تجمع المحسنات الظن بالله (خبرات متبادله حول مراكز العقم في مصر )

ريمو حبيبة قلبى

اولا لاشكر على واجب يابنتى هو انا عملت ايه ياعنى

والف سلامة على مامتك وخديها على طول للدكتور ياريمو عشان موضوع القدم ووجعها خصوصا لمريض السكر مش يتسكت عليه خالص وان شاء الله ربنا يشافيها ويعافيها من اى ضرر


بصى ياريمو بالنسبة للاقتراح الاولانى فده مستحيل جدا انى انزل مصر لان هنا بعد الشهر السابع مش بيوافقوا بسفر الحامل الا بقى لو هى خبت عليهم وطالما ده فيه خطورة يبقى نبعد عنه احسن والسبب التانى انى اجازتى تبدأ من يوم الوضع مش قبل كده ولمدة شهر واحد ولو اخدته قبل الولادة يبقى هسيب البيبى وهو عنده 30 يوم وانزل الشغل عشان كده انا مأخرة شهر الاجازة لبعد الولادة وكمان رصيد اجازاتى الجديد هينزل فى شهر يناير يعنى بعد الولادة اقدر اخد شهر كمان عشان اسيب البيبى وهو عنده 3 شهور مش شهر واحد

بالنسبة بقى للاقتراح التانى فأنا فعلا مستريحة ليه اكتر حاجة بس عشان اولد قيصرى يا اما تكون حالتى محتاجة للقيصرى وده هيحدده الدكتور هناك يا اما يكون معايا واسطة عشان اولد قيصرى وانا اليومين اللى فاتو عرفت ان الملف بتاعى مكتوب فيه انى من المتأخرات فى الحمل وفى اغلب الاحيان هم بيفضلوا القيصرى عشان بيبقى الحمل عزيز وبيتجنبوا المشاكل بتاعة الطبيعى عشان الام والبيبى

بالنسبة بقى لموضوع الفلوس فتقريبا اللى معايا يغطى تكلفة العملية يادوب

بس مش هقدر انزل مصر بعدها لانى هكون فلست خالص وانا عارفة ان الاهم طبعا هو سلامة البيبى قبل اى شئ وان الفلوش زى ماقولتى بتروح وتيجى بس الكلام ده لو فعلا المستشفيات الخاصة مضمونة بنسبة 100% بس فعلا سمعت من اكتر من حد عن المشاكل اللى بتحصل وبيحولو الحالات للحكومة

الحاجة التانية بقى ياريمو ان تقريبا 70% من الكويتيتن هنا بيولدوا فى الحكومة و30% بس فى الخاص

وبالنسبة للوافدين اللى زينا 99% بيولدوا فى الحكومة و 1% بس فى الخاص

فكده معناه ان المستشفيات الحكومية عندها خبرة اكبر وبتتعامل مع حالات كتيرة جدا
والرعاية فيها والنظافة على مستوى عالى جدا فإن شاء الله لغاية اخر لحظة انا مستريحة اكتر للحكومة طالما الامور ماشية تمام وهيوافقو يولدونى قيصرى انما لو رفضوا القيصرى لاى سبب هلجأ للخاص وامرى لله

بالنسبة بقى للتجهيزات ماما وجوزى مش عاوزينى ابدأ من دلوقتى بيقولولى اخر التامن على الاقل
مش عارفة ليه هم مقتنعين ان كده افضل مع انى مش مستريحة للموضوع ده وعاوزة ابدأ على اول السابع على الاقل

طمنينى عليكى يابندقة اخبارك ايه

انا اعرف اتنين واحدة ولدت فى الفروانية والتانية فى الصباح والاتنين ولدوا طبيعى ماشاء الله بس قالوا ان البنج بيبقى فى الخياطة بس بعد البيبى مابينزل

وليا واحدة زميلتى ولدت فى الفروانية بحقنة الظهر بس كان معاها واسطة

انا ان شاء الله لو ربنا قدر لى الولادة فى الحكومة هكون تبع الصباح عشان الاقامة

هو فعلا موضوع ان الحكومة مش بتدخل معاكى ده حد صحيح بس ده مش مشكلة لان انا جوزى اصلا قلبه خفيف فمش ممكن هيستحمل وانا بولد انه يكون معايا فى الوجع والكلام ده لانه ممكن يخلينى ما اولدش اصلا هههههههه
وماما بتفضل تعيط لما تقول ياليل وده انا جربته فى عملية المنظار فضلوا الاتنين يعيطوا وانا داخلة اعمل العملية يعنى بدل ما يشجعونى ويصبرونى قلقونى اكتر وانا بقيت اصبرهم
بس بالنسبة للاهمال مش عارفة انتى تقصدى ايه يهملوا فى البيبى يعنى والاهتمام بيه ولا ايه؟
طمنينى الله يخليكى يا بندقة

