ارجوكم ساعدوني بنت في المدرسة رفعت ضغطي

السلاام عليكم

الله يعافيكم يامشرفات طلب لاتحذفونها لاني ابغى مساعدة لان فيه بنت رافعة ضغطي وهالقسم يدخلونه كثير


بنت بالمرحلة المتوسطة لنا دخلت استاذنت تطلع تشتري مويه والمديرة طالبة مانطلع احد

المهم رفضت

قالت عطشانة قلت مافيه خروج

وبديت اشرح ولما شرحت وخلصت بديت اراجع لهم الدرس


وطلبت من جميع الطالبات ذكر مثال على الدرس والجميع اجابوا الا هي

واقفة ولا تكلمت ولا بكلمة ووضحت لها الاجابة بقووة عل ان باقي الطالبات ماوضحت وجاوبوا صح بسرعه الا هي

وقلت هاه تجاوبي صح والا اعطيك عقاب وانا باصمة انها تعرف الاجابة بس تبغى تعاند


وتسكت ماترد علي

قلت خلاص اكتبي هالكلمة عشر مرات

واخر شئ قلت لها عندك اجابة ولا تكتبين الكلمة 10 مرات قالت ماعندي اجابة

وطلعت وتركتها


تكفوووون ساعدوني وش اسوي معها هل اسالها بكره عن الكلمة هي كتبتها ام لا لاني ادري انها ماراح تكتبها


لاني لما طلعت من عندهم قلت اسلوبها للمعلمات قالوا ايوه هذي العام الماضي تعاندت مع مدرسة وصارت صنم بحصتها ماتجاوب ولا تشارك وتسلم ورقة الاجابة بيضاء ايام الامتحانات ورسبت بالمادة

فانا قلت اكيد ماراح تكتب بكره فشيروا علي الله يعافيكم وش اسوي لها اسالها عنه ولا كيف؟؟

80 تعليق 5,431 مشاهدة

شاركي في النقاش

سجلي الدخول لإضافة تعليق.

التعليقات

77
  1. @aaskolh_2010

    انا اقولك طنشي لانها باختصاااار ماراح تكتبها وتبي تعاند
    ولو اهيا ذكرتك وقالت لك ابله ماكتبت الكلمه عشر مرات وقعدت تتحجج بالنسيان قولي لها وبالفم المليان كل شي عندي بدرجات وانتي الخسرانه مو انا ماأحرق دمي أنا مع ناس كسالى
    والله ان هالحركه تغيضهم اسأليني أنا ولا تعصبي ولا تحرقي دمك
  2. @alzmrdh_6

    لاتعانديها مراهقين علا بالها انها قويه
    طنشيها ولاتسائليها اذا كتبته بتعطيكي الورقه
    انا لو منك سويت حالي ما اشوفها لانها لوعاندتيها بتزيد
  3. @maaaly_13

    اذا دخلتي عليها الفصل سوي نفسك مو شايفتها

    واضحكي مع البنات وكان امس ماصار شي

    صدقيني بتنحرق في نفسها وتعرف انها غلطانه ويمكن هي اللي تجي تتاسف لك

    لانها باين انها بايعه مستقبلها بسبب العناد

    وما احد يدري يمكن عندها مشاكل في البيت

    او فيها مرض نفسي

    اتقي شرها وماعليك منها
  4. @aaam_nayf

    تعتبـر ـهـ الحين البنت بسن مراهقـــه وانتي انسانـه تربويه يعني بـ العربي اذا ماتحملتيها مين يتحملهااا. المفروض منك انك تخلينها تشررب ماي، ليش هـ العنف تخيلهاا بنتك بتقولين المديره رافضــه بقولك مايحق لهاا وش ينفعكم البنت اذا طااحت او داخت ، تراهم امانـه عنددكم ، سوري ع الرد اذا ماعجبك

تابعي تجارب أخرى من هذا القسم.