هذي رسالة مهمة من وحدة تستشيركم اكتبها نيابة عنها لانها وصتني تبي رايكم ومشورتكم
تقول الله لايقدر ان زوجها يتزوج عليها اللي ترد بحكمة
تزوج زوجي علي بسبب تاخري في الحمل
الزوجة الثانية اكبر مني ومطلقة وجابت له اولاد وبنات
وانا جبت بعد كم سنة بنات فقط
الزوج في يومي يجيب معاه اولاده وبناته من الثانية كلهم صغار وتؤائم بحفاظاتهم ورضاعاتهم ويخليهم يدخلون ويطلعون ع كيفهم واي وقت واي ساعة وباي لبس وفي اي وجبة بحكم ان الشقتين بجنب بعض
وانا حامل وحملي صعب والبيت صغير ويحوسون ويتضاربون ويزعجوني وانا ارتب وراهم ومااقدر اقول شئ
لدرجة انهم يكسرون تراكيب والعاب بناتي وابوهم ساكت يقول عادي اخوان ويدخلون علي بدون حفايظ ويبللون الارض والمفارش ويقولي لاتحرجينهم وتكسرينهم خليهم يعيشون عادي بدون حساسيات
وفي يوم الثانية والله العظيم اسمعها تمنع بناتي من الدخول معهم بحجة انهم بيطلعون او تقول لهم روحوا حنا بننام وتسكر الباب في وجههم والزوج لايدري ولايسال ليش بناتي ماجونا
وكل ايامها كذا
-----------------------------------
تعبت تعبت
لاحظت ان زوجي يلمح لي انني ازعل عيالة واكشر في وجههم وانفص عيني عليهم ومااسلم عليهم واني اصنع المشاكل واني ماابيهم واني ابي افرق بينة وبينهم
واني واني واني
ولما اقولة انك تتخيل يقول الا عيالي يقولون كذا واصلا هم صغار بس اكيد امهم توصيهم
ويقولي ان الثانية ترحب في بناتك وتهتم فيهم وتسلم عليهم وتهديهم!!!!
وانا باذني اسمعها تردهم وتهاوشهم بهدوء
وهو دائما يكرر ويقولي انه مايبي اولادة يفقدونة ولو يوم اما بناتي لا مايهتم
زوجي متعصب للاولاد اكثر بحكم انه وحيد امة وابوة ويفضلهم دائما على بناتي حتى في ادنى شئ حتى الخبز يوزع على الاولاد وبناتي لا وانا بسرعة اوزع لبناتي علشان مايحسون بنقص واذا تكلمت بنتي وضحكت مايحرص انة يسمعها اما اولادة ينفخ وجهه ويشد عيونة ويضحك على اي كلمة ويشجعهم انهم رياجيل وانت كبير وقوي ورجال وبناتي لا مدح ولا تشجيع
وش رايكم بزوجي والثانية واولادهم؟؟
مع العلم انه يهاوشني ويقولي مالك دخل لاتفرقين بيننا وانا ساكت على اشياء كثيرة وخفت منه لانه يميل للثانية اكثر مني
والاولاد مايحترموني ومايخافون مني اذا قلت لهم شئ ينادون ابوهم باعلى صوت...........
شاركي في النقاش
سجلي الدخول لإضافة تعليق.
التعليقات
69- انا لو مكانك بسوي نفس الزوجه الثانيه اطردهم بهدوء
خو يومي لي و اذا بيجون يجوني ساعه و مع السلامه مو اليوم كله عندي
و بعدين من متى نمشي العيال من غير حفاظات
الله يعينك بصراحه - ممكن عشانهم عيال ويؤمل فيهــــــــــــم مستقبلا يصير تعامله كذا
اما صديقتك خليها تتعامل مع اولاده بشي مايضايقه
يعني تبحث عن طريقة تخليهم مايجون كثير دامهم صغار بدون مايزعل يعني تتفاهم معه
او انها تسمح لهم ومع ذلك تنبههم على النضااافة
^
^
حفيدة سليمان - خليها في يوم الثانية تقولة خذ بناتي معاك عند اخوانهم
وإذا رجعتهم مرة ابوهم خليها تتصل علية من وقتها وساعتها تقوله شوف مادخلت بناتي عندها اجل لاعاد اشوف عيالها في يومي - الله يكون في عونهم
- خليها تكلمه بهدوء
مواضيع مشابهة
تابعي تجارب أخرى من هذا القسم.