تجمع المحسنات الظن بالله (خبرات متبادله حول مراكز العقم في مصر )

زوزو

ربنا يكملك بعقلك ياحبيبتى ايوة كده هدى اعصابك خالص لان اول فترة دى بتبقى ارخم فترة لان الدماغ بتبقى هى اللى شغالة وبتفكر بس خليكى متأكده ان ربنا اهداكى هدية وان شاء الله هيحفظهالك انتى بس استودعى جنينك كل يوم وداومى على صلاة الفجر وادعى كتير وطمنى قلبك وان شاء الله تسمعى النبض فى اول مرة تروحى فيها للدكتور وليه عاوزة تعملى سونار مهبلى انتى فى الاسبوع الكام يا زوزة

طمطم

انهاردة كنت هتجنن وادخل المنتدى باى شكل علشانك حتى نزلت جبت كارت منزلى مخصوص عشان ادخل بالليل كده واطمن عليكى يابنتىمن امبارح وانا جوايا سؤال مش عارفة ايه اللى جابه على بالى اصلا

انا عارفة ومتأكده انك دخلتى من فترة قريبة قوى وقولتى ان ربنا اراد ان الحمل مايكملش وطبعا اكيد مالحقتيش ان يعدى شهر على الموضوع ده بس انا حاسة انك حامل وماتسألنيش ازاى لان انا نفسى مش فاهمة

انا داخلة دلوقتى ومتاكده انى هلاقى مشاركة ليكى بتبشرينا بالحمل والبنات بتباركلك واول مالاقيت التجمع بقى 55 صفحة قولت اكيد دخلى وقولتى والبنات باركتلك فى الصفحات دى كلها

يارب ياطمطم تحملى فى اقرب وقت وتيجى تبشرينى واكون اول واحدة ان شاء الله تباركلك

دوعة

ربنا ياحبيبتى يباركلك فى كل خطواتك اللى انتى ماشية فيها وسيبك من كلام دكتورك وماتقوليش ان كلام الدكتورة جابلك احباط

دى يادوعة ماضاقت الا لما فرجت يابنتى يعنى ربنا عاوزك تلجأى له جامد الفترة دى وتكثفى الدعاء وان شاء الله كرم ربنا كبير



مها

انتى فين انا بقالى فترة مش شايفة لك اى مشاركة طمنينى عليكى ياقمر


شيمو

ربنا يهون عليكى الفترة اللى جاية دى وعلى رأى نيفو كله يهون عشان خاطر النونو وان شاء الله كل تعب بتتعبيه ربنا هيجعله فى ميزان حسناتك وهيريحك بعد كده فى تربية اولادك ويكونوا بارين بيكى بسبب التعب اللى بتتعبيه دلوقتى بس ابقى افتكرينى وقولى بوبا قالت


ام انس

تعالى طمنينى عليكى انتى فى الاسبوع الكام دلوقتى

ميزو

الف سلامة على حمادة ربنا يحفظهولك يارب وان شاء الله الانيميا دى تروح ويبقى فى احسن صحة واحسن حال

بندقة الف سلامة على جوزك وان شاء الله يكون بخير قريب

انا مش فاهمة يعنى انتى لسة فى مصر وهو رجع الكويت؟

طيب ماهو كده برضه فى وسط اهله واخواته وان شاء الله هم مش هيقصروا معاه وكده اوكده انتى محتاجة للراحة فى الفترة دى يعنى لو جيتى مش هتقدرى تكونى جنبه فى المستشفى طول الوقت

وطالما هو مش عاوزك تسافرى دلوقتى فاسمعى كلامه ياحبيبتى وريحيه اكيد هو هيبقى مطمن عليكى دلوقتى وانتى فى مصر واطمنى عليه كل شوية بالتليفون وان شاء الله ترجعى له باحلى الاخبار