شاركي في النقاش

سجلي الدخول لإضافة تعليق.

التعليقات

2,084

  1. @rmal_8

    أم اياد 2009
    اكييييد البنات كلها حتكلمك بس حيقولولك كلام حلووووو وحيشكروكى كمان لانك وجهتيهم لحاجة ممكن يكون بعضهم مش واخدين بالهم منها وربنا يقدرك على فعل الخير ويباركلك فانوسي
    ربنا يكرمك يااودى وكفاية كلام حلو بقه لاحسن هتغر فى نفسى
    بصى انا هرد على سؤالك بخصوص المتابعه بتاعه الحمل
    بصى فى اول فتره فى الحمل الدكاترة بيخلوا المتابعه بعد شهر علشان يكون البيبى كبر شويه
    بعد كده الدكاترة بتنقسم بقه
    منهم بيتابع كل شهر ويستمر كده لحد ما الشهر التامن ييجى وتبقى المتابعه كل اسبوعين ثم كل اسبوع فى التاسع ثم كل كام يوم على حسب الاتفاق معاه
    منهم اللى بيتابع كل اسبوعين طول الحمل لحد التاسع بيكون كل اسبوع (وانا كنت بتابع بالنظام ده وكان مريح جدا كنت بطمن على البيبى كل اسبوعين الحمدلله)
    وبصى لما تيجى تدفعى الفلوس بتاعه المتابعه مع دكتورتك اسألى لو فى نظام باكيدج .. يعنى بدل ما تدفعى كل مرة شوفى لو فى نظام يخليكى تدفعى فلوس المتابعه مقدما يكون افضل ومخفض اكتر علشان هتدفعى كاش وانا فعلا عملت ده وكنت بتابع مع دكتورتى فى المستشفى اللى ولدت فيها والحمدلله مش فى عيادتها
    فا انتى اسألى المرة الجايه على النظام ده كله وشوفى الدكتورة ايه نظامها وبتتابع ازاى

  2. رمـــــال
    ههههههههه .. مش عايزة اى مساعدة ياقمر .. كان الله فى عونك بس بجد هتنظفى وانتى مبسوطة بالمجى بتاع زوجك وبلاش تسأليه تانى الراجل كده ممكن يزهق ويغير رأية على ايه يابنت الحلال احنا ما صدقنا .. المهم ظبطى نفسك كويس واعملى الشقه تمام علشان ييج…
    ريمو

    تسلميلى يا قمر ربنا المستعان ربنا يهونها علينا يا رب انتى عارفة يا ريمو توضيب الشقة ده كل سنة هى ديه الحاجة الوحيدة اللى بتحسسنى انى عروسة ههههههههه:35: و الله لانى بعمل كل حاجة من اول و جديد فى الشقة زى العروسة تنظيف و ترتيب الشقة من الابرة لحلل المحشى هههههههه انا عاوزة اغاثة :06:
    انت فهمتينى غلط انا كنت هنشط لانى على حسب حسابتى العبيطة كنت فاكرة انه هيكون هنا وقت الاباضة قلت فى عقل بالى شهر يا بي اوعى يروح منك هههههههه:time:

  3. @ordh_algory

    ....

    إن الله سبحانه قد امتدح الخاشعين في مواضع كثيرة من كتابه
    فقال: ( قَدْ أَفْلَحَ الْمُؤْمِنُونَ (1) الَّذِينَ هُمْ فِي صَلَاتِهِمْ خَاشِعُونَ ) [المؤمنون:2،1].
    وقال: ( وَإِنَّهَا لَكَبِيرَةٌ إِلاَّ عَلَى الْخَاشِعِينَ ) [البقرة:45].
    وقال: ( خَاشِعِينَ لِلّهِ لاَ يَشْتَرُونَ بِآيَاتِ اللّهِ ثَمَناً قَلِيلاً ) [آل عمران:199]
    وقال: (وَيَدْعُونَنَا رَغَباً وَرَهَباً وَكَانُوا لَنَا خَاشِعِينَ ) [الأنبياء:90]
    وقال: (وَيَخِرُّونَ لِلأَذْقَانِ يَبْكُونَ وَيَزِيدُهُمْ خُشُوعاً ) [الإسراء:109].

    لهمم عاليه
    هديه غاليه
    ^
    .
    ζζ’’ دليلكِ لصلاة خاشعة ’’ζζ ‏

  4. @rmal_8

    nadanodo
    ريمو تسلميلى يا قمر ربنا المستعان ربنا يهونها علينا يا رب انتى عارفة يا ريمو توضيب الشقة ده كل سنة هى ديه الحاجة الوحيدة اللى بتحسسنى انى عروسة ههههههههه:35: و الله لانى بعمل كل حاجة من اول و جديد فى الشقة زى العروسة تنظيف و ترتيب الشقة م…
    ياحبيبتى ربنا يكرمك والله فى التوضيب ياريتنى اقدر اساعدك معلش خدى اى بنت من اللى بينظفوا معاكى طيب ولو ينفع مرات البواب لو عندك او لو عند مام فى العمارة بواب شوفى بنته ولا مراته تساعدك ربنا يعينك ياقمر

  5. @am_ayad_2009

    رمـــــال
    ربنا يكرمك يااودى وكفاية كلام حلو بقه لاحسن هتغر فى نفسى بصى انا هرد على سؤالك بخصوص المتابعه بتاعه الحمل بصى فى اول فتره فى الحمل الدكاترة بيخلوا المتابعه بعد شهر علشان يكون البيبى كبر شويه بعد كده الدكاترة بتنقسم بقه منهم بيتابع كل ش…
    اتغري يا ريمو براحتك
    دا انا مهما قلت عنك عمري محوفيكى حقك
    وعمري ما حنساه وقفتك جنبي فكل وقت
    وقفت اخت لاختها بجد
    ربنا يخلكى ليا ومحرمنيش منك ابدا ابدا
    وبالنسبة للمتابعة
    انا اخر مرة روحت كان يوم 15/9
    كنت قربت اخلص الشهر التانى
    والدكتورة لقيت الوضع الحمد لله مطمئن فقالتلى اروحلها بعد شهر وكل اللى اسألوه يقولى اة المتابعة كل شهر
    بس مخبيش عليكي انا دايما قلقانه وخايفة ونفسي اطمن على البيبي لدرجة ان جوزي بيقولى هو مينفعش الدكتورة تدينى جهاز السونار وكل شوية نشوف البيبي
    اصل جوزى بقي بيحب قوى زيارة الدكتورة وبيبقي مستمتع بالسونار
    طبعا بعد ماكان بينشف ريقي عشان يجي معايا اتابع التبويض
    دلوقتى بقي عايزينى كل يومين اروح اعمل سونار
    فعشان كدة بفكر مستناش الشهر وارحلها الاسبوع الجاى
    وبالنسبة لنظام الباكيدج مش عارفة دا موجود عندهم ولا لا
    اصل دى دكتورة فمستشفى مش فعيادة
    اصل انا اعرف ان النظام ده بيبقي موجود فبعض عيادات الدكاترة
    بس على العموم ان شاء الله المرة الجاية ابقي اسألها

تابعي تجارب أخرى من هذا القسم.