شاركي في النقاش

سجلي الدخول لإضافة تعليق.

التعليقات

1,823
  1. @slaf_38

    هلا وغلا بكل الحلوات

    ممكن انضم معكم وتعطوني نصايح لانو انا فرحي بشهر 3 بإذن الله
    وش رايكم ابدا تجهيز الحين ؟

    وش اشري شتوي لا صيفي ؟
    واول شي بشنو ابدا؟

    >> اختكم تبي مساعدتكم :(
  2. @golyano2010

    سلاف^
    هلا وغلا بكل الحلوات ممكن انضم معكم وتعطوني نصايح لانو انا فرحي بشهر 3 بإذن الله وش رايكم ابدا تجهيز الحين ؟ وش اشري شتوي لا صيفي ؟ واول شي بشنو ابدا؟ >> اختكم تبي مساعدتكم :(
    اختي هان الود ابسالك وش هي اولويات اللي ابدا بيها في تجهيزي وابغاك تدليني عن الاسواق اللي اجهز منها مثلا الملابس الداخليه وملابس النوم ملابس الطلعات .....الخ ابغاكي تدليني عن افضل الاسواق الله يسعدك لاني جد متوهقه ومحتاجه مساعدتكم بعد الله
  3. جوليانو2010
    اختي هان الود ابسالك وش هي اولويات اللي ابدا بيها في تجهيزي وابغاك تدليني عن الاسواق اللي اجهز منها مثلا الملابس الداخليه وملابس النوم ملابس الطلعات .....الخ ابغاكي تدليني عن افضل الاسواق الله يسعدك لاني جد متوهقه ومحتاجه مساعدتكم بعد الله
    شوفي حبيبتي اول شي ابدأي في ملابسك انا اول مابديت بديت بملابس النوم والداخليات ومو شرط بالترتيب لانك تنزلي السوق وتشوفي الي يعجبك وتشتري
    وبعدها ملابس الخرجات وهذي الي راح تتعبي فيها حاولي تاخذي اشياء سهله انك تطقمي عليها فهمتي علي يعني بناطيل جينز وتيشيرتات وبرمودات وملابس رسميه بملحقاتها حاولي وانت تشتري لبس طلعه تكمليه بشنطته وجزمته اذا ماقدرت خلي الشنط والجزم بعد الملابس
    المكياج والعطور خليها اخر شي ولاتشيلي همها لانها ثابته مو مثل ملابس الخرجات تتغير وينزل شي جديد وهيك
    ونصيحه عطوور لاتكثير خذي لك مجموعتين مجموعه هاديه مثلا من نكتار او بودي شوب او زهور الريف الريحه الي تعجبك يصير تتعطرين فيها وانت مع زوجك وبعد الحمام وهيك
    وطقم عطر فخم للخرجات تكون ريحته نفاثه بحكم انك عروس يمكن يكون ذا الطقم الي تبين تتعطرين فيه يوم عرسك
    اذا ماينفع زيدي خذي عطر للزواج قوي وخمرية شعر وبسسس نصيحة كفايه كذا لانها بتجيك هدايا بتنشب بكبدك
    بعد كذا المكياج كريمين اساس واحد للعزايم وواحد لكل يوم خفيف واذا من هواة البودرة المضغوطه خلاص استغني عن الاساس الخفيف وخذي بودرة ومسكرتين وحده للسهرات وفخمه زي شانيل الي قبل الجديده او اف سان لوران ووحده عاديه اكس اكس ال حلوة مره لكل يوم ومسكره شفافه
    خذي علب ظلال تجي صغيره ابعدي عن الكبير لانك بتسافري وتتنقلي وبتثقل عليك
    لو بتاخذي علبه ظلال كبيره خذي مجموعه وحده مكياج كويتي او من مكياجي عندهم علبه حلوة فيها كل الوان الظلال والشدو والكونسيلر ذي في بيتك خليها
    بعد كذا احمر الخدود بعد خذي لونين او ثلاث عندك برجوا الوانها حلوة وعلبها صغار تجنن
    اقلام العين خذي كحل اسود من رافلون او جيفنشي وازرق وفيروزي واخضر غامق وفاتح اذا انت من هواة الالوان كله راجع لك وانصحك بماركة برجوا للاقلام الملونه
    الارواج خذي الي يعجبك بس حاولي تكون الالوان مو متشابهه
    وخي اضاءات لتحت العين من ماركة سينما لون ذهبي وفضي الي على ابيض
    والمكياج نصيحه لاتتعدين الكورنيش كل شي حلو ورخيص وبعد العطور
    عندك الدور الخامس كله محلات مكياج وعطور
    وفي محل في الدور السابع او العاشر ماني فاكره دور كله اقمشه فيه محل كبييير للمكياج ذا ارخص حتى من الي في الخامس
    الاسواق الاندلس مول ذا عرفوني اهل المحلات وانا ادبش
    مجمع العرب لو انت من هواة الماركات روحيه بس غالي وفيه اشياء حلوة انا دبشت من هناك
    مجمع الشرق فصلي العبي من هناك عند محل اسمه ندى مره تفصيله يجنن
    خبراء وصانعي العطور له فروع واجد يقلدلك نفس عطور الماركه وبنفس التركيز والله نفسسسها ذا اذا حبيتي تاخذي اشياء مفرق مو اطقم
    المناكير رحت قشيت من سوق الصواريخ من الرحمانيه مناكير الواحد بريالين على ثلاث ومن جد روعه بس شوفي لك بسطه نظيفه:35: كمان في الصواريخ في محلات تقليد ماركات خذي منها ملابس البيت
    سوق الخيمه عنده ملابس الخرجات حلوة بس ماشريت من هناك
    الكندرة
    سيتي ماكس وسيتي بلازا تلقي عندهم احيانا اشياء حلوة زي ملابس البيت البجايم شباشب البيت وهيك اشياء
    الهرررررررم >ذا طلعت منه ب 800 وترى احيان البضاعه تهبل واحيان خايسه خمي من عندهم اطقم داخليه قد ماتقدري لانها رخيصه وبتستنفذينها
    وكمان عندهم صنادل وجزم حلوة
    اسواق شارع صاري توب تن وتاج توج والقوافي وبانوراما ذي تلقي عندهم ملابس بيت روووووعه
    وكثري ملابس بيت لانها هي الي بتحتاجيها اكثر التيشيرتات والبرمودات والتنانير القصيره كلها تلقيها في تقليد الماركات في الصواريخ وشارع صاري
    سوووري طولت عليك هذره اذا افتكرت شي برجع لك
    بالتوفيق :39:

تابعي تجارب أخرى من هذا القسم.