السلام عليكم
انا ادري اني غثيتكم بس وربي مالي الا هالمنتدى افضفض فيه والا كان طقيت
انا بحكي لكم موقف وانتم احكموا ولو كنتم مكاني بالله وش تسوون
في نهاية رمضان وداني زوجي للسوق بعد الف كلفة وربي رحت للسوق وانا ابكي من القهر لانه ذلني لين وداني
مو بخل فيه بس مدري وش بلاه . المهم في السوق كان مستعجل مرة وما قدرت اشتري براحتي واخذت لي
لبستين واشياء بسيطة وبسرعة طلعنا . رغم انها كانت غالية بس ماكانت كسوتي وافية لان به اشياء ما شريتها .
الحين كلمته اني محتاجه السوق لان اغراض ناقصتني قال وش هي ملابس قلت ملابس وغيرها قال توك برمضان شاريه .
الحين هو يفكرني اطمع فيه هو ربي معطيه وانا وربي ما احب الاسراف بس صدق محتاجة اغراض .
في الاخير وافق وقال بعدين اوديك . هو اذا قال بعدين يعني على حسب مزاجه ممكن بعد اسبوع او شهر او اكثر .
انا طلبت منه فلوس لاني قلت ببالي ابروح مع امي واخواتي عشان اخذ راحتي لانه هو مايطيق السوق وبيعجلني المهم طلبت منه مبلغ معين واعطاني وزادني عليه وفرحت .
يوم الخميس كنت اكلم اختي واتفقنا نخرج سوى وقالوا بيجون ياخذوني معاهم للسوق .
انا ما جاء ببالي انه بيرفض
انا قبل لايجون اهلي قلت له امي واخواتي بينزلون السوق وبروح معهم قال متى قلت الليلة شوي جايين .... بعدها سكت
ويوم اهلي جو ودقوا لي جوال عشان انزل الا لقيته جايني ويقول على وين قلت انا كلمتك اني بروح مع اهلي قال اذا خرجتي الييت هذا انسيه ..خرجه مافي , قلت يا ابن الحلال انا مستاذنه منك
ليش تعاملني كذا قال عاجبك عاجبك واذا مو عاجبك اهلك يتحرونك بالسيارة .
انا رميت العباية وكلمت امي انهم يمشون واني مقدر اخرج امي فهمت وسكرت .وانا قضيت الليلة بكى وقهر
وووقت النوم قفلت الغرفة علي وهو كالعادة لاب والحين بلاك بيري وكل وقته كذا ووقت ماجاه النوم جا للغرفة ولقيها مقفلة ويدق وانا مطنشة .
اليوم الثاني بعد صلاة الجمعة جاب الغدا بكيسين وحط عندي كيس واخذ هو واحد وراح للغرفة اللي يجلس فيها وتغدا وقفل عليه . هذا طبعه اذا تزاعلنا . الحين هو مسوي نفسه زعلان
وش رايكم الخطا من من
شاركي في النقاش
سجلي الدخول لإضافة تعليق.
التعليقات
26- الله يصلحه زوجك متقلب علميه تكون وعووووده جازمة
انا اعاني مثلك بس زعلت زعلة محترمة وتحسن شوووي - الله يكون بعونك ويسخره لك يارب
انتي ما اخطأتي بس هو ليه غير رأيه فجأه - حبيبتي عليك بالاستغفار ررررررررررر والله عن تجربه تحسنت معاملة زوجي بسبب الاستغفار لو انك سكرتي عليك باب الغرفه وقعدتي تستغفري كان شفتيه جاي يراضيك جربيه استغفري لو توصل الف مره باليوم بس النتيجه روعه
- الخطا على زوجك
لكن اقول لك وحده كانت تتخاصم مع زوجها وهو الغلطان تقول مجرد مانتخاصم اجلس استغفر ثم من نفسه يرجع يعتذر لها - يا خيتو لو بتشوفين غيرة بتقولين الحمدلله انا بنعمة
وش تسوووبن اصبري وتحملي
اهم شي مو بخيل ولااا يضرب
كل شي يهووون
مواضيع مشابهة
تابعي تجارب أخرى من هذا القسم.