كل ماشاف أخته دعى عليها وتحسب..والسبب!!

@shthrat_althhb_2

سلام الله عليكم ورحمته وبركاته..

هذي وحده تشكي لي من مشكله مع أخوها..
وتقول تأكدت الحين وأمنت بالمثل اللي يقول: (امش في جنازة ولاتمشي في جوازه)
والسالفة ومافيها: أن أخوها قرر يتزوج وطلب من خواته يدورون على عروسه مناسبة..
وأعطاهم شروط العروسة (بيضااء - طويله - جميله - كشخه - طالبة بالجامعه)
ومن يومها وخواته يدورون له ويختارون له ويرشحون له بنات حسب مواصفاته..
فالله قسم له الزواج ممن اختارتها له قريبتي ..
فقريبتي حسب وجهة نظرها انها بيضاء وطويله وكشخه وناعمه ..ونفس المواصفات
اللي طلبها أخوها..فمدحتها له وأثنت عليها ..
وفي ثاني يوم الزواج عندما جاءت قريبتي لتهني أخوها وتبارك له أخذها على جنب
وقال لها: حسبي الله عليك كان وهقتيني..مافيها ولاصفة وحده من اللي ذكرت لكم ..
لاهي بيضاء ولا طويله ولا جميله
هي ضاااق صدرها لأنها تشوف (حسب ذوقها) ان جميع المواصفات فيها!!!!
طلب من أهله أنه يطلقها لكنهم أشاروا عليه بالصبر والتأني لفترة ثم يقرر بعدها ..
فأراد الله أن تحمل زوجته من أول ليلة..
فما قدر يطلقها وصبر معها وكمل حياته معها..
والحين له ثلاث سنوات معها وعنده بنت ..
لكن قريبتي تقول: في كل زيارة اروح لأهلي ويشوفني يتحسب علي ويدعي علي..
ويتحسر على حياته ويندب حظه ..ويقول لها: جعل مابي بك من هموم ونكد ..اقساط على راسي بسبب هالزواج ..وزوجة ماأحبها.
وبنت ماودي أظلمها..وماعندي قدرة مالية لفتح بيتين..

وش رايكم بموقفها؟؟

107 تعليق 8,274 مشاهدة

0 0

شاركي في النقاش

سجلي الدخول لإضافة تعليق.

التعليقات

97

  3. @akht_almthlom

    مالة حق يدعى عليها خلاص يتزوج وينهى الموضوع ولا يعيش معها وهوة كارها وهذى القسمة والنصيب لاكن ماقول الى انا الرجال شايفين نفوسهم كاملين واحنا الناقصين والحل بيدة

  4. @shthrat_althhb_2

    صاحبة الموضوع
    بهلوله الهلاليه
    وين الشوفه الشرعيه وليش ماشافها فترة الملكه يعني معقوله ماشافها الا بليلة العرس حشى وش هالعادات الغبيه هذي
    مازالت بعض العائلات حتى الآن ترفض فكرة الشوفة الشرعيه ..ويعدونها عيب ..وشيء غريب على عاداتهم..

تابعي تجارب أخرى من هذا القسم.