من مين يخافون عيالك منك والا من ابوهم <<<<بسرعه اعترفي

بسم الله الرحمن الرحيم
السلام عليكم ورحمة الله وبركاته
اليوم جا في بالي هالموضوع بعد ماطلعت بنتي من المدرسة
جتني وقالت اليوم ضاعت عبايتي وجلست اصيح وبعدين لقيتها
انا سألتها ليش صحتي
انا على بالي انها بتقول عشانها جديدة وتوها شاريتها
قالت لي اناخايفه تهاوشيني عشانها ضاعت
لانها قبل امس نست شنطة الوجبة في الباص
وامس نست النوته اللي فيها الجدول في الفصل
وكنت الومها
وحتى في البيت اذا حاسوا شي او خربوا
يمكن يخافون مني اكثر


بس ماتوقعت اني بعبع لهالدرجة


يالله عاد قولوا لي من اللي يخافون منها عيالها ومن اللي يخافون من ابوهم


ومايمنع مشاركة الآنسات

99 تعليق 7,055 مشاهدة

شاركي في النقاش

سجلي الدخول لإضافة تعليق.

التعليقات

93
  1. @shtat_alfgr

    انا ولدي الله يحفظه عمره سنتين وعليها بس مايخاف مني ولا من ابوه
    يعني عايش شقاوته على كيف كيفه ..
    بس اقول يمكن مني يخاف
  2. @hms_alshrk_1

    الصراحه بنتي تخاف مني اكثر لاني اكثر حرص عليها من ابوها بعد هو حريص بس إذا سوت شي ولى ضيعت شي يقول عادي بس انا اكبر السالفه
  3. @mes2

    بنتي ماتخاف لا مني ولا من ابوها بس ممكن انا شوي خخخ عمرها 3سنوات و9شهور
  4. @alaml_alakhyr_1

    حبايب قلبي يخافون مني ومن ابوهم
    مع اني طيوبة بس ما اعرف ليش بزورتي على اخواني وبنات العائلة وزوجي يخافو مني
    لو وقفت اتكلم مع احد ومعصبة ومن غير ما اصرخ تلافيه يتجمد من الرعب
    احيانا يعجبني هذا الشئ لكن في احيانا كثيرة ازعل ليش يخافو منى رغم انهم يعرفون اني احبهم

تابعي تجارب أخرى من هذا القسم.