بنتي عمرها اربع سنوات كنا طالعيين معاها بالعيد الملاهي كل قرايبنا
بالليل ركبت السفينه بالبحر وانا معاها وكان بالكراسي اللي جنبنا ام وزوجها ومعه بنته صغيره البنت ماتتحرك بس راسها واطرافها مشلوله ظهرها مايتحرك الله يشافيها يارب وكانت تبكي
انا قلت لبنتي ا روحي للبنت وعطيها من الحلاوه والشكولاته اللي عندك
بنتي قالت لا مابي هذي وع مابي اعطيها قلت لها عيب تقولين هالكلام الله مايرضى وبعدين مايحبك وانا بعد ماحبك
المهم غيرت رايها وراحت للبنت واعطتها حلاوه وشوكلاته
لما قمنا خلاص من السفينه رحنا انا وهي نجلس مع قرايبنا صارت تسولف لابوي وش شافت رد عليها ابوي
اذا شفتني احد مريض لاتقولين وع قولي الحمدلله الذي عافانا مما ابتلا به كثيراً من خلقه
وصارت تكرر ولما رجعنا البيت قالت ماما وش علمني جدي رجعت اقول لها وحفظته
هالاسبوع رايحيين بيت اهل زوجي وكانت هناك سلفتي وعندها بنووته عمرها 4 اشهر الكل يقول ماتشبه اخوانها مو حلوه ابد
مدري على مين طالعه
بنتي جت وكلمتها لما شافت بنت عمها>>>>> قالت الحمدلله الذي عافانا مما ابتلا به كثيراً من خلقه
قامت امها تصارخ وتهاوش ليش وش فيها بنتي وتسأل بنتي من علمك قالت ماما
وانقلبت السالفه علي وصارت ماتكلمني وقالت لزوجها زوجة اخوك تعلم بنتها وتتريق على بنتي وزوجها دق على زوجي
يهاوش
وانا والله مو اسلوبي
ولما سالت بنتي قالت ماما هذي مو حلوه نفس اللي شفنها بالسفينه
شاركي في النقاش
سجلي الدخول لإضافة تعليق.
التعليقات
116- الله يكون بعونك وفهمي زوجك السالفة
- الله يعينك
والحمدلله الذي عافانا مما ابتلا فيه كثيرآ من خلقه - بزر بنتك مالها حق زوجتكم تزعل منها
- يو الأطفال يحرجون الواحد
اذا سلفتك بغت تتفاهم قولي حنا علمناها حديث وهي مستانسه تردده كل شوي
اما اذا مافي مجال تتفاهم خلي زوجك يتفاهم مع اخوه عشان مايقطع رحمه
وبس
لا اله الا الله ... - الله يصبرك على هالاشكال ..
طفل المفروض ما تهتم بهالكلام من الأطفال
يعني ما اعلم عيالي عشان ما يقولون لعيالكم و الله ناس تعبانه
<< منقهر من اسلوب مرة عمكم
مواضيع مشابهة
تابعي تجارب أخرى من هذا القسم.