري قصدك اخذها ولا كيف ما فهمت ..
هل تعرف للماكياج .. ؟؟

الله يوفقك اختي منى ويسعدك وينولك الي ببالك

مرحبا اختي

انا كان عندي خياطه في البيت لكن الظروف حالت اني اسفرهاا

وعندي ماكينه خياطه ممتازه جدا تطرز وتخيط ومااستهلكت كثير


وموجوده في المخزن ابيعها لك ب 3000 ريال اذا انتي جازمه ممكن نتفاصل على السعر


لان الماكين غاليه مرره وانا والله للامانه شريتها بسعر اكثر من 300 تقريبا 400 وشوي

بس حرام متروكه في البيت ولا احد يستخدمها


والله يوفقك

اهلا غداف حياك الله حبيبتي
ياليت تحكي لي عن تجربتك وهل كانت مربحة وكم كنت تعطي الخياطة وكل شيء من إلى تكفين احكي لي لأني احس اني تحطمت محد مشجعني بالمرة ..
ويا ترى ليش ما كملتي مشروعك
بالنسبة للماكينة هي اش اسمها وش نوعها ترى ما افهم بهالاشياء انا قلت لما اجيب الخياطة او تقرب تجي اكون اجهز هالاشياء ياليت تنصحيني بكل الي مريتي فيه .. والف شكر لك اذا فيه صورة للماكينة حطيها يالغلا اذا ما عليك امر