الخبيرات في تسعيرات الستاير .. وكمان انتريهات المداخل >> يامرحبن بكن

حبيباتي حوائيات >> ام القردنة



لا والله اني احبكم ودايما اني مدقرة في هالمنتدى >>> مستفيدة حرتي طبعا


نزلت موضوع قبل كم يوم كنت محتاجة مساعدة من بنات جدة عشان يدلوني على محلات الاثاث


والحمدلله .. استفدت من الردود


جزاكم الله كل خير


الحين بكمل الشحتة >> اعطيتوها وجه


حبيباتي محتاجة احط ميزانية للستاير تبعت الشقة

ميزانية بالمتوسط يعني


وعندي واجهة شبابيك


زي هذه تقريبا .. بس مو ابواب .. لا شبابيك






وابغى افصلها .. او اشتريلها جاهزة ستارة مع كرسيين وطاولة صغيرة

زي الي في الصورة مثلا






شايفين كيف الستارة والكرسي طقم


هذا الي ابغى اوصله


فين ممكن الاقي في جدة هذه الحركة


انا رحت هذا الاسبوع محمود سعيد وجننوني الاتراك هناك .. المحل الي دخلته لقيت عنده هذه الاطقم وبصراحة ماسألته عن السعر لاني لما سألته عن الستارة وحدها بس لقيتها ب 1400

وهي بصراحة جاية في طقم رهيب .. بكراسيها وخداديات وطاوله بمفرشها .. بس ياترى كم حتطلع عليا كلها >>> الاخت شردت قبل لاتسأل عن سعر الطقم كامل





الخلاصة >> فين ممكن القي كراسي مداخل ( انتريهات صغار ) مع طربيزة صغيرة بجدة .. واتمنى تعطوني فكرة عن السعر


والستاير .. مين تنصحني بمكان معين اروحله افصل عنده .. عندي ستاير شقة كاملة
.. وعارفة ان كل حي في جدة تقريبا فيه محلات .. بس مو كلهم بنفس الجودة واو يعطو سعر معقول
الي مرت بنفس التجربة ياليت تفيدني وتدلني على محل معين اروحله >>> تعبت من اللفلفة

6 تعليق 1,911 مشاهدة

شاركي في النقاش

سجلي الدخول لإضافة تعليق.

التعليقات

6
  1. @shaaol_bnt_aboha

    انا م من جده بس السي اعرفه ان سوق الصواريخ اسعاره حلوه ولفيت عليه جنان (لكن ماجربته)


    وفي نضري الي عند المحل الفخم عند المحل العادي فقط يرتفع
    السعر لارتفاع الاجار (انحن مكلوفين بهالمحلات ندفع اجارهم )


    والله غرفتي شاؤيتها من حراج ابن قاسم ب 1500 جلست عندي 3 سنوات زي الفل ابد ماتغيرت ولاتتفخ خشبها رغم اني اغسلها كل اسبوع واحيانا ما اكمل اسبوع واغسل ما عرف امسح ابدا



    وبعدها مليت منها وغيرتها بغرفه ب 5000 اول مره اغسلها تتفخت

تابعي تجارب أخرى من هذا القسم.