اذا المدرسة وقفت بنتك حصة كاملة عشان ماحلت الواجب وش تصرفك ؟

السلام عليكم

يااخوات بنتي اليوم قالت لي مدرسة الانجليزي وقفتها حصة كاملة امس عشان ماحلت الواجب
وتقول رجولي اوجعتني وانا ماكنت داررية انه واجب وهذي ثاني مرة واصلا تو الدراسة بادية من الاسبوع الماضي ماامدى

الصراحة انقهرت مع اني قلت لها غلطتك وتتحملين ليش ماحليتي هذا اهمال

لكن بالحقيقة انا ماابي تسوي لبنتي كذا وابدق اليوم ان شاء الله على الادارة بس ابي كلام عام يعني ماابي احدد المعلمة علشان ماتتضرر

اقولها مثلا نبهي المعلمات لايوقفون ان بنتي توقفت حصة كاملة ؟ ولا اخاف ينقهرون الباقين يقولون طيب حنا وش ذنبنا ماسوينا شي

ولااطلب المعلمة باسمها واكلمها لكن ماابي تركز على بنتي ولاتغير معاملتها وتبدا تدلع البنت وتهمل
الصراحة ابي رايكم

22 تعليق 1,765 مشاهدة

شاركي في النقاش

سجلي الدخول لإضافة تعليق.

التعليقات

22
  1. @aasl_22_1

    والله ماتسوى عليها المسكينه واقفه حصه كامله عشان واجب
    دقي على المدرسه وقولي ابي المعلمه فلانه ( الي هي حقت الانجليزي)
    وقولي لها الله يهديك وشوله موقفه البنت حصه كامله من يوم رجعت وبنتي تعبانه ماتقدر توقف
    عندك الدرجات ونقصي فيها بس مو توقفينها حصه كامله عشان واجب ترا لسى صغيره المفروض تشجعينها وتحبببينها في الدراسه وحل الواجبات مو تنكدين عليها من بدايه العام وتعقدينها
    مايصير تسكتين لها
  2. @aazyz_brby

    صاحبة الموضوع
    عسل 22
    والله ماتسوى عليها المسكينه واقفه حصه كامله عشان واجب دقي على المدرسه وقولي ابي المعلمه فلانه ( الي هي حقت الانجليزي) وقولي لها الله يهديك وشوله موقفه البنت حصه كامله من يوم رجعت وبنتي تعبانه ماتقدر توقف عندك الدرجات ونقصي فيها بس مو توقف…
    لا والواجب بعد ماعاد عليه درجات الظاهر

    الصراحة حصة كاملة كثيرة يعني حوالي 45 دقيقة ؟

    شكل المدرسة جديدة وماهيب عارفة ولا من زمان الناس تاركين التوقيف

    ايه ان شاء الله ابكلم اليوم

    الله يعطيك العافية
  3. انا مدرسه واعاقب حسب سلوك البنت عندي يعني اللي اول مره تنسى حرام اوقفها بس لو صار كل يوم اهمال فيصير كلام ثاني
  4. @mnfrshh

    بصراحه ولا تزعلين
    أنا أشوف عادي خلي البنت المره ثانيه تنتبه لواجباتها وتحرص عليها
    ورايي ما تكلمين الأداره إلا إذا بنتك فيها شي.. يعني لا سمح الله فيها مرض معين ويأثر عليها الوقوف والإجهاد الجسدي وإنتي مخبرتهم هينا لا تخلينهم..أما لمجرد إنك رحمتيها من طول الوقفه..إنتي ماتنلامين لأنك أمها لكن مادام بنتك حاسه باالخطاء وإن وقفتها عشان ماحلت الواجب ..صدقيني هذا من صالح بنتك ولاتحسسين بنتك إنك موراضيه على المعلمه حسسيها إن الوقفه بسبه عدم حل الواجب وإنها إذا ما أهتمت بواجباتها مره ثانيه بتوقف..ترى هذا في الأول والاخير من صالح بنتك.

تابعي تجارب أخرى من هذا القسم.