السلام عليكم ورحمة الله وبركاته
اول مره ازور هذا القسم
كيف الحال اخواتي وش اخباركم مع النوم الله يكون في العون
المهم انا راح اذكر لكم تجربتي مع ولدي الله يحفظه في تعويده الحمام
طبعا كم مره فكرت اعوده واهون لاني شايله هم النفسيه لاني عصبيه
مااتحمل قبل رمضان بأسبوعين قلت لازم اعوده وبديت معه بالتشجيع اشتري له العاب بس عجزت عنه رفع ضغطي لدرجه مره من المرات جلدته بتطلع روحه من الصياح انا نسيت نفسي وصرت اضربه وانا اصايح عليه نام والله يااخوات عجزت انام تندمت لوجاه عقده او اي شي انا السبب
قلت خلاص مولازم يتعود اهم شي سلامته
ودخل رمضان وشفت زميلتي وتكلمنا عن هذا الموضوع
قالت جربي هذه الطريقه وشوفي النتيجه
الطريقه تراها سهله
رحت شريت انواع الحلويات الصغيره
مثل حلاو مصاص كاكاو ابو ملاعق
اهم شي حلاو الوانه تغري تخلطيها بكيس وعلقي الكيس على المدخل او باب الي يودي لجهة دورة المياه اهم شي لاتعلقيه على باب الحمام احترام للنعمه وخبريه كل مارحت للحمام راح اعطيك واشري على الكيس و اذا طلع خليه يختار نوع واحد علشان يتحمس للانواع الثانيه
تصدقون ولدي كل شوي يبروح للحمام علشان الحلاو حتى لو مافيه شي
واذا غلط مره اشري على الكيس انك ماراح اعطيك
والحمدلله اسبوعين وتعود بدون ضرب ولا صراخ وجزاه الله خير الي دلتني على هذه الطريقه
وحبيت اذكرها في هذا القسم حتى الكل يستفيد
دعواتكم لي بالحمل السليم
وشكرررررررا
شاركي في النقاش
سجلي الدخول لإضافة تعليق.
التعليقات
53مواضيع مشابهة
تابعي تجارب أخرى من هذا القسم.