توتا ..
ازيك ياتوت قلبى عاملة ايه ياحبيبتى واخبار زوجك ايه دلوقتى متهيألى الاعراض اللى كانت عنده خفت ولا ايه
توفى ..
ازيك ياتوفى عاملة ايه اخبارك ايه النهاردة ونويتى على ايه هتعملى العمليه بتاعه الحاجز الرحمى ولا لا استخيرى وربنا يكتب لك اللى فيه الخير يارب
مسلمة امرك الى الله ..
والله انا مش عارفه اقوللك ايه ياحبيبتى وكمان انا مش فاهمه اوى علشان افيدك ومش عايزة افتى وانا معلوماتى ضئيلة فى الموضوع بتاعك ده .. بس انا شايفه انك تركزى مع كلام ماما كويس جدا اولا لانها طبيبة وفاهمه وهتقدر تدلك على الصواب ومين بيتعامل معاكى صح ومين بيعك .. وكمان هتبقى معاكى خطوة بخطوة مع الدكتور اللى هتروحى له .. وبصراحه بعد الشرح اللى قالته ماما انا معاها فى رأيها جدا واكيد بعد ما هتستخيرى هتشوفى ايه الافضل ليكى وربنا هييسره لك .. بس انتى مش روحتى لدكتور عادل ؟ اسأليه ياحبيبتى وخليه يوضح لك الامور قدامك انا بفضل بصراحة انك تلجأى له لانه مش هيكتفى بإنه يديكى رأيه فقط لا ده هيشرح لك الخيارات المتاحة كلها ونتايجها وسلبياتها وايجابياتها يعنى هتاخدى القرار وانتى واعيه وفاهمه ايه اللى بيحصل بالظبط وده احسن من انك تفضلى مش عارفه تعملى ايه ومش فاهمه ايه افضل الطرق
مسلمة ام جنونة ..
ازيكم عاملين ايه يارب تكونوا بخير ,,
تجمع المحسنات الظن بالله (خبرات متبادله حول مراكز العقم في مصر )
متابعة النقاش، صفحة 119