باركووووووولي ولدت بالسلامه وبطلق صناعي وقصتي الطويله بالداخل تفضللللللوا

السلام عليكم

أبشركم ولدت بالسلامه ربي عوضني وجبت احللللى بنوته يوم الاربعاء 13-10 ربي يحفظها ويجعلها ابنه باره بوالديها بعد 3 سنين من الحرمان
الله يرزق كل محروم ومحرومه يااااااااااااااارب
طبعا انا حملت من قبل بس توفى ببطني
المهم قصتي هي

كان ياما كان في يوم الأحد آخر الليل كنت جالسه ومافيني أي بوادر ولاده كنت توي في نهاية الاسبوع ال2 من التاسع كنت مهمووووومه ومو عارفه ليش …….زوجي شافني متضايقه قال وش فيك تحسين بألم او شي؟؟ قلت لا ولا شي بس ممكن متضايقه عشان حركة البيبي قليله اليوم…..قال تبغي تطمنين اوديك الطوارئ بمستشفى الولاده؟؟ قلت ايوا افضل ورحت المستشفى وقاست الضغط وصار مرتفع وقالت نصبر شوي واقيسه 2 وكل شوي تقيسه يرتفع اكثر بس ماحسيت فيهم ذاك الاهتمام
لقيت ممرضه سعوديه بنت حلال قعدت اشرح لها حالتي وانو توفى علي جنين وكان ضغطي مرتفع وخايفه يتكرر2
وماقصرت سوت اتصالات بالمسؤلين عن التنويم وفهمت من كلامهم انو مايحتاج تنويم بس الممرضه ماقصرت وكلمت السوبرفايزر وقالت له ان عندي حالة وفاه من قبل بهالسبب
وقال لازم يستقبلونها قسم التنويم وتم تنويمي في الملاحظه الدقيقه كانوا كل شوي يقيسون ضغطي يكون مرتفع مو راضي ينزل الصباح جات دكتوره ودكتور وقاموا يسألوني اسئله تتعلق بحملي السابق و و و
آخر شي انا قلت طيب تنصحيني اذا طلعت من المستشفى الزم الراحه التامه <<<<< على بالي دخول الحمام زي خروجه هههههه
قالت ومن يقول انك بتطلعين ماراح تطلعين الا وااااااااالد
<<<< انا هنا تجمدت وخفت وحسيت المسأله جد دقيت على زوجي وقلت له وقلت لأختي وأمي
المهم عطوني حبوب تخفظ الضغط و طلق صناعي تحاميل على اوقات متفاوته
وجات الدكتوره مره تكشف ومرتين الممرضه ويقولون مفتوح 2سم
وانا في حالة احباط وعطوني في المغذي بعد طلق صناعي
الدكتور قال حتولدي الليله ولا ولدت ذيك الليله وجا يوم الثلاثا وجا نفس الدكتور قال انتي الى الآن ماولدتي؟؟
و جا يكشف وترجيته ما يألمني ويرفق بي <<< معليه
وكان اصرررررررررخ اثاريه يسوي تحريض نفس اليوم الثلاثاء الساعه 10 الا تقريبا نقلوني غرفة الولاده مع اني ما احس بطلق شديد شي بسيط وكنت اقول ماراح اولد الليله
وحطوا علي تخطيط بغرفة الولاده وكل شوي اسمع وحده تصرررررخ بعدين البيبي يطلع ويصيح وكانوا القابلات يصفقون لها كأن احنا بمسابقه ونا اقول متى يجي دوري وارتاح تعبببببببت من التخطيط المهم الالام تروح وتجي
وتشتد كانت فيه قابله هنديه تراقب حالتي وزهقت مني قالت فخاطرها مو وجهها وجه ولاده وطلعت
المهم من الساعه عشر الى 11 والالام تزيييد وياكثر اللي اسمعهم ولدوا واقووول يارب رحمتك والى 12 اقول يارب ماتجي وحده الا انا واااالد وتزييييد الالام واصارخ وتاجي القابله وتشوف التخطيط قالت مابعد يجي الطلق<<<<<< كل هالالم ومافيه طلق
وطلعت المهم وحده ونصصصص خلاااااااااااص واصارخ واصارخ واصارخ <<<<<< لاتخافون والله اني اصرخ عمدا لأن احس ماحد بجنبي ولاحد منتبه لي عشان كذا ابغى اجذب انتباههم ومافيه فايده
آخر شي صررررررررخت لما قلت بسسسسسس من جدهالمرره اصرخ من الالم وعشان مافي احد حاس فيني والله اسمع الحريم يصرخن مره او 2 ويولدن واسمع تصفيييق من القابلات يشجعونها وانا ماجنبي احد والله قههههههر واصرخ واصرخ لما جات هالهنديه وقهرتني اكثر طالعت التخطيط وبكل برود تقول انتي مافيه ولاده مافيه طلق وبتطلع
واعصصصصب واصرخ اكثر واكثر ابيها ترجع واقعد ادفع بقوووه هي خافت ورجعت قلت لها خلاص صدقيني بيبي بيطلع اكشفي على الاقل وكشفت وحست اني بولد ونادت الدكتوره ومافي احد حولها |<<<<< لأنهم كانوا مشغولين بالتصفيق حسبي الله عليهم ومادروا اني بمووووت:mad:
المهم القابله حست المسأله جد ونا قمت ادفع وادفع وادففففففع وحسيت طلع شي اللي هو الراس ومره 2 ادفع اكثر حسيت خلاص بنتي علقت لاهنا ولا هنا قامت سوت لي جراحه تعذبت فيها وطلعت احللللى بنوووته في الدنيا:04: ونا اقولها حطيها على صدري ولا عطتني فيس وسمعتها تبكي وتطمنت الساعه 2 وزياده :time: وجات الدكتوره المصريه وسوت لي خياطه وربي تعذبت فيها بس الله ياجرني:icon33: حتى سمعت الدكتوره تهاوش القابله تقول من ولدها ….هذي ؟؟ عشان قصها في ذيك المنطقه ماكان على سنع شكلها مو متمكنه
والحمدلله على كل حال اهم شي بنتي طلعت بالسلامه وقرت عيوني بشوفتها
وياااااااااااااارب نفرح بولادتكم السهله يالحوامل ويرزق ربي كل محروم ومحرومه ومايحرمهم هالفرحه
طبعا المستشفى عجبني من اول مادخلت حد ماطلعت بس غرفة الولاده اللي تعذبت فيها اقولكم ليش لأن اذا وحده قامت تصارخ يروحون لها 2 او3 قابلات ويشجعونها يقولون كمااااااان كماااااااان لما يطلع البيبي واذا طلع يصفقون وعلى عالمنوال ويوم جا دوري زين انتبهت لي هالهنديه
بس هذا اللي قهرررررني المفروض بس وحده تروح للغرفه اللي فيها حالة ولاده وبس ليش اكثر من وحده لأن مع صراخهم وتصفيقهم مايسمعون اللي يتعذبون فالغرف ال2
والله اني تعبانه بس عشاني احبكم واحب عالم حواء قلت لازم اخبركم قصة ولادتي
دعواتكم لي بس قولوا آمييييييين
تخف خياطتي واتشافى واطلع من الاربعين مثل العرووووس واني اوفق بين بيتي وشغلي وحقوق زوجي وبنتي وسلامتكم