تجمع الأمل والرجاء 41 للمقدمات على عملية أطفال الأنابيب والمنتظرات نتيجة التحليل

السلام عليكم .. كيفكم صبايا ..ويااااارب ياااااااااارب يكون هالتجمع فاتحت خير علينا جميع .. حابه انظم لتجمعكم المبارك .. انا نويت هالشهر اسوي العمليه وتم يوم الثلاثاء سحب البويضات ولله الحمد .. ويوم السبت باذن الله بيكون الترجيع ..
بس مشكلتي انه من امس الثلاثاء وانا ماني قادره انام ولا امشي ولا اجلس تعباااااااااانه احس بالام فضيعه بسبب السحب واذا مشيت بس منحنيه وبطني متحجر :( :( قاعده اكل مسكنات بس مافادة..فيه احس مر بنفس وضعي تكفون طمنوني :( ..

هلا حبيبتي كل الي حاسه فيه جاني كنت مسويه السحب بيوم سبت والله حسيت باموت حتى ما كنت اقدر اعدل ظهري في المشي الين يوم الاثنين الظهر بدا يخف الالم برغم رجعت يوم الاثنين وسالت الدكاترة عن الالم قالوا عادي وخذي بندول جبتين مع بعض والحمد لله في اليوما الثالث من السحب زال الالم تماما الله يشافيك
تحملي وخليك مريحه الله يكتب لك الخير يارب

مرحبا صبايااا

انا عندي صديقتي بدت بعملية طفل الانابيب على العموم هي راح تنضم لكم قريب بس تتنظر التفعيل من الاداراة

بس هي مرة متوترة وحابه اساعدها

هي عملت سحب بويضات قبل يومين وقالو لها بس سبع بويضات تم تلقيحها بس ماقالو لها كم اللي ضبط التلقيح منهم؟

هي مرة متضايقة لانه سبعة على كلام الدكتور اقل من المتوسط لانهم سحبو منها 15 بويضة..


الله يجزاكم خير وييسر لكم الحمل

هل تتوقعون راح ياثر على عملية نجاح عمليتها؟؟

وسؤالها الثاني

هي طالبة تدرس بالجامعة وتعرفون مشواير الجامعة والاختبارات والحوسة هذي

وهي مرة خايفة بعد الارجااااااع من الحركة..و المشكلة ماتقدر تغيب اكثر من ثلاث ايام

لان هالفترة هي غايبة بعد عملية السحب تقول تحس بالالالم بالبطن وماتقدر تمشي وكل شوي رايحة جاية مسكينة على الحمام


وش تنصحون فيه بعد الارجاااااااع..؟؟ المضيبة الدكتوررر مرررة نذل مو راضي يعطيها اجاز ة اسبوع يقوول عادي بعد الارجاع مارسي حياتك طبيعي

بس انتم عارفين مو الدكتور اللي حاس بالالالم وهي مسكينة ماصدقت ان زوجها يوافق على العملية ولهم خمس سنين ينتظر انها تحمل

وماودها تخسر الجنين لو ربي كتب لها وحملت ..

بس مرة محتارة وش تسوووي؟

وماني عارفة كيف اساعدها؟

ياليتكم تعطونها نصايح خصوصا نصايح ايجابية لانهاااااا مرة موسوسة كل الوقت تقول لو فشل حملي لو فشل حملي لانها عملت تلقيح صناعي خمس مرات وكل مرة يفشل وتحسونها مسكينة مرررررررررة متعقده,,

هلا بك وإن شاء الله تحملين قبل ما تبدئين
وعن سؤالك قابلت بنات حملوا من محاوله وناس من محاولتين وصعودا متى ما اراد الله بتحملين الله يرزقك