شاركي في النقاش

سجلي الدخول لإضافة تعليق.

التعليقات

118
  1. @roh_alnmsa

    طفله عشرينيه
    الاشعه ب250 واذا بتسوين انابيب ولامحهري ولا تلقيح يسوون لك خصم تدفعين 700 ولو تسوين عشرين اشعه خلاص هذا سعرهم ومن قالت رشحوا لي تعبت وانا ارشح الشهراني مركز ذريه
    احب اضيف بعض التفاصيل هذي اشعه متابعة التبويض ويختلف عدد الاشعه حسب الحاجة

    اشعه تسوينها قبل البدء بالابر المنشطه

    ومره كمان بعد اربع وخمس ايام من اخذ الابر

    ومره في النهايه قبل الابره التفجيريه

    يعني الاشعه قبل العمليه مو كثيره

    اما الاشعه اللي بعد الحمل

    سعرها 200 ريال وكنت اسويها كل اسبوعين تقريبا الين تستقر الحاله بعدين تصير كل 3 اسابيع

    الاشعه التفصيليه والابعاد الثلاثيه اللي في الشهر الخامس 700 ريال

    الدخول على الدكتور من غير اشعه 100 ريال

    ,,,,,,,,,,,,,,,,,,,,,,,,,,,,,
    بدايع

    مشكوره على كلامك الحلو

    صار عندي خبره واتحدى الشهراني والحسن:35:

    ولي عودة للرد عليك:27:
  2. @roh_alnmsa

    روح النمسا
    احب اضيف بعض التفاصيل هذي اشعه متابعة التبويض ويختلف عدد الاشعه حسب الحاجة اشعه تسوينها قبل البدء بالابر المنشطه ومره كمان بعد اربع وخمس ايام من اخذ الابر ومره في النهايه قبل الابره التفجيريه يعني الاشعه قبل العمليه مو كثيره ا…
    ....................
  3. @sbysyal

    انصدمت لما قلتي ان الحسن ترك الحمادي لاني اراجع عنده وناويني اعيد العملية
    على الشهر الجاي او اللي بعده وعسى ان تكرهوا شيئا وهو خير لكم ..
    انا جربت الحسن وجربت الشهراني وباقول رايي بكل صراحة بعيد عن التلميع
    وتذكروا انه رايي وتجربتي يعني ما يلزم احد فيكم ويمكن شفتوا شي انا ماشفته او
    ظروفي تختلف عن ظروفكم ..
    سويت عمليتي الاولى عند الصفيان لكن ماكمل معي وحولني على الشهراني
    اللي كمل معي بتقنية IVM سحبت البويضات وتلقحت ويوم جاء يوم الترجيع سالت
    الدكتور كم درجتها قالي ممتازة جدا وعطاني امل كبييير وانها بتنجح وكل شي بامر الله
    لكنها مانجحت والدم نزل علي باليوم العاشر ..
    بعد كم شهر اخذت تحويل للتخصصي وطلبت من الشهراني يعطيني تقرير عن حالتي
    وصورة من ملفي ولما قريته انصدمت ان البويضات اللي رجعها كانت من الدرجة الرابعة
    والخامسة !!!!
    يعني كذب علي وعلقني بحلم فاضي ولو قالي كان على الاقل ماكملت الترجيع واخذت فلوسي
    ولا اخسر هالمبالغ الكبيرة على الفاضي !!!

    المرة الثانية سويتها عند الحسن وكان تعامله حلو وصريح جدا وشرح لي كل شي وقال لي
    كل شي واملني بعد بالحمل لان عمري صغير ..
    سويتها وجاني فرط استجابة وتلقحت بويضات وكانت من الدرجة الاولى ماشاء الله
    رجع لي منها اثنين ولا نجحت الحمدلله لكن ماشفت احد سفهني او خلاني بدون متابعة
    وكلما دقيت على جوالهم يردون بسرعة ..

    الزبدة انا عن نفسي ارتحت للحسن والشهادة لله الرجال ماتهمه الفلوس وهذا اللي شفته منه
    وتعامله حلو واخلاقه ممتازة
    وحتى الشهراني كان تعامله حلو معي واخلاقه حلوه لكن لما اكتشفت انه كذب علي كرهته
    من كل قلبي ولا اظن احد بيلومني ..
  4. @roh_alnmsa

    سبيسيال
    انصدمت لما قلتي ان الحسن ترك الحمادي لاني اراجع عنده وناويني اعيد العملية على الشهر الجاي او اللي بعده وعسى ان تكرهوا شيئا وهو خير لكم .. انا جربت الحسن وجربت الشهراني وباقول رايي بكل صراحة بعيد عن التلميع وتذكروا انه رايي وتجربتي يعني ما …
    انا لو مكانك كان رجعت كلمت الدكتور الشهراني وعرفت منه السبب

    بس انا اتوقع قالك كذا عشان نفسيتك تكون تمام ويكون عندك امل وتفاؤل لانه لو قالك انها من الدرجة الرابعه

    والخامسه حيأثر على نفسيتك وحيكون املك ضعيف ومعروف ان النفسيه لها دور في ثبوت الاجنه

    والمبلغ اللي حيرجع لك لو مارجعتي الاجنه مو كثير ماعتقد الدكتور بيطمع فيه ..

    انا صار معي نفس الشي وحده من عملياتي عند الدكتور سليمان قالي انها من الدرجة الاولى

    ولما اخذت التقرير للشهراني قال لا مو من الدرجة الاولى


    بس بصراحة عادي تقبلت الامر ومازعلت من الدكتور سليمان قلت اكيد له اسبابه واتوقع انها نفس الاسباب اللي ذكرتها خاصه انه مسوي تخفيض على عملياته مساعده منه الله يجزاه خير.


    بعدين وش قصة الحسن مو عارفين وين راح

    اسألوا المستشفى عنه وينه وهل بيرجع او لا

    مو معقول يختفي ولا احد يدري عنه
  5. @roh_alnmsa

    بدايع
    لكن هالقسم كله نفسيات تعبانه مره ضحكت على هالكلمه وانبسسسطت عليه معليه يابنات بس بجد كلنا تعبنات بجد أسئل الرحمن الرحيم أن يرحم ضعفنا ويجبر كسر قلوبنا ... والنمسا مره أسلوبك حلو ومريح ماشاء الله عليك حسيت مره فاهمه ... الله يتمم ل…
    انا لو مكانك ابدأ اعمل مواعيد في الحكومي وعلى بال مايجي موعدي اروح ذريه واسويها عند الشهراني


    انا اول مافكرت بالانابيب رحت الحرس الوطني عملت مواعيد وكل شهر كنت اكلم يقولون لسى ماجا دورك

    عرفت ان الشغله مطوووووله

    قمت رحت التخصصي الطبي وسويتها 3 مرات

    الين جا موعدي في الحرس بعد سنتين :icon28:

    سويتها بالحرس وحملت ومات الجنين في الشهر الثاني

    بعدها بكم شهر رحت لمركز ذريه
    وجمعت في هالمره بين الرقيا الشرعيه والعلاج والحمد لله

تابعي تجارب أخرى من هذا القسم.