تجربتي للحمل بعد تأخير عام

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله .. أول شي خواتي الحبيبات ابيكم تدعون لي من قلب انه يفرج علي كربتي ويرزقني الدعوة المستجابة ..

بالغاليات انا تزوجت وظليت سنةماحملت ورحت فحصت قالوا عندك البويضات صغيرة 16 ملم .. وزوجي فحص قالو السرعة وسط 50% والحيوانات 30 مليون .. يعني فيه نسبة ضعف .. المهم توكلت ع الله واخذت كلوميد والحمدلله طلع لي بويضتين 20 ملم وكنت متأملة ذاك الشهر بحمل توأم بعد . وسبحان الله نزلت الدورة وانا تحطمت خاصة ان اخت زوجي جابت مولود وحامل بالثاني والناس تقارن بيني وبينها :icon33: المهم قررت اسوي لي جدول اوله : التوكل على الله .. استغفار يومي لايقل عن 500 مرة .. قراءة سورة مريم وبالسجود (ربي لاتذرني فردا وانت خير الوارثين )..
قيام الليل مع البكاء والدعاء ..
رحت لمراخة اللي هي ام عبدالرحمن بالدمام قالت معك ميلان بالرحم ومرخت واخذت ادويتها .. ورحت للشيخ وقريت .. سويت لي خلطة افك ريقي الصباح على حليب دافي مع عسل مع ملعقتين عين الجمل مطحونة .. وبعدها كوب مرمرية مع بردقوش .. وبالليل نفس الحكاية(بس ايام الدورة *) وطبعا مع ادوية المراخة .. مممم وش بعد ..ايه الصدقة يابنات بنية الشفاء والذرية ..
الشهر اللي بعده نزلت الدورة :icon33: مايأست سويت الشهر الثني نفس جدول الشهر الاول ..
وبعد شهر انا حامل :04: كللللللوش
لكن ربي ماكتب لي ونزل بالاسبوع السابع والحمدلله ع كل حال لظروف طلاقي ..
بنات تكفون اللي تستفيد من موضوعي تدعيلي ان الله يجبر كسري ويرزقني خير ممااخذ مني ..

50 تعليق 5,487 مشاهدة

شاركي في النقاش

سجلي الدخول لإضافة تعليق.

التعليقات

49

تابعي تجارب أخرى من هذا القسم.