ماما وميكو وميزو


ربنا مايحرمنى منكم عشان ساعدتونى اعمل شريط الحمل وادينى عملته اهه

يارب كل البنات يعملوه فى توقيعهم قريب جدا ونقفل التجمع ده ونفتح تجمع جديد

السلام عليكم ورحمه الله وبركاتة
ازيكم يابنات عاملين ايه مش عارفه الملف مكانش عايز يفتح معايا يوم الجمعه بطولة ليه ؟؟
انا شايفه انكوا بقالكوا تلات ايام من ساعه ما سبتكم ومع ذلك ملقتش غير صفحتين بس فى التلات ايام يبقى اكيد ده حصل مع غيرى .. اللى حصل معاه يقوللى علشان اعرف العيب فين عندى ولا فى السيرفر بتاع المنتدى نفسه ..

ماما ماماتو ..
حبيبى ازيك ياقمررررر ... العمليه التانيه على الابواب اهوه يارب يارب يكتب لك فيها الخير ياحبيبتى ويوفقك فيها اللهم آمين .. عملتى ايه فى الحجامه يالا روحى بلاش كسل اعمليها على طول قبل العمليه وقبل ما تنشغلى فيها وخدى ماما معاكى ياحبيبتى ربنا يجعل فيها الخير كله ليكى يامامتى

ام انس ..
حمدالله على السلامه والحمدلله ان ربنا كرمك بالحمل ربنا يثبته لك ياااارب ويتممه لك على الف خير اللهم آمين والف سلامة على زوجك شفاه الله وعافاه لابأس عليه طهور إن شاء الله اهو خبر الحمل جه فى الوقت المناسب علشان يرفع حالته النفسيه وربنا ما يجيبش حاجه وحشه ليكوا ابدا ..

وداااااااااع ..
حبيبة قلبى انتى والله العظيم ..
ايه الاخبار دلوقتى وصلتى لفين فى التنشيط اخدتى الحقن وخلصتيها ولا فاضل لك فيها حاجه .. وهتعملى ايه فى المتابعه عرفتى مكان قريب منك ؟ وهتعملى التحليل ولا الموضوع مش متيسر قدامك ياحبيبتى طمنينى عليكى ياروحى

نادووووووووووو ..
خلاص ياقمر الوقت بيعدى اهه وجوزو على وصول ياحلوة يالا ورينا الهمه فى الشقه وفى المحشى

عزيزة ...
ربنا يجعل الظروف اللى انتى فيها خير يارب ويكرمك يابنتى بالذرية الصالحة اللهم آمين يارب العالمين

بوبتى حبيبتى ..
بصى ياقمر اللى بتقوليه كلام معقول برده ومبرر .. استخيرى كويس واللى فيه الخير يقدمة ربنا وان شاء الله هتولدى وتقومى بالف مليون سلامة متخافيش من اى شئ ربنا يحفظكم انتم الاتنين يارب وبالنسبه للمستشفى ياريت تروحى تبصى عليها قبل الولاده وتبصى على الغرف وتاخدى فكرة عنها ده هيكون احسن برده هتطمئنى زيادة انا شخصيا عملت كده وخدت وقتى فى الفرجة والقرار فى اى مكان هولد وكمان اخدت رأى الدكتورة فى العمليات وسالتها كويسه ولا لا لانها هتفهم اكتر منى فى النقطة دى .. اعملى كده وربنا يكرمك يارب يابتوتى ان شاء الله
بالنسبه لموضوع الاحتياجات اللى هتشتريها .. لا طبعااااااااااااا تنزلى تجيبيها من بدرى واوعى تسمعى كلامهم انا جربت وعرفت ياحبيبتى الواحده فعلا بتبقى فى الاخر تعبانه وهتلاقى نفسك مش قادرة اصلا تمشى على رجليكى انتى متعرفيش اخر التامن واول التاسع ده بيبقى عامل ازاى .. لو اخرتى نفسك هتضطرى لما تنزلى بتجيبى اى حاجه وخلاص علشان تروحى البيت ترتاحى ومش كل يوم هتقدرى تنزلى ولما تنزلى هتفضلى كل شويه تدورى على مكان يكون فيه تويلت لانك هتبقى كل نص ساعه بتدخلى ياجميل ودى مشكله كبيرة برده فا الافضل انك تتحركى وانتى خفيفه دلوقتى وتنزلى تشترى كل حاجاتك وده رأيى